Pupa Ţawngfim/Ţhim

Pupa Ţawngfim/Ţhim

                                                          By: Salai Michael Van

M

Mai’ mi duh thawi’ kaihra leek = Duh mi thawi neihawk/coawk cun retheih le zawnzaih khal tuar ka ngam.
Mai’ tilzang cum = Mi dang cim/cai seh tiih mah riangri cim ih cai tuar .
Mangmit tawk = A huatsauk dan cu mangmi a tawk/a tum dan cu mangmit a tawk.
Manzuu ricin = Sun le zan ih zu ri ringring.
Maurat men uh = Tlansanin tanta men uh.
Mawlmang biakih mi bia = Zo a si ti theihliah lomi theiaw vekih bia.
Mawlmang vakih vaktawi = Tumtah nei loih vak tawi.
Melmang  man = Ningzak ter.
Mi kutih sasem hlaw = Mi neih mi a dawaw duh ti.
Milai nunnak bo lo, zawngsen nunnak bo lo = Minung le zawng nunnak a rak um cingcing.
Milian a duhduh in ttawng = Mi lian/mi neinung pawl cu duhduh an ttawng hluahhlo, hmaisawng mi khal an ne lo.
Mindam le hurdam = Leilung Min a reh tikah rawl a tthat vek bangin nunau tlangau pasal neih tikih fa ttha nei.
Mi ngawngtawh le mi khermei = Thusim theih lo/lungruh, thinlung khal sia.
Mi sehsawl tuk hlah = Midang har ttuanter/tuahter tuk hlah ti can.
Mi thusim le Ar hma cuk = Mi thusim mi va lun vivo cu a na aw lak men.
Mithnawm lak tak ka bang = Harsatnak tuar thluh hnuah  nawnnak thlensal tikih ttawngkam.
Mi harih dar al = Mi dang an um lo ruangih mi pakhat khat tlingter/hruaitu maw thil pakhat khat tuanter.
Mi mut a hmangtuk = Mi phunsaih/siatnak rel a paih tuk.
Mipa hnah nei = Mipa cu khawruah nak an nei cingcing.
Mi se len le tite len = Mi sia an len asile an puarthauih an hngal ce.
Mitsin cakkhai tawng = Mithi : Thihhloh tawng.
Mit su loih um = Mitkemza : mittling lo.
Mit le hnar kan si = Sungkhat thotho kan si.
Mual le tlangin sin nei hlah = Thil langsar/lar  tuk cu thuh theih a si lo ti can.

N

Na atawk le sentlung pawng khit aw = Na at a zual tuk aw.Na a tuk tiin a daih nawnlo.
Na cawhcan lo, na bawce lo = Mi na bang lo/na bengvar lo.
Na ri-kuk maw na ra-kak ha ka si = Na sungte/sungkhat maw ka si.
Neta fungfek tuar = Neta bik cun co mi a nei lo.
Ngalcang in a neh a thihpi = Mai ttawng mi vekih tuah.
Ngalcar khawn le zunrim ngaih = Ngal khawn a nat tlukin zun ngai khal a na.
Ngawrhngeh cuahco = Natnak ruangih bese cuahco/thi zik thlang.
Ngulrua ka phum = Nehnak thantar rua ka phun.
Ning le luakin ei uh = Khawpzet le puar zetin ei uh.
Ni suah ka siar = Zunngai ruangah asilole mithi ngai ruangah nitin a harsa ka tuar.
Nuhmei thu le sa zan tla = Nuhmei thu cu hmun loin a thleng aw dualdo.
Nui’ su hmu ka bang = Thil pakhat khat tuahsual/ttawng sual ruangah ttawng ding thei nawn loih um.
Nunih sing lawm = Nun laiah cun mi tampi in duhsak tu le ngaina tu kan nei.
Nunau fim le Sepi ki = Nunau in thupipa le ruahnak tha taktak an tlin suak thei lo.
Nunharin reh ti um hlah = Neilo cingin kan tul mi thil pakhat khat tuah (paisa pek tul tivek) tikih hman mi.
Nun sung khawvang zoh = Nunhi a manhla in a sunglawi  bik.
Nupa thingthu cuhaw = Thu tenau menah nupi le pasal an toaw.
Nupi a neitui’ thu, Vawkpi a neitui’ thu = Nupi cu a neitu pasal thuthu a si.

P

Patar zuri le zawng mangsia = Zianghman ah sawr hmantlak lo/tthathnem nak nei lo.
Pat ko thelh le lengno hawh = Fala no lehpi/ngaizawn cun mi an kheuh.

Phungphai thlu lo = Dan thlun lo/Cin le dan nei lo.(Siikan nei lo).
Pialral a kai = Vanramah a kai.
Puan sung zangfil = A thuptei’ tuah mi thil.

R

Ral daih hnuih sialkip tlo = A thu cem hnuih thawhthar ciamco sal.
Ral vanphar vek a si = A awng siarsiar thluh.
Rawn tawng a thaw = Rilrawnzet laiih ei mi rawl a thawbik.
Ril le ngalin = Tlin lole thei lo cingin.
Rilrawng laittam bangin = Rilrawng tihal zet bangin.
Ruahpi van bawng sur = Ruahpi tak zetin a sur.
Ruang thuanih thi = Mi pahnih inn khatah an ruak men tlang/thi tlang.

