Tlawngca Thiamlo Leitlun Mi Hminthangpawl

Tlawngca kan thiam lo le phunhra kan sun ruangah leitlun ah hlawhtling thei lo ding vekah kan ruat aw pang maw? Tlawngca thiam zaten an hlawhtling thluh loih tlawngca thiamlo zaten an hlawhsam cuang fawn lo. Hlawhtlinnak hrangah tlawngca thiam hi a thupibik lo ih a thupibik sawn cu zuamnak a si. Leitlun uktu le Kawlram hruaitupawl khi tlawngkai lai ih a pakhatnak le pahnihnak ngahtu hlir ah na ruat pang maw? A thiam, thiam lo timi cu hruangkulh pakhat a simi tlawngca pakhat lawngih zoh theihmi a si lo. Leitlunah tlawngca thiam thei lo mihlawhtling tawrleseng an um. Ahleicein dengkawm fimthiamnak le serthiamnak lamah an tam cuang. Zirhtu in hitin a ti tikah hiti sawnin teh a ngah lo maw ti theipawl, zirhtui zirdah lo vekih thil hmusuak le haisuak lawngih lungkim theipawl tampi an um. Serthiamnak lamih mi cuangcepawlin a umcia an buaipi paih lemlo ih thilthar tuahsuak ding an ruat ṭheu. Tui a hnuaiih kan tarlangmipawl tla an mah rak zirhtupawlin tlawngca a thiam lo tuk tiih an rak timi leitlun mi hminthangpawl an si.

Cafangkom Thiam Theilo

England ih an Biazai pu (William Butler Yeasts)

Eangland ih Zuknung pu (George Bernard Shaw, 1856 – 1950)

Kanan/Math Thiamlopawl

America ramkhel lam hotu mifimthiam hminthang (Benjamin Franklin, 1706 – 1790)

France ramih zuksuai thiam hminthang (Pablo Piscasso, 1881 – 1970)

Sweden ih thinlunglam mifimthiam (Carl Gustav Jung, 1870 – 1950)

Tlawngdawi Raktuarpawl

America ih canganthiam hminthang (Edgar Allan Poe, 1807 – 1849)

British ih Biazai pu hminthang (Persey Byashe Shelly, 1792 – 1822)

Thluakrit

Germany dengkawm mifimthiam hminthang (Albert Einstein, 1879 – 1955)

Cazirnak Khan Sungih Misuaksual

America ih serthiam hminthang (Thomas Alva Edison, 1847-1931)

Suangtuah Hmang

France ih zuksuakthiam hminthang (Paul Gaugin, 1849 -1903)

Hmantlak Lo

Tisa khu cet rak tuahsuaktu British Engineer hminthang (James Watt, 1736 – 1819)

Ref: Learning the Magazine for Creative Teaching

      : Akaya.com