Chin National Day, Facts

Chin National Day, Facts

1. Hmaisabik Chin National Day cu 1951 Feb 20-22 tiang Mindat khua ah an hmang thok.

2. 1948 Feb 20, Falam ih tuahmi National Conference thurel mi Agenda 4 nakah tui kan hmanmi Chin National Day thu an rel.

3. Mi-uk (lal) pawl ih uknak hlon dingih thu suahpitu cu Pu Thawng Za Khai (Tedim) a si ih, a lungkimpi hmaisabik tu cu Pu Sun Mang (Laizo) a si.

4. Feb Ni 20 cu Chin National Day si dingin Chin Affair Council in kum 1950 Oct 9 ah an nem hnget.

5. Kum 1956 October thla ah Pu Za Hre Lian hohami Chin Affair Council in Chin Natinal Day hmang nawnlo dingin an relcat.

6. Kum 1974 ihsin Kawlram uktu Burmese Socialist Programme Party in "Chin National Day" ti nawnlo in "Chin State Day" ti'h hmang dingin thu an suah.

7. Hakha khua ih tuikum Chin National Day tuahnak hrang budget an tuahmi cu Ting 130 Kyats (13,000,000) a si.

8. Chin Natinal Day hmaisabik an hman t'um (Mindat 1951) ah Kawlram Prime Minister U Nu in a telpi. 

9. Chin National Day timi cu 1974 Kawlram Daan hrampi (Constitution) Article 30, Section B nak thawn a kalh aw.

10. Chin National Day a suah kum 1948 lai ih Chin Affairs Minister cu Pu Vom Tu Maung a si.


11. Tu ahcun Leitlun ram 20 lenglo ah kum tinte Chin National Day hman a si ringring. 

12. Kum 1948 Feb 20 Falam ih National Conference ah Kawlram President Sao Shwe Htaik in a tel pi.

13. Mi-uk (Lal) pawl thlak an si hnu ah cozah in tuarpinak ting 5 kyats (500000) a pe. (Laitlang zate hrang)

14. "Chin State Day" ti'h rak hman t'heumi cu 2012 December thlahih CNF le Kawlram a cozah lungkimtlangnak vekin "Chin National Day" ti'h hman a si thlang .

15. CNF pawlin 2013 Chin National Day hmannak hmun poh ah (Chin State sung lawng) paisa 100,000 kyats bawm fingfing dingin thu an rak than.

16. Kum 1948 Feb 20 Falam ih National Conference ih Chairman t'uan tu cu Pu Vum Tu Maung a si.

17. 1948 Falam ih Conference kaitu palai 5000 lakah, Democracy ukawkdaan duhlo tu palai 17 an tel.

18. Tuikum 2013 ah USA ramsung states 31 ah Chin National Day hman a si ding.

19. 2013 Feb,20 cu Chin National Day kum (65) kim ni a si.

20. Adang Feb 20 pawl:

1918 Feb 20 ah Chin Education Uplift Organization cu Maymyo ah an din.... Kum 10 cekci a rei hnu...

1928 Feb 20 ah Chin Hills Union Organization cu Kanpalet ah an din. ..........Kum 10 cekci a rei hnu

1938 Feb 20 ah Pu Vom Tu Mawng ho in Mirang cozah hnenah lungkim lonak thu pa (9) an theh lut ih, Mirang cozah in a pom sak lo ruangah nasatak buainak a suak.... Kum 10 cekci a rei hnu

1948 Feb 20 ah Chin National Conference cu Falam ah an tuahih Mi-uk (Lal) ukawk daan hlonhlo ih Democracy ukawkdaan hmang dingah lungkimnak an tuah. 

Happy Chin National Day......everyone

Lungawi
Francis Lal UK
DE, USA