S

Saar thih = Thihsia ih thi (tifen, meikang, thahmi tivek pawl).
Sakhi thingpar kaiter = Cang theilo mi cangterin.
Sakhi zan khat tla = Vei khatte lawng a tha thei.
Sakhi zul hrat, fala zul hrat = Fala cu thlun paih rero cun a ngah aw cingcing.
Sairuh dengkiak na si = Ttawngkam  na thiam tuk.
Sa lo-lam tawng = Sa kap.(ramtawi pa in sa a va kap tikih tawngkam).
Sawpsaw-lawl = Thusim theihlo/sualral.
Sempawk hrinhniang = Kan pawk le kan cawi lai kan fahniangpawl.
Seng-le-bang = Kham le hrap deuh.
Sialkiringcin = Ziangkim nei thluh/ti thei thluh.
Sir sik lo = Bang lo : Tluk lamlam lo.(mi pakhat khat kan bang lo mi le kan tluk lo mi parih ttawngkam).
Sawi hnawm kai lo = Relsiat ding pakhat hman um lo.
Sumhmui thawm vek a si = Hnipuan ttha hruhter man um lo.mi mit a la lo,,duh nung/iang nei thei lo.

T

Taima ekther bo lo = Hmunkip ah mi taima/mi law an rak um cingcing.
Tai tten cah le cah = Pacang ka tita cengmang tiih dungsip loih tuah/tuan tikih ttawngkam.
Taw lam van lai phir = Duhzet cingin duhlo vekih um aw ter.
Thawk-le-khat = Rin lo laiah, hma khatteah.
Taw le lu thei lo = Nauhak tuk lai : mina bese tuk.
Temteliak hman tilo = Pumpuar nak tlak in ei ding um lo.
Thengre vuak thlak ka bang = Ttawng ngam nawn/ttawng ding thei nawn loin ka dai ttheptthep .
Thi dawk nung ngan = Thi zik tein.(mi pakhatkhat cu an sawisa/an hrem nasa tuk thi dawt nung ngan in an tuah).
Thi hrulhhralh = Na sa zet le zuam zetin tuah/tuan.
Thlanhribaksen tla = Thlan dawk thluahthlo cingin.
Tlamak vek hlir an si = Mi hrawng/sa heh hlir an si tican.
Tluang fala ngai le vate zuang lai sai = Khawtluang(khawdang/hmundang) fala ngai cu vate zuang lai sai vekin ngah a har.
Turhhnawh = i ra salhsuah : mi hro phahih thil dil.
Tupa ttha le liangdam ttha = Tupa ttha nei tu pu pawl cu an hlawk:Tupa ttha neih cu hlawknak.

TT

Tthal bangbere = Khaw tthal lingsa/nisat lai tak.
Tthelhbawhah um seh = Hai tik/ttul tik ih hmandingah um seh.
Tthuangruah sur = Fur can ih ruahsur hmaisa bik.
Ttawngkam khatin Sepi a man = Ttawng kamkhat te hi a sia a ttha khal sisehla a hmual a na.

U

Uang-eng = Zamrang lo, nuamtete  um hnuanghno.
Uico vak khaw saruh tawng = ziangtuah loin vahtawih meimei can ih thil ttha sar/tawn.
Unau hmelpalh = Thim zik zawng hrawng.
Uisa hlo bangin = Ciamciamtei’ hawl loih ti vulvo le ti kuako ih hawl/um.
Uk-o ak-o-dah = Duh cingih duh lo vekih umawter, ngawlawter.
Upa kam kau = Upa lungkim loih um/upa pawl ih kawk/nunsim.
Uite ek suak vek = Um ngaihnak thei loih tal helhhelh.
Van law cui ka thin! = Mangbang vansiat tawn can ih ttawngkam!.
Vava ka tum = Ti ngaihnak ka thei lo/um ngaih nak ka thei lo.
Vanni co lo = Vansiat tawng/ hlawhtling lo.
Van lai zawlah = Van sang bikah.
Vanim a siih sapah a taw thu = Mi bang lo a si thlunah a damlo.
Vawih lo puh hman a na = Tuah lo mi cu tenau zet hman sihmansehla thin a na theizet.
Vawk suakin lungtum tawng, nunau vakin zangtum tawng = Vawk suak asile lungtoin miin an su: Nunau a vak tamtuk asile mipa zangtum a tawng.

Z

Zaang duh = Hnatuan duham/ham tuk (mi law).
Zaang can sawngtu  = Hnatuan sawngtu.
Zaang tal men a si = Mahte ti thei mi ti tham si lo, zianghman lo men.
Zan siar mitthli hnul ing = Zunngai le mithi ngai ih tap.Zunngai/tuar.
Zawhte meisa cawng vek a si = Na rei tuk lawmam.
Zaw loah a tla = Thulolakah a cang : a sungaw  lak.
Zawngih hmai hman kan zah = Minung cu zo vek te kan si khalle hmaizah ding kan rak um cingcing.
Zawngih sih hmu ka bang = Duh mi tawn tikih banzai/thenzai thiam nawn lo.
Zawngin a mai tawcak a hmu loih a hawi tawcak a hnihsan = Mah sinak thei loih midang nautat ih sawisel.
Zawng lakih ngau kaang = Mah tel lo/tuah lo hmansehla mi ttha lo pawl lak um ruangih siatnak tawng.
Ziangkhaw sawn lo = Ruat mi le pawi timi zianghman nei lo/Pawisat nei lo.
Zim le lep ah ding hlah = Tlaknak tlangah ding hlah/thingpar sangtuk kai hlah.
Zualko zawngih rel = Miin hua sehla thinheng seh ti zawngih rel/midang thinphang seh tiih rel hluakhlo.
Zuarmar le zarmar dah = Dimtete sihmanseh, huat zawng ra reltu kawknak.
Zumaw loih tilung kat = zum aw lo zet cingih tuah.