Jeremiah Ting Hlei Thang
Thuhmaihruai
Ka nau hak lai te ah ka pa in run va ah nga hawl ding in I rak hruai ih nga hawl in kan pafa ten kan feh theu. Cui ka nauhak lai te ih ka fehnak cu tui tlawng ka kai hlan te ah rualpi pawl thawn nga hawl in kan feh sal. Cule kei cu hramlak misa lo ti fam cu rawl suang tu ah in ret ih midang cu nga an hawl ih kei in rawl ka rak son. Ka suan ‘theh ih khawdang ka hun tang cu an ra tlung hrih silo umhar in run va lilawn par lam ahcun lamleng in ka va feh. Cui lilawn par ih ka um lai ah ka hnuai tili ih sin thurel authawm ka vun thei. Mak ka ti zet ih cucu thaten ka vun ngai. Cumicu hihi a si.
(1)Rel dingmi thu phorhsuah nak
President sinak nei siawmtak in nga Thaisawn cu a ding ih hi tin a ti “tuisun ih a rasuak tu nan zate parah lungawinak tampi ka nei. Tui sun ih kan thurel ding mi cu “Luatnak hrang”ti a si ding a ti. Cucu mak ka ti ih tha ten ka vun ngai bet. Cule Secretory si awmtak Dawn-Tial cun hitin a ti bet. Si ee, hihi zamrang te ih rel lohli a tul ziangahtile kan umnak tili hi tidai a mal vivo, a kang vivo,ei ding rawl a mal vivo kan kiangkap pawl in le sur asilole lenkhang in simaw awh that ‘teng’teng in tum. Sio zim ah kan duhzawng cangcel ret tahrat in linglet ko bum ih awh that in tum ringring fawn. Cun a hrekkhat le kan mai lak ih 
sin kan umnak harsat le retheih ruang ah tili tha tili nuam tipithuamthum lam ih in tlansan tu le an tam si. Thazang cakcak, mi fel taktak, mi fim taktak ti ih kan rinsan mi pawl le hmundang ti li tha tili nuam ah in thlansan si, a tangpawl cu ka tha le a dersi cunah hi thu hi thatei kan re lohli lole kan zaten kan thithluh ding kan ci a mit taktak ding ti’n a sim. Cun treasure dinhmun si awmtak Nga-Ler khal in culawng a silo kan sak tili ah hin Tanpawlawk ti mi an um ih anih cu kan nih ai in a tam ih an tili khal a tum cun atha khal a cak deuh. Tui ti kan ngah that thei lo nak le kan cangkan thei lo nak kan thansoh theilonak khal hi himi Tanpawlawk pawl in kan ti hna in phitsak ih ti hnalam ih rawl tha a rungding mi pawl khal in kham sak thluh ih cunah si. Hi mi thu hi ziangtin kan ti ding? Curuangah ziang tin kanmah te kan kilhim aw thei ding? Ziangtin thazang kan nei thei ding ih Ziangtin kan humhim aw ding? Cun hi harsatnak ih sin ziang tin kan luat thei ding? Cun ziang ah himi tili dang um pawl ih hmuhsuam nautat kan tawng rero ti pawl tuisun rori ah kan relkhawm ding a ti.
sin kan umnak harsat le retheih ruang ah tili tha tili nuam tipithuamthum lam ih in tlansan tu le an tam si. Thazang cakcak, mi fel taktak, mi fim taktak ti ih kan rinsan mi pawl le hmundang ti li tha tili nuam ah in thlansan si, a tangpawl cu ka tha le a dersi cunah hi thu hi thatei kan re lohli lole kan zaten kan thithluh ding kan ci a mit taktak ding ti’n a sim. Cun treasure dinhmun si awmtak Nga-Ler khal in culawng a silo kan sak tili ah hin Tanpawlawk ti mi an um ih anih cu kan nih ai in a tam ih an tili khal a tum cun atha khal a cak deuh. Tui ti kan ngah that thei lo nak le kan cangkan thei lo nak kan thansoh theilonak khal hi himi Tanpawlawk pawl in kan ti hna in phitsak ih ti hnalam ih rawl tha a rungding mi pawl khal in kham sak thluh ih cunah si. Hi mi thu hi ziangtin kan ti ding? Curuangah ziang tin kanmah te kan kilhim aw thei ding? Ziangtin thazang kan nei thei ding ih Ziangtin kan humhim aw ding? Cun hi harsatnak ih sin ziang tin kan luat thei ding? Cun ziang ah himi tili dang um pawl ih hmuhsuam nautat kan tawng rero ti pawl tuisun rori ah kan relkhawm ding a ti.
