Mi pakhat cu sai umnak a thlen veten a cawl dukdi, sai tumpi cu hri fate ngaingai in a ke ih an ṭenmi khan thu a ruat buai ter. Ziangahtile cui sai tumpi cu thirhri le cikcin ih ṭenmi a si lo tlat. A fiang zetmi pakhat cu khai Sai khan ziangtik caan khalah khai hri fate cu dircatin a tlak suak thei ti cu theih a theih. Asinan mangbang thlak ve cu a tlan suak lo tlat mai.
Cui Sai kiangah cun Saipawl kilkhawitu pakhat a din
cu a hi hmu. Sai kilkhawitupai hnenah a va feh ih “Ziangah nan Sai hi a
tlansuak lo” tin a va sut. Sai kiltupa cun “Himi Saipawl cu an nauhak ihsin tui
na hmuhmi vek hri fate-te thawn kan hreng ringring, culai ahcun an tal rero
khalle an talsuak thei lo, hri kha an phihcat thei lo. An hung upat tikah tui
kan hmanmi hri thotho ih kan hren khalle phih-cat theih lole tlansuak thei lo
dingah an ruat aw lanta. Curuangah tlansuak le talsuak khal an tum dah lo ih
hri hi a hngetkhoh zetmi thir le cikcin vekah an ruat ringring".
Cupa cu a mang a bang zet. Himi ramsapawl cun anmah ṭennak
hri cu an phih-cat thei tuk, an talsuak thei tuk nan, kan ti thei lo ding, a cang
thei lo, kan tuah thei lo ding tiih an ruahnak cun tlansuak thei lo dingin a
hreng tang ringring lai.
Sai vek kan si ve ko lo maw? Hmaisa ih veikhat kan
tlaksiat le sunnak men ruangah veiziat meng saw ka tuah thei lo ding tiih kan
khawruah in thil ti thei lo ih in tuah?
Sunnak le zatlaknak tla cu zirnak an si. Nunah
ziangtik hmanah dungsip ding kan si lo.
Source: Livin3
0 comments:
Post a Comment