Theihkohnak Hrangih Ţha Mirang Cafang Le Ţawngfang Pawl

Theihkohnak Hrangih Ţha Mirang Cafang Le Ţawngfang Pawl

Ting Hlei Thang

Hinah theihcakum le theihțha hmantlakzetmi mirang țawngfang le cafang pawl khawlkhawmmi a um. Mirang țawngfang le cafang thawi pehparawmi theihțha tete na duh tikah himi ca hi na hrang țhahnem le hmantlakmi tete rak si hramseh tin beiseinak sang zet a um. Na thei cia ko lo maw? Mirang cu țawng dang hnakin leitlun ih hmantambik, larbik le ngan tambikmi țawng a si kha!

1. “Almost” timi țawngfang hi mirang cafang a sangsang (alphabetical order) ih a sau bikmi cafang a si.

2. Biaksawnawknak (conversation) ih hmantam bik mi cafang cu ‘I’ hi a si.

3. Mirang cafang ih hmantam bikmi cafang cu ‘E’ a si.

4. Mirang cafang ih hman malbikmi cafang cu ‘Q’ a si.

5. ‘I am.’ timi hi a tawi bikmi catluan kim (shortest complete sentence) a si.

6. ‘Skiing’ timi țawngfang lawng hi ‘I pahnih’ (double I) ummi a si.

7. ‘Dreamt’ timi țawngfang lawng hi a cemnakih ‘mt’ um a si.

8. ‘Set’ timi țawngfang hi mirang țawng/ca ah san (definitions) neitam bik a si.

9.  July thla ihsin November thla tiangih hmin hmaisabiknak cafang khi siar vivo awla JASON a si.

10. Mirang țawng ah hin ‘dous’ timi cafang thawi cemmi țawngfang pali a um. Cupawl cu: Hazardous, horrendous, stupendous le tremendous pawl tla an si.

11. Mirang țawng ih tarbik (oldest) cu ‘town’ a si.

12. ‘Angry’ le ‘hungry’ timi țawngfang lawng hi ‘gry’ thawi cemmi a si.

13. ‘Bookkeeper’ le ‘bookkeeping’ timi țawngfang pahnih lawng hi cafang pahnih bangawih pathum a sangsang tei um  a si.

14. ‘Strengths’ timi țawngfang hi mirang tawngih awphei (vowel) pakhat lawng umih sau bik cafang a si.

15. Cafang tlunte ih a cuk (dot) ummi ‘i’cu thulu (title) tin an ko.

16. Mirang tawng ih a sau bikmi cafang cu Oxford English Dictionary ih simdan vek a si le ‘pneumonoultramicroscopicsilicovolcanoconiosis’ ti a si.

17. Mirang țawngfang ah ‘dare’ timi ih aliamciami tikcu simtu (past tense) cu ‘durst’ a si.

18. ‘Testify’ timi țawngfang hi mipa pawlin thukamnakih a rel theumi cumi khami asi ahcun ka til ka su kek ding tiih an rak kam awktheumi ‘testicles’ ihsin ra suakmi a si.

19. Ahmaisa bik English dictionary cu 1755 ah ngan a rak si.

20. ‘Stewardesses’ timi țawngfang hi computer cangannak thawi kehlam lawngih ngantheihmi cafang ih sau bik a si.

21. Hlan mirang ca hlun ih ‘juke’ timi cafang, asan, lamnak timi hi ‘juke box’ timi cafang ihsi rak hmanmi a si.

22. Mirang tawng ih cafang pasarih ummi “therein” timi țawngfangin cui cafang sung ihsin remsal țul lo ih cafang pahra a mah tei um theimi cafang a neihmi pawl cu: “therein”; the, there, he, in, rein, her, here, here, ere, therein, herein.

23. Mirang țawng ih awkhat suak (one syllable) ih a sau bikmi cafang cu ‘screeched’ a si.

24. “Queue” timi țawngfang hi mirang țawng ah a dungta cafang pali laksak khalih amahkel awsuak neimi țawngfang umsun a si.

25. “Underground” timi țawngfang hi mirang țawng ah a thawknak le cemnak ih “und” timi tel veve a si.

26. “uncopyrightable” timi țawngfang lawng hi kirsal tul lo ih cafangkawmih siar lan theihmi a si.

27. “Goddessship” timi cafang lawng hi mirang țawng ih cafang pathum (triple letter) thawi ummi a si.

28. “Rhythm” timi hi awphei (vowel) tello ih cafang sau bik a si.

29. “Alphabet” timi cafang hi a hmaisa Greek alphabet ih cafang pahnih “alpha” le “beta”  ih rami an si.

30. Mirang tawng ah ‘u’ pahnih a sangsang tei ummi tawng pathum a um. Cu pawl cu: vacuum, residuum, le continuum an si.

Mirang Ca Hmannak Theih Ţha Tete

·      -  Mirang (English) țawng hi leitlun pumpi hmuntin ih hmanmi, țawngkau bik le hmantam bikmi țawng a si.

·        -400 million lenglo in Mirang țawngfang (English vocabulary) hi mai suahkeh țawng (mother tongue) vekin an hmang ih 700 million lenglo in ramleng țawng (foreign language) vekin an hmang.

·        -Leitlun ih hman reromi mail, telexes and cables pawl țhenli ih țhenkhat cu mirang in a si.

·        -Leitlun computers pawlih hmanmi pehtlaihawknak pawlih zaran zatek 80% cu mirang a si.

·        -Na thei dah maw? Mirang țawng hi tidaifehnak lam thawi pehtlaihmi (navigation), tlunvan asilole vazam lam thawi pehtlaihmi (aviation) le Christian pawlih țawng a si. World Council of Churches pawlih țawng khal a si thotho.

·        -Leitlun companies tumbik panga, radio ih thuthannak (broadcasting) CBS, NBC, ABC, BBC le CBC pawltla Mirang ih suahmi hlir an si, leitlun minung millions tel hnenah thlah a si.

Source: knowledgebase