(2)Thurel khawmmi
Cutin an thurel cu an thawk members si awmtak Ber-bek in hi ti’n a ti. Hiti ih har fialfial le lungphang tuk ih um rero ai cun kan zaten tili dang ah kan thawn thluh lawlaw men kei cu cu le hna a thian ding a ti. Cuveten nga Thai-sawn cu a ding lohli ih tui kan um nak tili hi Pathian pek mi a si ih kilkhawi tu ding sawn ka si zate ih hmundang ih ‘thawn cu a cang thei lo,daan tla a si lo,mi ‘tihhrut ruang ih tlan in ti ding ih miraltha le mi dik, mi fel kan si zia hmu lo in ‘tihhrut pawl in ti ding. Culokhal ah mai um nak hmun tan in ka tlan thei lo.
Mih’ thlam ka thlam ka ti thei lo, mih’ khua ka khua ka ti thei lo ih mih’ ram khal ka ram ka ti thei lo. Hihi kan mai um nak ding ih Pathian ih pek mi a si tin a duh lo nak thu a rel. Nga Fung-Thul in cu ti a si ahcun kan ti hna in phihsak tu, thangso puitling thei lo ding ih in tuah tu hi Tanpawlawk pawl cu thih le thih kan zaten kan neh lo khalle kan hung do men kei cu. Hitiih kan mah te um an duhduh ih kan tihna le ka rawl ngah nak pawl kham tahrat ih sal vek ih um ringring ai cun thih le thih kan hung do ve mai kei cu. Culole an ke thuai ta bik ih ret in tum vivo sisi. Tanpawlawk pawl in himi ngarual lak ih cawkpolh(kahpai) fa a va thlah theitu nan um le hlawhman cuzat nan ngah ding ti in kan nga phunhnam hloh ter rori le cemter rori le an duh fawn. A cu mi theithiam lo in kan nga tleirawl hrek khat in le a rak duh le a rak nei kan um lailai ka thin e ka thin e. Sumpai le len nak hi kan nga phun ai in an duhsawn a bang fawn ka tuar in ka tuar thei nawn lo si thih le thih tin kan hung do mai ding a ti. Cucun Nga-ler kha a ding ve sal ih cu ti lawm man cun um hrih aw kan u nau dang tipi ral ih um mi tipi tum tili tha ih um mi pawl in in hngilh lamlam lo pi an nih tla theitawk in an tang ding ih thazang kan hun la khawm ta kei cutilocun tu cu thazang kan nei mal tuk lai malte hngak hrihsela a tha ding tin ka ruat. Ziangahtile Minung pawl ih an rel theu mi “cozah” an ti maw si? Pakhat tla cun government a ti bet lai cuvek tla kan nei hrih lo ih ho khaw a rei hlah ah kan nei mai ding ih kan thazang a tha leh sal ding cutilocun hiti rori cun zohhman kan neh thei lo ding pi kan mah lak ah lungrualnak tla kan hun tuah ta phot kei cu kan mah kan lungrual ta lo cun mi kan neh taktak thei lo ding tin a hum sim. Nga-vok in hi pawl hi cu ka tuar thei lo rori a si ko ziangahtile kan mah nga tong te kan nei ih cui nga tong hman cu nga tleirawl le a no deuh pawl zirh lo ding in te bet lai an mah tanpawlawk tong lawng in in tong ter tum fawn hihi theihthiam lo ding ten kan nga phun in cimit rero a sisi. An tong kan zir ih kan thiam deuh ih tili ‘tha neih kan tum le in tul thla,in vaw thla cingcing si an duh lo zawng ih mal te um le mi keu le mi ei lawnglawng an tum si ziang ti tak in sawm maw kan ti ding a ngaihnak ka thei lo a ti. Nga- rul in cu ti ih thinhar tuk ding cu si lo ee Eden hmuan ih Adam le Eve rak bum tu an rak neh thei lo mi rul kha Jesuh in a kei hnui ah pal in thinlamtah ah nehnak thu a phuan vek in tui in bum ih in nehsawh in ti duhdah tu pawl hi ni khat nini ah cun kan biak mi kan Pathian in kan ke hnuai ah a ret leh ding si tin Pathian thu te thawn a vun hnem. Cun Berbek cu a ding sal ih sikhalsehla hiti ih kan fanau pawl ‘thang thei lo le tum thei lo ding ih in tuah le hmuhsuam nau tat an tuar cu ka zoh thei hrimrhim lo a si a hun ti. Cutin an president pa nga Thai- sawn cu a ding sal ih Luatnak ding thu si kan rel ziang tin saw kan luat thei ding tin thu a hun sut sal. Nga- ler in luat nak lamzin a um lo lawlaw si mai a um sun cu kan tlan thluh lole kan do neh a tul si ko a hun ti. Cule an zaten tlanthluh le a cang thei lo do ding le kan neh thei zik si lo kan thithluh men ding si ti’n zo hman an thu cu bawtcat thei lo in lungngai riahsai tuk ih an za tei an um rero ti cu an tongkam le an um dan in lilawn par in ka vun thei.
