Theih Tuklomi Abraham Lincoln ih Thu

America ramih a vei 16nk president Abraham Lincoln cun tui ni tiangah America ramih pa bik pakhat dinhmun in mipi thinlung a luah ringringmi lai. A kaihhruainak hnuai ihsin America rampi ih sumdawnnak, rallam, le fimthiamnak lam nasa zetin a ṭhangso. America rampi hivek cang thei dingin a ruang rak zingtu ti khalle a sual lo ding. Lincoln ih thu hi mipi tampi cun kan thei depdep nan theih lemlomi a thuhla tete tla an um. Cupawl cu mallai kan run tarlang ding.

1. Kuak a fawp lo, Zu a in lo

American mi pakhatin kuak a fawp lo ih zu khal a in lo timi cu zum harsa zet a si. Asinan Lincoln cun kuak le zu a tham lo lawlaw. A taksa thawn a kaih aw lo a si bik.

2. Khabe-hmul zuah in a mawi

Himi cu a kum 11 laiah tleirawl falanu pakhatin Licoln cu khabehmul sau thawn a kaih aw, a mawi tin a rak ti dah, cuhnu cun a khabehmul a rem ti men lo cu a tan dah nawn lo.

3. Rualpi a nei lo ti khawpin rualpi a nei mal

Lincoln cu rualpi a neih lo nak i lai, mangbangza in Lincoln rualpi ih rak kawm thei David Davis in Lincoln cu ṭong a nei mal tuk, rualpi khal a nei lo ti tluk rorin a nei mal tin a rak sim dah.

4. An thah ding thu ni thum hlanah mang a rak man zo

Lincoln an thah ding ni thum duh ah Lincoln cun amah an thahthupawl mangah a rak man zo. An thah ni ih zanlam deuh khalah khan amah kiltu in feh hlah aw tin a kham rero nan a kham theilomi si.

5. Buaih/degree ngahmi a si lo

Lincoln cu buaih/degree ngahmi a si lo. A lengah ca ziangtluk a zoh, a zuam ticu fiangtei theih a si lo. Lincoln vek thotho in leitlun mi hminthang Edison, Steve Job, le Bill gate tepawl tla cu buaih/degree ngahmi an silo.

6. A pathawn an ruahdan a bangaw lo

Lincoln cu a pa thawi an ruahdan le hmuhdan a bangawk lo ruangah biakawk hniaihniai tla a duh lemlo, a ruang ni hmanah ka feh lo ding a rak ti dah.

7. Daan thiam a si

Lincoln cu thla 12 fang lawng tlawngkaimi a si ko nan daan thawn pehparmi thu pawl ahcun maktara a siih rampi hrangih hlawknak ummi daanpawl tla cu amah rori ih rak nganmi an si.

8. Kum 9 a si ah a nu in a thih san

Lincoln cu kum 9 a ti ah a nu in a thih san, cawhnawi insual ruangih thilcangmi a si.

9. “Abe” tiih kawh a duh lo

Lincoln cu duhkawh in a hmin laktawi “Abe” tiih kawh a duh lo, cu tiih kawh pang cun nasaten a thinheng.

10. President lakih ruang sangbik

Lincoln cu pi 6 le zung 4 a siih thuanthu ahcun ruang sangbik president a si tiih theih a si.

11. A danglammi bangawklonak

Lincoln thattu John Wilkes Booth ih upa Edwin Booth in Lincoln ih fapa Robert cu tlangleng cangsualnak ih thi dingmi a rak runsuak ve dah.

12. Lukhum sungah a ret

Lincoln cun cathupi deuhpawl cu a lukhum sungah a ret ṭha ṭheu. Cucun a hngilh har, ziangahtile a lukhum cu a hngilh dah lo, tan pang le hngilh pang ti khal a nei lo.

Ref: list25, shwemom