Kan Ken Theimi Hnakih Tam Sawn

Nauhakte pakhat cu a nu thawn thil lei dingin dawr tluanah an feh. Dawr kiltu pakhat in naute cu a zoh ih duhnung a ti tuk, mawi a ti tuk fawn. Cunah a burte sungih ummi cithlum/thanthling a hmuh ih ‘Naute duhnungte, hitawkih cithlum hi na ei dingah la aw’ a ti. Asinan nauhakte cun a la lo. Dawrkiltu cu a mang a bang, ziangah a la duh lo si pei ti a ruat. ‘La awla ei aw’ tin vei khat a ti sal lala. A vei hnihnak cun a nu in a rak thei ve thlangah, ‘ka fa, la awla’ a ti. Asinan nauhakte cun a la duh cuang lo.

Nauhakte in a la cuang lo ti dawrkiltu in a hmuh tikah amah rori in bur sungta cu a huam theitawk a huamih nauhakte cu pek. Nauhakte cu a kuthnih khatih cithlumpawl a ngah tikah a lung a awi ngaingai. Inn an thlen sal tikah a nu in a sut. “Ka fa, ziangah dawrkiltu in la aw a lo ti lai ah na la duh lo?”

Nauhakte cun “Ka nu, kei ka kut cu a fate tuk si, keimah in ka lak asile malte lawng ka la thei ding, asinan tucu amah dawrkiltu rorin a kut tum zet thawn a huam theitawk huamin in pe ih ziangtluk tam ka ngah!!”

Zirding: Kan mahte kan lak asile malte lawng kan ngah, asinan Pathian ih in pek asile kan ruahnak hnakih tam le ṭhasawnin kan ngah. Kan ken theimi hnak hmanih tam sawnin.

Source: Knowledgepublisher