Mih’ thlam ka thlam ka ti thei lo, mih’ khua ka khua ka ti thei lo ih mih’ ram khal ka ram ka ti thei lo. Hihi kan mai um nak ding ih Pathian ih pek mi a si tin a duh lo nak thu a rel. Nga Fung-Thul in cu ti a si ahcun kan ti hna in phihsak tu, thangso puitling thei lo ding ih in tuah tu hi Tanpawlawk pawl cu thih le thih kan zaten kan neh lo khalle kan hung do men kei cu. Hitiih kan mah te um an duhduh ih kan tihna le ka rawl ngah nak pawl kham tahrat ih sal vek ih um ringring ai cun thih le thih kan hung do ve mai kei cu. Culole an ke thuai ta bik ih ret in tum vivo sisi. Tanpawlawk pawl in himi ngarual lak ih cawkpolh(kahpai) fa a va thlah theitu nan um le hlawhman cuzat nan ngah ding ti in kan nga phunhnam hloh ter rori le cemter rori le an duh fawn. A cu mi theithiam lo in kan nga tleirawl hrek khat in le a rak duh le a rak nei kan um lailai ka thin e ka thin e. Sumpai le len nak hi kan nga phun ai in an duhsawn a bang fawn ka tuar in ka tuar thei nawn lo si thih le thih tin kan hung do mai ding a ti. Cucun Nga-ler kha a ding ve sal ih cu ti lawm man cun um hrih aw kan u nau dang tipi ral ih um mi tipi tum tili tha ih um mi pawl in in hngilh lamlam lo pi an nih tla theitawk in an tang ding ih thazang kan hun la khawm ta kei cutilocun tu cu thazang kan nei mal tuk lai malte hngak hrihsela a tha ding tin ka ruat. Ziangahtile Minung pawl ih an rel theu mi “cozah” an ti maw si? Pakhat tla cun government a ti bet lai cuvek tla kan nei hrih lo ih ho khaw a rei hlah ah kan nei mai ding ih kan thazang a tha leh sal ding cutilocun hiti rori cun zohhman kan neh thei lo ding pi kan mah lak ah lungrualnak tla kan hun tuah ta phot kei cu kan mah kan lungrual ta lo cun mi kan neh taktak thei lo ding tin a hum sim. Nga-vok in hi pawl hi cu ka tuar thei lo rori a si ko ziangahtile kan mah nga tong te kan nei ih cui nga tong hman cu nga tleirawl le a no deuh pawl zirh lo ding in te bet lai an mah tanpawlawk tong lawng in in tong ter tum fawn hihi theihthiam lo ding ten kan nga phun in cimit rero a sisi. An tong kan zir ih kan thiam deuh ih tili ‘tha neih kan tum le in tul thla,in vaw thla cingcing si an duh lo zawng ih mal te um le mi keu le mi ei lawnglawng an tum si ziang ti tak in sawm maw kan ti ding a ngaihnak ka thei lo a ti. Nga- rul in cu ti ih thinhar tuk ding cu si lo ee Eden hmuan ih Adam le Eve rak bum tu an rak neh thei lo mi rul kha Jesuh in a kei hnui ah pal in thinlamtah ah nehnak thu a phuan vek in tui in bum ih in nehsawh in ti duhdah tu pawl hi ni khat nini ah cun kan biak mi kan Pathian in kan ke hnuai ah a ret leh ding si tin Pathian thu te thawn a vun hnem. Cun Berbek cu a ding sal ih sikhalsehla hiti ih kan fanau pawl ‘thang thei lo le tum thei lo ding ih in tuah le hmuhsuam nau tat an tuar cu ka zoh thei hrimrhim lo a si a hun ti. Cutin an president pa nga Thai- sawn cu a ding sal ih Luatnak ding thu si kan rel ziang tin saw kan luat thei ding tin thu a hun sut sal. Nga- ler in luat nak lamzin a um lo lawlaw si mai a um sun cu kan tlan thluh lole kan do neh a tul si ko a hun ti. Cule an zaten tlanthluh le a cang thei lo do ding le kan neh thei zik si lo kan thithluh men ding si ti’n zo hman an thu cu bawtcat thei lo in lungngai riahsai tuk ih an za tei an um rero ti cu an tongkam le an um dan in lilawn par in ka vun thei.
