MIZO ŢAWNG UPA Ţhenkhat

MIZO ŢAWNG UPA ṭhenkhat

(A) Chhun leh zan hun Ţhen te:

1. Thingchangvar- Khawfingchah hma lawk a khaw eng lai lawk hi.

2. Varţian- Khawvar tirh.

3. Khawfingchah- Zing khawvar hlim.

4. Khuantevik- Khawvar tirh ar khuan hun.

5. Kawl en- Kawlkil en tirh, Khawvar tirh.

6. Ni tlang san- Ni chhuah san tawh hnu.

7. Naurilţam- Tukţhuan eikham leh chawfak hun inkar.

8. Fehrehsan- Tukţhuan eikham leh chawfâk hun inkar.

9. Chawfak hun- Chhun chawei hun, Chhunlai.

10. Chawhnu tlang her- Ni a her hret tawh hun hi.

11. Behliang mun hun- Zanriah chhum hun hma deuh.

12. Losul haw hun- Ni tlak hma, feh haw hun.

13. Unau hmel hai- Thim hlim, inhmuh chian vak theih loh hun.

14. Leng len hun- Zanriah eikham hnu, zan tir.

15. Leng hnawt chhuak ar- Leng haw hun, dar 12 rik hma hian ar a khuang ţhin chu mi hun chu.

16. Zanlai ar khuang- Zanlai dar 12 vel a ar khuang hi.

B) Upat lam sawina:

1. Ni la vui zo lo- Naupang nileng a muhil lova la awm thei lo.

2. Se en rual- Naupang lei kang tawh tak.

3. Tual chai rual- Naupang kum 5-10 inkar vel hi.

4. Thingnawi fawm rual- Tlangval la hre lo, mipa naupang sawina.

5. Tuha kuai rual- Hmeichhia kum 14-17 inkar vel hi.

6. Ralkai rual- Mipa kum 14-17 inkar.

7. Ram ţangrual- Hmeichhia leh mipa kum 14-17 inkar.

8. Tleirawl- Hmeichhia nulat hre ţan.

9. Rawlthar- Mipa tlangval hre ţan.

10. Lenglai- Nula leh tlangval nupui pasal la nei lo.

11. Lengţul- Nula tlangva upa tawh nupui/pasal la nei lo.

12. Hmeithai- Mipa tel lova mahni choh va, inhrang chang ve hi.

13. Pahmei- Chhungkua a mipa chhawrtlak pakhat choh awm hi.

14. Parawl- Mipa mahni chauh a inhrang chang a awm.

15. Pathlawi Nuthlawi- Nupui pasal nei tawh, nei leh tawh lo te.

16. Val upa- Nupui nei tawh pawh nise, thiltih nikhua a nula tlangval ho peih tak te hi.

17. Tu mawngbeng- Fate’n a fa nei leh tawh hi.

18. Khupthum hmu- Tute’n tu leh chhawng an neih hmuphak.

C) Hlat lam sawina:

1. Chil chhak phak- Hnai te sawina (Uar taka a hnaihzia sawina)

2. Dumde ruang chen- Hla tehchiam lo, hlat zawng sawina.

3. Lung vawm phak- Lam hnai te sawina.

4. Kei daidan, Vawk tlat phak- Khaw ţhenawm inhnaih tak vawk leh kel te pawh intlat pawh phak.

5. Chawhma kal- Chawhma a ban tawk.

6. Nikhat kal- Nileng a ban tawk.

7. Ram tuk khat- Khaw khatin kum khat a lo an neih.

8. Kawlvalenchham- Sava thlawh thlen phak. Ram hla tak.

9. Mitthim tlin tawk- Mita hmuh phak tawk.

D) Hun rei lam sawina:

1. Arkai den zan- Thla bial zan(Thla det a ţanga ni 15-ah)

2. Thla hlei nga- Thla bial zan.

3. Thla hlei pai- Naupai hun pangai aia rei pai.

4. Tuanna saruh khel- Upa tawh si ţhang thei lo.

5. Tuibur hmuam da- Hun rei lo te chhung sawina.

6. Vaibel bengkhat zuk daih- Hun rei lote chhung sawina.

7. Kumpui linglet- Kum tluan, kum tling chiah lo mahse kum a chhiar thei.

8. Hmakhaw sang- Hun rei tawh tak, hriat chian hleih theih tawh lo.

9. Hmanlai- Hun rei tawh tak, hriat chian hleih theih tawh loh.

10. Murakeka khuangchawi- Hun rei tawh tak, hriat chian hleih theih tawh loh.

11. Thlanrawk pa khuangchawi- Hun rei tawhtak hriat chian hleih theih tawh loh.

12. Tuan leh Mang- Hun rei tawh tak, hriat chian hleih theih tawh loh.

E) Tlem leh tam lam sawina:

