FACEBOOK Thu Kan Theihlemlomi Theihṭha FEATURE-Pawl

Facebook ah kan theih tuklomi feature-pawl kan run tarlang ding. Power user ihsin himi feature pawl theih theih a siih hman a theih ding ti ka beisei.

1. Facebook Inbox

Facebook hmantupawl ih an mangngaih lemlomi inbox pakhat tee a um. Cucu kan mah thawn rualpi silopawlih cakuatmi umnak hmun te a si.

Vorhlam kap tlunlam te ih ‘message icon’ timi hmet awla Message Request tab kha hmet bet aw. Cule ‘See Filtered reqquests’ timi link nah mu ding. Cumi na hmet bet asile na friend silopawlih ca lo kuatmipawl na hmu ding.

2. Na Account lo Hmansaktu

Kan theih lo sungah kan facebook ah zo a rak lut ti kan theih duh ahcun ‘Settings page’ ih luh hmai ding a si. ‘Security folder’ hnuaiah ‘Where You’re Logged In’ timi link na hmu ding. Cumi ah khutawi ‘desktop’ in asilole Mobile ihsin Facebook log-ins an tuah timi na hmu ding. Location, browser in device ih sinak tete a rak tarlang ding. Rinhmainak neihmi na neih ahcun ‘end activity’ timi kha mai hrangah phih a theih.

3. Messenger ihsin File-pawl Kuatnak

Facebook Messenger window kha ong awla vorhlam kap a kel te ah ‘gear icon’ ihsin ‘Add Files’ timi hmet awla na duhmi Files kha computer ihsin kuat a theih.

4. Upside Down le Pirate Speak

General Account Settings>Language ihsin lut vivo awla English (Pirate) asilole English (Upside Down) tivekih thleng theih a si.

5. facebook.com/notes

Facebook.com/notes ih na feh asile follow na tuahmipawl hnen ihsin notes pawl nah mu ding. Na bet duh asile +Write a Note timi hmet bet ding a si. Bulpak blog ka neilo tin riahse mai aw hlah. Easy post editor kha hmang awla kan ruahnakpawl kha ret bet a theih. Kan duhmi ‘cover image’ kha bet ding. Cule save tuah in kan nganmi note kha thlah a theih.

6. Facebook Romance

Mai bulpak ‘page’ lawnglawng luh ringring asile Facebook in nang cu mah le mah lawng duhawtu ah an lo ruat ding, Facebook ih www.facebook.com/us na len asile Facebook thuanthu na hmu ding.

7. Save Post

Kan rualpi ih share mi ca pakhat-khat, asilole midang ih thlahmi ca na siar man lo asi khalle a pawi lo. Khai ca (an post-mi) ih vorhlam kap a kel te ih fei kha hmet aw. Cule ‘Save’ timi kha hmet awla ‘Save folder sungah na siar dingmi post ih link a thleng zo. Save na tuah dah lo a si ahcun ‘Save folder’ a lang lo ding. Asinan pakhat khat na save zo ahcun kehlam ‘favorite bar’ ah ‘save ribbon’ na hmu ding.

8. Download a Copy

Facebook ih na hmanmi zaten, ṭhimnakah na share mi zaten copy na tuah duh maw? Zuk, ca zate, video zate, message, le chat mi zaten copy tuah na duh ahcun ‘Settings>General’ kha hmet awla ‘Download a copy of you Facebook data’ hmet men si ko.

9. Kan Hman Paihlo Tikah

Thuhla phunphun ruangah Facebook kan hmang paih nawnlo asi ahcun kan Facebook Account ih ro ih mi pek a theih. ‘Settings>Security>Legacy Contact’ ah lut awla rualpi pakhatkhat sung ihsin hril theih a si.

10. Extra Security

Na Facebook kha him sinsin seh tin a duh ahcun ‘log-in approval’ kha tuah aw. ‘Settings>Security>Login Approvals’ kha hril aw. Cun Trusted Contacts tuah bet aw.

Kan Account password kan hngilh pang asilole kan Mobile a hloh caan tivekah, kan account ngah sal dingah ‘Settings>Security>Trusted Contacts’ a sangsang ten lut ih tuah a theih.

11. Mute Facebook Live Noti

Facebook ih Live Video-pawl ‘notification’ lut ringringpawl phit na duh ahcun ‘notification’ kiang te ih fei kha hmet awla ‘Turn off notifications about live videos from’ timi hmet aw.

12. Facebook Track Hrialnak

Thehlarnak hrangah user-pawl an kutih an huum ringring thei nak dingah Facebook in kan hmanmi Internet hmandanpawl tracking an tuah ṭheu. Asinan ‘third party app’ pawl kan hman ahcun himi tracking pawl cu kan hrial thei ding.

13. Interest List Tuahnak

Interest lists timi Facebook function pakhat a um. A nih cu Twitter lists vek a si. Interest Lists timi cu website-pawl, companies le follow kan tuahmipawl individuals pawl khawlkhawmmi a si. Interest list timi cu kan mai hrangih bulpak (private) hrang liolio a si.

14. News Feed Thianfainak

News Feed kha thianfai kan duh ahcun News Feed ih kehlam kel ah ‘gear icon’ hmet ih ‘Edit Preferences’ hmet ding a si. Cun ‘Prioritize who to see first’ hmet ding. Cun Page le Brands pawl cu a tam maw mal News Feed ah a lang ding ticu mai duh dandanih tuah theihrem a si.

15. Na Fala/Tlangval Hlun Hngilh Aw

Mai duhmi thawi ṭhenawk cu a awl lo. Mobile ih hmangtupawl hrangah Relationship Status kha ‘Single’ tiih thleng veten Facebook in a lo suh cih dingmi cu  News Feed ah na mailai hlunih Status kha malter a theih.

16. Friendship Zohnak

Na rualpi pakhatin na rualpi dangih Wall parah post a tuah asi ahcun an pahnih ih Friendship history cu cipciarin na zoh thei. An post ih vorhlam kap a kelih fei kha hmet awla More Options hmet aw. Cule See Friendship Option kha hmet aw.

17. Public Content

Facebook in kan webpage parih contect-pawl mikip hmuh theih dingah vorhlam kapih pull-down menu kha hmet awla ‘embed’ hmet aw.

18. Ad Preferences Hlawnnak

Facebook in amai pursumnak cu marketer pawl thawn a tuahmi a si. Kan duh lemlomi ad pawl hlawn dingah Settings>Ads>edit hmetin kan zoh paihlomi thehlarnakpawl cu kan hlawn thei.

19. Facebook ihsin Paisa Kuatnak

Settings>Payments ah lutin debit card thun,  cun a dang user hnenah Messenger ihsin paisa kuat theih a si.

20. Birthday Cam (iOS Only)

Facebook feature ihsin pakhat a simi Birthday reminders cu User pawlin an rualpi ih Wall parah second 15 sung video tawite thlahsak thei dingah Facebook in a tuah. Rualpi pakhat a suahni ah a profile ih kan len tikah birthday wish video tawite tuah thei dingin option tuahnak banner tee cu kan hmu ding.

Source: Itizen Weekly, Myanmar daily star, lwinpyin