(3)Luatnakhrang thlacam
A cui ngarual pawl ih thu rel mi le bawmtu an tul tuk nan zo hman ih an bawm thei lo thu, luat nak hawl rero nan khursung ih tang, bawmtu hawl rero nan bawmtu neilo, ning tih le thlaphang ih um cu ka zoh ih ka tuar thei lo. Vung tum tahratin keimah rori in vungbawm ding ti sehla ka ti leuh thiam nak le ka thaw pawl in an daih si lo an mah ai ih tuar na sawn in ka thei aw um ngaih nak ti ngaih nak thei lo ah hi tin ka biak Pathian hnen ah thla ka cam. “AW! Cung Pathian ziangahsaw hi vek in hmuhter ih I theih ter, thei lo lawlaw in le hmu lo lawlaw in rak um ningla ka va duh so. An harzia bawmtu an tul zia le runsuak tu an tul zia cu I theih ter, I hmu ter ih bawm thei nak ding ah ti leuh thiam nak,thazang cah nak, khawruah thiam nak, fiamthiam nak le lennak thil ti theinak le I pe si lo, hi ti ih ning tih le thlapang ih um pawl hi ka zoh men thei silo, bawm ka duh ka tlin silo, run ka duh ka thei silo,ka zang anfak ka hnem thei silo,ziang tin saw ka ti ding aw ka biak Pathian an luat nak ding a si ah cun ka nunnak khal hi pe sawn ningla ka va duh so, ka zang an fak ka tuar thei lo ee. Aw! Ka Pathian an mah bawm ding le run ding in ka fim thiam nak ka thil ti thei nak, ka tha le zang,ka neih hlawnthil in tlin lo hman sehla tui sun ih khukbil te thawi na hmai ih ka thlacam nak hi I ngaihsak hram aw tin” thla ka cam.
(4)Thazang laknak
Cu tih’ thlacam ka theh cun ka rualpi pawl cu a ra thleng ih ka hmuton mi le ka thlacam thu pawl cu ka ruah. Cule ka rualpi pawl in aw na thinhar le beidong in um hlah aw kha mi runtu nei lo nga pawl bawmtu ding ah hmunhla ih tili tha tili kau tili cangkang taktak ih um nga phun mawi taktak salai le mai ti mi nga rual mai ngaphun pi tan emem ziangkim an mah run-va ih nga pawl hrang ih ziangkim sengngam ui mi nei lo ti thelthel nga fim var tak tak tampi an um ti thu in ra sim ih ka hnangam in ka tha a tlung deuh sal ih ka tuar a nuam deuh sal. Cule hi tin Pathian hnen ah lungawi thu ka sim.
Thunetnak thlacam
Aw! Ka pathian hi run va hnuai ih tili le ngaphun sersiam tu le a duhdawt tu cu nangmah na si. A sersiam tule a kilkhawi ih a duhdawt tu khal nangmah thotho na si,tu ah ning tih le thlaphang in um hrih hmanhai sehla na zoh men lo, dung na tun lo ih na tlansan fawn lo ti ka thei ih ka hna a ngam. Ni khat ni ni ah an duhthu sam vek ih humhim tu tha nei in a zalen mi ngaphun a thangso mi ngaphun ti ih kawh mi si ding in le hi runva hnuai ih tili te men ti ih mi ih hmusuam le nau tat si lo ding in na humhim ih na kilkhawi ding ruang khal ah lungawi thu ka lo sim. Hi run va hnuai ih tili hi tetak hman sehla mikip halriam tertu mikip pumpuar tertu mi ih tlan mi le mi ih nunnak mi pe thei tu tili tha, ti li nuam nga phunmawi nga ‘tha, nga rinum suah nak ah cang ter hram law. Aw! Ka Pathian ti’n. Sianglozet cingte in le uituk cing te in cui hmun te cu ka tlansan hrih ta.
0 comments:
Post a Comment