1. Ar chil zat- Uar deuh tak a thil (tuiril) tlemzia sawina

2. Ui hum- Tlemte sawina

3. Vei khat- Tlemte sawina

4. Hawp khawp- Chhungkuain kumkhat a buh an ei tawk.

F) Lenzawng sawina:

1. Hriau tiat- Thilte tak te, thil zai sinte te sawina.

2. Phunthli tiat- Tlema thilte ve si, hraw deuh sawina.

3. Vaibel dawn rual- Tlema thilte ve si, hraw deuh sawina.

4. Sum- Kuttum in a awh chen a lian.

5. Hmer khat- Hmer zawh tawk a lian.

6. Hreiha rual- Saiphir hmer vel a lian.

7. Khanchhuk rual- Malpui tiat vela lian.

8. Pa pawn- Patling in kut hmawr tawn inkhawi phak tawk a pawm tawk a lian.

9. Diar vet- Diar veh chhuah tawk lian.

10. Hrei ha hlang- Patling in hrei ha hmawra a vawn a kut khing leh lama a pek theih tawk kual khung chhung tiat a lian.

11. Hmeithai in tiat- A tiat chiah tak tak nikher lo, thil lian pui.

12. Ar hmaitiat- Uar deuh taka ram tet zawng sawina.

G) Inkungkaihna lam:

1. A thlum a al ei za- Thil engkim kilho va, ei ho ţhin.

2. Ai hnah phah pui- A bul a ţang a thil tih pui.

3. Chul khat kual- Unau piang hmun, nu khat hrin.

4. Phung leh chang- Laichin unau leh ţhiante.

5. Sangawizawnpui- Thurualpui

6. Tu leh fa- Tunu tupa, tuchhuan te zawng2.

7. Tual tlan za- Chi hrang si chikhat ang a awm.

8. Vua leh vang- Chhungkhat hla deuh pawh a huam.

9. Ţhian leh rual- Ţhiante leh laina te.

10. Zemkhat zen- Eitur leh intur thil engkim inţawm tlang.

H) Hun bik nei te:

1. Arpa chanlai- Hnehtu chanlai.

2. Chhiatni Ţhatni- Thihni leh nupui pasal neihni, ţhatni.

3. Furkhaw hnawlai- Fur lai hun.

4. Hmel chhiat lai- Chawei lai.

5. Kûtni vangthla- Kût hunlai, hlim lai hun.

6. Vahsan lak lai- Lovah hun lai.

7. Ţampui mitthi- Chawei tur pawh awm lo ţam hun lai.

8. Ţhalva êk char- Ţhal khawro vanglai.

I) Nupui Pasal chung chang:

1. Charsut phâwi- Unau hmeichhia naupang zawkin pasal a neih khalh.

2. Fanghmano ei- Hmeichhe man pangai bak thildang chhuanlam a pek tel hi, man a chhiar tel a ni lo. 3. Hringkir- Pasal nei a fa neih tawh hnua kir leh.

4. Karkalak zau- Laina ngah nana man eitu tur dik tak ni lem lo man ei tir.

5. Lamthlang rapthla- Hmeichhia pasal nei.

6. Makpa hnam hrual chat- Hmeichhe pasal nei lai an thih in.

7. Ranngo zawng- Nupui tur zawng.

8. Rem ar talh- Tluang taka innei a fanau maltluan chawi turin lawi ar le mipa lam ar an talh a (ar zang tuak an ti) Rem ar talh an ti bawk.

9. Sehrui sat chat- Innei tur a sawi fel vek tawh, midangin an ţhulh tir.

10. Thisenpal- Hmeichhia fa nei tawh.

11. Ţang ţhen- Inţhen tihna a ni.

12. Ţangdang vuan- Pasal nei tawh, a dang nei leh.

[source: Vangva site]