Pastor Joseph Prince Ih Thu Tawi

Hmin                    : Joseph Prince

Suahni                 : 15 May 1963, Singapore

Nupi                     : Wendy Prince

Falepawl              : Jessica le Justin Prince

Rawngbawlnak   : New Creation Church

Dinhmun             : Senior Pastor

Website: http://www.josephprince.org/about/

Joseph Prince cu Singapore ih New Creation Church kawhhran ih senior Pastor a si. New Creation Church cu Asia sungih kawhhran tumbik lakih pakhat a si. Cui’ kawhhran cu 1983 ah an rak dinih Joseph Prince khal a dintu lakih pakhat a si ve.

Joseph Prince cu India mi Sikh puithiam ih fapa a siih a nu cu China a si. A hramthawk tlawng cu Malaysia ih Perak timi tlawng ah a rak kai. Prince cun a suahkeh hmin cu tui’ a hmin ‘Joseph Prince’ tiah a rak thleng.

Prince cu Australia, Canada, Great Britain, Italy, Indonesia, Netherlands, Norway, South Africa le United States pawlah an sawmnak vekin thuthangṭha sim rero zotu khal a si. Anih cu hleice zetin Hillsong Church Sydney ih Grace & Favour Seminar le Hilsong London pawlin 2006 ah thuthangṭha sim dingah an rak sawm. 2007 le 2008 ah tla Sydney le London ih Hillsong conference ah sawm a si. 2009 ah Lakewood Church ih Joel Osteen in a rak sawmih Johannesburg, South Africa ih 2 Days of Hope Conference ah tla sawm a rak si. July 2015 sung khalah London ih 2015 Hillsong Europe conference ah khal sawm a si.

Prince ih thusimmi TV programe cu leitlun ram 150 lenglo ah thlah a si. A thusimmi cu Internet online ihsin khal thlah a si.

Prince cu cabu, CDs le DVDs pawl a suah. 2007 ahkhan a cabu ‘Destined to Reign: The Secret to Effortless Success, Wholeness and Victorious Living”  kum hra (1997 ihsin 2007) sungih a sermon mi telmi a cabu Singapore ah tlangzarh a si. Cabu a suah hnu thla ruk ah cui’ a cabu cu Christian cabu zuar rangbik 100 sungah a tel cih. 2010 ah Prince ih cabu neta bik “Unmerited Favor” cu leitlun huap ah Charisma House in tlangzarh a si.

Pastor Joseph Prince cu 5 October 2008 ih Sunday Times timi thawi an hmaitawn thusuhawknak ahcun a thlahlawh (salary) hi thla khatah $50,000 a si thu a sim.

30 March 2009 ih The Straits Times ih sim dan vek asile an kawhhran in $500,001 ihsin 550,000 lak an pe tin a sim.

7 June 2010 ahcun Prince cu 2009 ihsin kawhhran in payroll an pe nawn lo tin theih a si.

Prince cu October 2014 ah leitlun ah Pastor lian bik pahran ah a tel tin richestlifestyle.com in a phuang ih 2015 khalah leitlun Pastor lian bik pahra ah a tel lai thotho. A neihmi cu S$6.4 million (£3.13 million) a si.

Source: Wikipedia