Mobile Phone Na Lei Zik Tikah Na Theih Ṭulmi

Tu cu Phone na lei zik tikah Phone dawrah na lei dingmi Pone cu a lem maw a tak, cui Phone ih Quality ṭhat le ṭhat lo, theihawlnak bik lamzin le a ti danpawl kan hlawm aw ding.

Na lei dingmi Phone cu Quality ṭha, Original Phone a si maw si lo ticu mit ih zoh men cun theih a har. Tui san ahcun Clone phone tivekpawl tla an suah ciamco tikah theih a har sinsin. Curuangah na Phone lei dingmi cu Orginal a si maw si lo ti, na theih lohli theinak dingah kan run tarlangnak a si.

Ahmaisabik ah *#06# kha hmet awla Call aw. Cumi ah leitlun ramtamhuap (International Mobile Equipment Identity – IMEI) cafang 15 a ra lang ding. Ṭhimnakah: 4 3 4 5 6 6 1 0 6 7 8 9 4 3 5 sisehla. A cafang (7) nak le (8) nak ih numbat cu:

1) 02 asilole 20 a si ahcun na Phone cu Tuluk tuah Quality niambik a si tinak a si.

2) 08 asilole 80 asi ahcun na Phone cu Germany tuah a si tinak a si. Quality lam ahcun cutlukpi cu a si lo. A se bik cu a si lo.

3) 01 asilole10 asi ahcun na Phone cu Finland tuah a si tinak a si. Quality lam ahcun a tawk pam ti theih a si ko.

4) 00 asi ahcun na Phone cu an tuahnak hram cetzung ihsin tuahmi a si tinak a si. Quality cu ṭhabik a si ti theih a si.

5) 05 asilole 50 asi ahcun Korea tuah a siih, 03 asilole 30, 04, 40, 06, 60 pawl an si ahcun Vietnam, Singapore, Taiwan rampawlih tuahmi a si tinak a siih Quality cu a ṭha ve tuk ko.

6) 13 asilole 31 asi ahcun na Phone cu Quality se bik Phone a si tiih ruah theih a si. A roh bik cu himi Phone hi na harhdamnak hrangah ṭihnung a si ruangah thlah lohli ding kha nuar nei hlah.

A tlunih tarlangmi cafang number pawl hleiah a dang, ramdangpawl ih code number ummi a um lai. A tlunih tarlangmipawl tla cu a lar deuhmi pawl lawng an si. Khah cuti a si ahcun Quality ṭha maw ṭha lo, Orginal a si maw silo timipawl tla na san thei thlang a si. Nan zaten Phone ṭha le Original neitu si hramuh tiah duhsaknak ka lo hlan.

A tlunih tarlangmi tuahdanpawl hi Mobile Phone ziangvek hrang khalah a si. Atu bet duh hrihmi cu Samsung Phone pawl hi Original a si maw silo timi theihtheihnak a si.

Samsung Phone ah

*#0*# Call aw. Original a si ahcun color tete a rung lang ding.Font camera tivek speaker tivek Phone pakhat ih a thupimipawl tla san theih a si. Cuihnuah Sinsor timi hmet awla image test timi hmet sal aw, Uico zuk a ra lang ding, na phone kha a lem a si ahcun Uico zuk a ra lang lo ding. Phone ih setting.display.font style a um maw um lo zoh aw. Font style a um asi ahcun na Samsung Phone cu a lem a si lo tinak. Hitin na Samsung Phone cu na san thei a si.

Credit: LAH-MIN-MAWNG