Pathian in nunau cu sersiamnak ni netabik ni 6 nakah a tuah.
Vancungmi cun Pathian a ra sut, “Nunau na sersiam cu na va rei cuang ve?”
Pathian in, “Nunau ka sersiam u-luk tuk nak le a rahsuah hi na thei thluh duh maw?”
Nunau cu ziangvek dinhmun khalah ziangvek khal a ṭuan thei,
Tikcu hmunkhat ah naute tampi a pom thei ih a kilkhawi thei
Thinlung kekkuai ih a khukbilhnak na ihsin-khal a mi pomnak in ziangkim a dam ter
Hi hmuahhmuah hi a kut pahnih te lawngih a tuahmi a si fawn
A nat tikah amah te a tuamhlawm aw ih ni khatah nahzi 18 lai hna a ṭuan fawn.
VANCUNGMI cu a lung a kim zet … “kut hnih lawng maw? …. A cang thei lemlo!
Himi hi maw na tuah ṭhat sal cuangmi cu?”
Vancungmi cun a rak naih ih nunau cu a vun tham,
“A taksa a nem tuk si, Bawipa”
Pathian in, “Si, a nem, asinan cak zetin ka tuah misi. Ziangtlukin a tuar thei ih ziangvek a pahtlang thei ti cu a ruah ngaihnak na thei lo ding”
Vancungmi cun, “Thu teh a ruat thei maw?”
Pathian in, “A ruat thei maw ti cu a nep tuk, amah hi a hrampi sawn a si”
Vancungmi cun nunau ih khabe cu a tham sal…
Bawipa, a hitawk na sersiammi hi cu a hleifuan deuh a bang, phurrit tam tuk na ret sak si”
Pathian cun, “A hleifuan a si lo … mitthli hokhaw”
“Mitthli cu ziang hrangah” tin Vancungmi in a sut sal..
Pathian in, “A mitthli hi a thinbangnak, a rinhmainak, a duhdawtnak, a umharnak, a tuarnak, le a duhawknak-pawl lang tertu le a lang ter daan a si”..
Vancungmi cu a lungkim tuk lawmam. “Bawipa, nang cu na tawk tuk, mi fimbik le mangbangza na si ringring. Nunau na sersiammi tla hi cu mangbangza a si ual”..
Pathian in, si e, a si silawm.
Nunau ih cahnak hin mipa a mangbang ter
A rit zetmi phurrit le harsatnakpawl phurh daan le tawlrel daan a thiam
Lungawinak, duhdawtnak, le zumhmang cu a keng tel
Thinheng ih au a duh caan ah a hni
Lungawi le thinhar ruangih ṭah a duh caan , le a ṭih caan ah hla a sak.
A zummi thil pakhat cu nun thapin a sual
A duhdawtnak cu mangbangza a si.
A sungkhat unau le rualpi an thih caanah thinlung kekkuai in a um nan nun timi sungah thazang thar a hawl sal.
Vancungmi cun “Cucu mi famkim a si lo ding sawm?” tin a sut.
Pathian in, “Silo, tlaksammi pakhat te a nei. Ka phu tuk timi a sinak khi a hngilh cingcing”
Na upatmi nunau hnenah hi ca hi kuat/share hme…
Cun nunau upat zet tiih na ruahmi mipa hnen khalah…
NUNAU:
· A hmin a thleng
· A inn a thleng
· A sungpawl a suahsan
· Na hnenah a ra cer
· Nang mah thawn inn a sak
· Nau a pai
· Naupainak in a taksa mawinak a hlo ter
· A thau
· Nau neih le pai hartuk ruangah ziangkim a bei a dong leuleu
· A neihmi falepawl hmanin nangmai hmin sawn an la
A thih ni tiang … ziangkim a ṭuan … rawl a suang, inn a thenfai, na nulepa a kilkhawi, na falepawl a kilkhawi, sum a hawl, ruahnak a lo pe, a lo cawl hahdam ter, innsang pehtlaihawknak ziangkim a kilkhawi, ziangkim na hlawknak dingah …. A caancaan ahcun cumpawl cu a mai bulpak paihmi, mawinak le hardamnak ih rahsuah, a man a si ṭheu…
Asinan zo in saw zangfak dah?
Mipapawl, nan nunih ummi nunaupawl hi upat uh, nunau si hi a ol lo.
*Nunau si hi manneilo a si lo*
Nunau Upatnak Thawn…
0 comments:
Post a Comment