American Vaih Theinak DV Prgorame Sioh A Theih Zo

Kan than-awk ṭheumi American umtheinak, vaih theihnak visa cu kumtin tuah a siih kum tin minung 50,000 hrilsuah ih feh theinak a si. Cui DV form cu Tui thla October ni 1 ihsin November ni 2 tiang (cumi sungah) sioh theih a si.

American ramih vai duh, hnaṭuan duh, tlangkai duh kan um asile October ni 1, tlawngkai ni li, American hmailam ram tikcu sun nahzi 12 (Kawlram zan 10:30pm) ihsin Internet ah sioh theih a si. Tikcu hi November ni 2, tlawngkai ni khat, American tikcu sun 12 (Kawlram tikcu 10:30pm) ah khar a si ding.

Himi siohnak dingah paisa ziang hman pek a ṭul lo. Amahlawngte American visa na ngah asi ahcun a ṭulmi tete a um leh ding. Himi tuikum ih American feh theinak DV na ngah asile 2017 ah American ah na vai thei ding. Himi hi American rampi in 1995 ihsin an tuah thawkmi a siih 2015 ah a vawi 20 kimnak a si thlang.

Himi sioh nak dingah American ih um tam zet Tuluk(China) le India ih suakpawl cu sioh a theih lo. Kawlram ih suakpawl sioh a theih ih kawlrammi sinan hnamdangmi nupi/pasal neipawl khal sioh theih thotho a si.

Himi DV sioh nak dingah a thupi zetmi pakhat cu suahnak ram bikhiah a siih, fimthiamnak phunhra tal ṭheh zotu a si dingih asilole hnaṭuannak lamih tawntehmi raknei zo, training tivek rak kai zotu a si ding timi bikhiah cu a um.

A tlunih tarlangmi thawn pehparin nupi/pasal neipawl khal sioh theih a si. Mi pakhat ah siohnak ca-hnah pakhat lawng lak theih a siih a hlei cahnah na dil bet a sile an lo hnawl ding. Hmun dangih ummi kawlram suakpawl khalin an sioh thei asi.

American Ramdang ṭuanvoneitupawl in DV thawn pehparin Internet ih netabik an ngahmi cu 2013 ah kawlram ihsin himi siohmi 26,060 an kimih insang le nufa nei pawl cu 18,347 an kim a si.

Curuangah a siohtu zate cun minung 44,407 an kim tinak a si. 2012 ah kawlram ihsin himi DV ngahtu minung 197 an umih 2003 ihsin 2012 lak ahcun himi visa ngahtu 2,495 an kim a si tin American ramdang ṭuanvoneitu ih DV programe ih Internet parah an tarlang.

Daan vekih American feh le vaih theinak DV-2007 thawn pehparin himi thuhla simthannak hi Yangon khawpi sungah vawithum an nei ding. A hmaisabik cu September 27, Zarhpi sun 5:00pm – 7:00pm a si ih YMCA zung, ပၪၥသိခၤ ခန္းမ ah a si. A vawi hnihnak cu September 3, Zarhte ni 5:00pm – 7:00pm a si. A vawi thumnak cu October 10, zarhte sun 5:00pm – 7:00pm ah a si dingih YUH-DAH KHAN-MAH ah a si ding tin American Ambassador in an tarlang. Himi ah ziangtin DV sioh dan ding tivek mi an simih ngah pang asile ziangpawl tuah bet vivo ding tivek tla an sim. Himi an thurim relmi thawn pehparin cipciar deuh ih na thei duh asile  ConsularRangoon@State.gov ah na sut thei.

Himi siohnak ding an website cu  www.dvlottery.state.gov a siih October ni khat hlanih siohmi cu pawm a si lo.

Zianghman thil har a um lo, kum tin mi tampi in an sioh ringring ih a ngah tampi an um zo, kan Kawlrammi, Chinmi sung khalin tampi an um. American ih vai duh, um duh hrang ahcun tikcu remcang a si. Thinphan ding le ṭih ding zianghman a um lo mai umnak khan mai computer teih sioh men a siih theihfianglonak le remcang lonak a um le zokhalin suh theih ringring a si!