Leitlun Ih Internet Cakbiknak Ram

Tufang kan umnak leitlunpi ih a thlengawcak zetmi lakah Internet hi pakhat a si ve. Internet ruangah leitlunpi hi a te sinsin vekah a cang. Kawlramih um kan nih Kawlrammi hrang hmanah kan rak ṭhathnempi zet. Internet a lar pek hrawng ahcun a fung zet nan 2015 hnu lam cun a rung cak zet thlang. Tuṭum cu tui 2017 kumih leitlun Internet cakbik kan run tarlang ding.

10. Singapore

Singapore ram hi GDP vek asile leitlun Ram lian lamih a rung tel thei ruangah an nuntukhawsak khal a cangkang zet. An ramih kutthiam thirl khal a ṭhangso ih pehtlaihnak lamih thupizetmi Internet khal a ṭha zet. Cozah in Broadband (hriumlo Internet) kha hmang dingih tha a pek ruangah an Internet cah lam khal 30.9 Mbps lai a si.

9. Israel

Israel ram hi leitlun ih a lang salnak cu tubaite asinan zirthiamnak le ṭhansohnak lamah leitlun ih a sangbikpawl an si ve. Leitlun ih Nuclear tambikneitu ram khalah a pariatnak an si. Israel ram cu Internet pehtlaihnak hrangih ṭulzetmi Microwave thilri hman zuarsuak rerotu a si ruangah an Internet a ṭha tuk ding ti cu rinhlelh ding a um lo lawlaw. Israel ram ahcun hriumlopawl cu 1990 ihsin an rak nei zo ih 2009 ahcun an Internet cu nasaten a cak zo. An zingzoi daan vek asile Israel ramih mipum 95% cun Internet an hmang thei. Israel ramih Internet cah lam cu 30.9 Mbps hrawng a si.

8. Bulgaria

Bulgaria ram cu pursumnak lamih ṭhangso zetmi ram an si. Bulgaria ramih an khawpibik ahcun hmundang hnakin an Internet a cak deuh. An ramah mi tamsawnin Internet cu olsam ten an hmang thei. An ramih Internet cahlam cu 32.1 Mbps a si.

7. Switzerland

Switzerland ram cu sumpai lamah a hminthang zetmi ram an siih leitlun ih ramlianbik titiang ih porh le lawm comi ram an si. Switzerland cu Europe ram pumpi ih Internet hmangtheitu mipum tambik lakih tel a si. An ramih 99% cun hriumlo Internet cu olzetin an hmang thei. An Internet cah lam cu 32.4 Mbps a si.

 6. Belgium

Belgium cu leitlun Internet cahlamih a paruknak a siih 32.7Mbps hrawng a si.

5. Romania

Romania cu Europe ram pumpi ih Internet cakbik tiih rak rel dahmi a si. Cristesti khawpi cu an ram sungih Internet cahbiknak a siih 139 Mbps a si. Asinan rampi huap ih bangrangtei zoh ahcun Romania ramih Internet cahlam cu 37.4 Mbps a si.

4. Libya

Libya ram hi leitlun ih ram ṭhangso ahcun a tello nan Technology lam ahcun a turutukmi ram an si ve. Libya ramih suahmi mikrotik Internet hrang hmanmi thilri tla mipi in an duh zet, Kawlram ih Internet lam hnaṭuantu company tampi in tla an hmang. An ramih Internet cah lam cu 37.5 Mbps a si.

3. Japan

Japan ram cu zirthiamnak in siseh, serthiamnak le pursumnak lam khalah a ṭhangsobik ram lakih pakhat an si ve. An ramah Internet hmangtu taan 100 lai an kim. Japan ram cu 5 G Internet service an hmang. An ramih Internet cahlam cu 42.2 hrawng a si.

2. Korea (South)

Korea ram cu 2015 ahkhan leitlun ih Internet cakbik ram a rak si dah. An ramih 93% hrawngin Internet an hmang. An ramih Internet cah lam cu 48.8 Mbps a si.

1. Hongkong

Hongkong cu leitlun ah ramdang ihsin sumhram/thilri ra phumtu tambiknak ram pakhat a siih an ramih Internet ṭhat tuk ruangah hmundang, thildang khalah hlawknak tampi a um. An ramih Internet cahlam cu 54.1 Mbps a si.

Source: themeshnews