Ka U nau (SALAI) Le ka far (MAI)

Ka U nau( SALAI) le ka far (MAI)

By : Van Hup Hmung

Ka U nau( SALAI) le ka far (MAI).........../ Himi thu hi ka hnak ih cathiam le mifmfim in an ngan zo nan ka thei sun te ka kan u le hrek khat ih hmuh dan mel ten ka hun ngan duh ve ih ka ngan sual pang le a rem lo mi a um pang le a siar tu nan za ten in rak ngai thiam cio ding ah zang fah ka lo dil.Hi mi (SALAI) le( MAI) thu ah hi hmuh dan a bang aw lo celcel kan U le pawl tla hmuh dan a bang aw lo celcel.

Hi mi (Salai) le( MAI) a ra suak nak ngai ngai cu, kan u nau (A SHO CHIN) pawl hnen ih sin a ra suak mi a si In kan thei cu dah, Cu le hi mi (SALAI) ti mi hi an khau hlan ah cu zo mhuahmhuah ih rak hmang mi a si lo, an khua hlan lai ih ral an rak do aw lai ah mi that tam thei thei le, saa kaap tam theithei pawl lawng ih hmin hmai ah an rak hmangmi a si ti'n ka thei dah,ka nau haak lai ah (A SHO CHIN) pawl ram ah kum mal lai ka rak um dah ih ka thei mi a si,(ka thei mi a sual pang a si le in ngai thiam cio ding ah zang fah ka lo dill)Cu le an nih (A SHO CHIN) pawl um nak hi kawl pawl khau thawn rawi aw celcel a si ih kum tampi a hung rei hnu ah, kan U nau (A SHO CHI) pawl hi lak ah chin hmin a hlo vivo ih kawl hmin lawng lawng an hmin ah an sak thluh vivo thlang, cu ti cun kum a hung rei vivo tik ah (A SHO CHIN) le kawl hmin thlei dang aw ding ah an hmin hmai ah himi (SALAI) le (MAI) an hmang mi a si tin ka thei dah.

Cun kan nih tlangpar CHINMI pawl lak ih phun sang rak kai hmai sa bik kan U le pawl in kawl hmin (maung) (Oo) le (MAH) (DAW) hi hmang duh lo in hi mi (SALAI) le (MAI) hi an rak hmang mi a si ti'n tla ka thei dah.

Cu le kan PA le kan U le hrek khat ih hmuh dan lala cu kan nih tlaangpar CHIn hmin nei tu pawl hrang ah cu atul tuk ciamco lo in an hmu lala, thu htim nak ah,kan laimi(CHINMI) hla sak thiam hmin thang (SUNG TIN PAR) hi a hmin hmai ah (MAI) a telh lo nan zo hmuah in a nih cu (CHIN) a si ti'n an thei thotho,cule kan (A SHO CHIN) hla sak thiam (CHAW SUH KHIN) hi a hmin hi kawl hmin a si ih a hmin hmai ah (MAI) a telh lo ruang ah mi tampi cun (CHIN MI) a si ti hi an thei lo lala.

Cu ti vek in thu a um ih, hi mi (SALAI) le (MAI) hi hman tla a rak hta zet thotho ih a hmang duh duh cun hmang sela, kan nih CHINMI pawl mi kanza te deuh tawh in CHrITIAN kan si ih kan CHRISTIAN kan si nak suan in( CHRISTIAN NAME) tla hi kan hmin hmai ah a duhduh in hmang thotho sela himi CHRISTIAN hmin hmang hi mirang dan cawng tla a si cuang lo ih CHRIATIAN kan si nak kan langter mi a si sawn .Cule (SALAI) le (MAI) tla hi a duhduh in hmang thotho sela ti'n thu um tu zia a phun phun ka hun tar lang ta a si, ka ngan sual mi a hta lo zawng a um pang a si le in ngai thiam cio ding ah zang fah ka lo dil a rak siar tu zumtu U le nau pawl nan za te par ah ka lung awi.