1.
Tatanic lawngpi sungih mankhung bik khan cu zankhat riah manah tulai paisa
dollar ting khat tluk a siih leitlun ih Hotel man khung bik ‘burj al arab’ timi
hnakin a let thum in a khung.
2.
Titanic lawngpi sungih musician pawl cu culai sanih mipi duhbikmi hla-lar 370
lenglo cu zohlo in an ngah thluh. A sungih mikhual zovek khalin ziangvek hla
saksak dingih an dil tikah tluang zuahzo ih an sah sak thluh theinak dingah a
si.
3.
Titanic ahcun bulpak thuthang ‘ The Atlantic News’ timi suah a si. Cumi cu
lawng totu mipawl hrang lawngih suahmi thuthang a siih nitin suah a si.
4.
Titanic ih a palinak luban pi cu a mawinak ding men rori ih tuahmi a si.
5.
Titanic lawngpi cu a tum tuk ruangah mawn suah a si theinak dingih meihawl
engine her suak thei dingah hnaṭuantu minung 178 hman a si.
6.
Titanic lawngpi cu leitlun thuanthu ah vurtlang pah ih pilhlo lawngpi umsun a
si.
7.
Vurtlang pi an hmuh ihsin zindang zawh dingih theihternak an pek tikcu hi nahzi
khuai sung a tlai.
8.
Titanic lawngpi pil thluh dingah nahzi pa 2 le minutes 40 a rei.
9.
Lawngpi a pil netabik tiang meisa mit lo dingih rak kilkhawitu lawng engineer
minung 23 cun an nunnak an liam.
10.
Lawngpi sungih awnmawi tumthiampawl khal cawlloin lawngpi a pil tiang awnmawi
an tum.
11.
Titanic lawng sungih sinak sang, upapawl tomi himnak lawng cu a tlangpithu in
mi 8 lawng to sian asi nan a tlangpithu in cui’ himnak lawng sungah 150lbs rit
minung 20 tluk ciar a phur thei.
12.
Titanic lawngpi sungih a totu uico 13 lakah 3 lawng an nung.
13.
Titanic lawngpi sungih rawlsuangtu pakhat cu zu nasatukih a rak rit ruangah cui
zu (alcohol) ih thisen sat ternak ruangah vur parah nahzi 2 sunglai a um theiih
mibawmtu lawng a ra thlen tiang nungdamin a rak hngak thei.
14.
Titanic lawngpi a siatnak, a pilnak hmun cu thei cing hmanin a hawlsalnakah kum
70 an rei.
15.
Titanic zuknung an cannakih an hmansuahmi sumpai hi lawngpi an rak sahnakih an
hmanmi sumpai hnakin a tam sawn.
No comments:
Post a Comment