CHELSEA Football Club cu 10 March 1905 ih dinmi a siih England ram London khawpi ih hrambunmi a si, a hmintawi cu CFC ti a siih duhkawh cu “The Blues” ti a si. An bualrawn hmin cu Stamford Bridge a si. Chelsea cu 1905 ihsin 2003 lak cu miih theih lemlomi Team-fate pakhat a rak si.
Asinan 2003 ah “Bates” in Chelsea cu Russia milian
Roman Abramovich hnenah £140 million in a rak zuar. Cui hnuah Chelsea neitu
Abramovich in player thar leinak ah million £100 lenglo a hun hmang ih an
manager Ranieri (laksawng la thei lo) cu Jose Mourinho a thleng. Mourinho ih
kut hnuaiah Chelsea cu nasaten a hung ṭhang so.
Big-team a si hnu, kum hleili-nga fang ti theihmi
Chelsea cu tu ahcun nasaten a kum zoh loin a hung hlawhtling ih 2016/17 khalah
a vei 6 nak Premier League Champion a hung si thei. Chelsea hi Abramovich ih a
lei hlanah 1954-55 ah vei khatte EPL Champion an rak si dah. Culo cu Abramovich
le Mourinho kuthnuai ih hlawhtlinnakpawl a siih vei 4 cu EPL runner-up,
apahninak an si. 2016-17 cu an Manager thar Antonio Conte ih kaihhruainak thawn
EPL vei ruknak Champion an hung si thei sal lala.
Tu Ah Cun…
CHELSEA cu EPL thuanthu ah season khatih
hmat(point)nei tambik hminsin rak tuahtheitu an siih puai 38 an lehnak ah
points 95 an ngah, 2004-05.
CHELSEA cu EPL thuanthu ah season khat sungih
khawlutmalbik (dungkham thabik) an siih 2004-05 ah khawl 15 lawng an lutter.
CHELSEA cu EPL thuanthu ah season khat sungih khawl
thuntambik (hmainor tha bik) an siih 2009-10 kumah khawl 103 an thunlut thei.
CHELSEA cu EPL thuanthu ah season khat sungih mineh
tambiktu an siih puai 38 sungah puai 30 nehnak an co, 2016-17.
CHELSEA cu EPL thuanthu ah season khat sungih away
ih nehtu neitambik an siih puai 19 ah 15 an neh, 2004-05.
CHELSEA cu UEFA Champions League ngah thluh vetei
Europa League ngah cih theitu Team umsun an si. 2011-2012 ah Bayern Munich cu
final ah a neh ih Champions League a la ngah, cumi theh 2012-2013 ah Amsterdam
cu final ah a neh ih Europa League a la cih lala.
CHELSEA cu London ihsin UCL la theitu Team umsun a
si.
Chelsea legend Peter Cech cu Chelsea a um laiah EPL
thuanthu ih khawlkham tambik (Most clean sheets) a si.
Frank Lampard, Chelsea legend cu EPL thuanthu ah
laitlan (mid field) ihsin khawl thunlut tambiktu a si.
John Terry, Chelsea legend cu EPL thuanthu ih
dungkham (defender) ihsin khawl thunlut tambiktu a si.
CHELSEA cu ballond Do’r vei 5 rori ngahtu Lionel
Messi ih khawlh theilomi team an siih penalty rori hmanin Messi in Chelsea
ahcun a khawl thei lo.
Chelsea cu football thuanthu ah UCL ih Bayern Munich
penalty ih nehtheitu team umsun a si.
Sir Alex Ferguson ih a sun tam hleicenak team cu mi
dang siloin Chelsea thawi an doawk canah a si.
Source: Chelsea Wikipedia
0 comments:
Post a Comment