UEFA Champion League Laksawng Thu

Tu ih kum tin an pek reromi UEFA Champion League Laksawng (Trophy) hi 1967 ihsin an rak pe thawk. Kum 3 a zawnzawn ih pakhatnak ngah theitu le vawi 5 ngah theipawl hnenah orginal trophy vekciah ih tuahmi kha sunlawihnak ah an pek lanta.

Cumi sunlawihnak ngahzotupawl tla cu: Real Madrid, Ajax, Bayern Munich, Milan, Liverpool, le Barcelona pawl an si. “Real Madrid” cu kum 5 sung (1956, 1957, 1958, 1959, 1960), kum tin a zawnzawn in Champion League laksawng a rak ngah hlei ah vawi 10 rori Champion in leitlun ih Champion League laksawng ngah tambiktu a si. “Ajax” cu vawi 4 te lawng a Champion thei nan kum 3 sung (1971,1972,1973), a zawnzawn ih a ngah thei ruangah hi laksawng rak pek a si ve. “Bayern Munich” cu vawi 5 rak Champion theitu a si ve. “Milan” khal vawi 7 rori Champion theitu a siih a pahnihnak Champion tambiktu a si. “Liverpool” khal vawi 5 rori a rak Champion thei ve (tui zuk tarmi khi Liverpool’s museum ta a si). “Barcelona” khal vawi 5 te a rak Champion thei ve (betmi, a nih cu zuamawknak tenau ah laksawng a ngah tam). Himi team/club 6 pawl hi a tlunih tarlangmi vek hlawhtlinnak an rak hmuh ruangah Orginal Trophy thawi a bangawmi (replica of the trophy) cu neilanta, colanta dingih sunlawihnak hrangih pekmi an rak si.

Tu ih hman reromi trophy hi 74 cm (29 inc) sang a siih ngun thawi tuahmi a si. A rih lam cu 11 kg (24 lb) a si ih lungmankhung (jeweler) thawn Jorg Stadelmann timi pa,( Bern, Sweitzerland) ih tuahmi a si. UEFA Champion League ih original trophy cu 1966 ah Real Madrid ih vawi 6 laksawng an ngah sunlawih le theihpitnak ah Real Madrid hnenah rak hlan a siih 10,000 Swiss francs (US $ 10282.41) man a si.

2012 – 2013 ihsi cun Champion ngahtu hnenah sui tacik 40 (40 gold medals) khal hlan tel a siih a pahnihnak (runners-up) hrangah dar tacik 40 (40 silver medals) hlan a si.

Sumpai Zawngih Ngahmi

2015-2016 ahcun UEFA Champion League lektupawl ih ngah ding paisapawl tla cu:

• First Qualifying Round: €200,000
• Second Qualifying Round: €300,000
• Third Qualifying Round: €400,000
• Play-offs Eliminated: €3,000,000
• Play-offs Winners: €2,000,000
• Base fee for group stage: €12,000,000
• Group match victory: €1,500,000
• Group match draw: €500,000
• Round of 16: €5,500,000
• Quarter-finals: €6,000,000
• Semi-finals: €7,000,000
• Losing finalist: €10,500,000
• Winning the Final: €15,000,000

A tlunih tarlangmi hi an laksawng le paisa hmuh ding zat a si. Asinan an ngahmi zate tinak a si lo. Ṭhimnakah 2014-2015 ah Juventus cu a pahnihnak (runner-up) asinan a pasa hmuh zat cu a zaten €89.1 million a siih cumi sungin €30.9 million cu laksawng ih an ngahmi liolio a si. Khami ah Champion Barcelona cu €61.0 million a ngah €36.4 million cu laksawng liolio ih an ngahmi a si.

Source: UEFA Champion League Wikipedia