Phungki 2 le Fala Mawi

Phungki 2 le Fala Mawi

Vawi khatah phungki pahnih te cu khualtlawng dingin tiva kaplam panin an pawk. Tikcu reinawn an feh ih lilawn umnak an thlen ihsin lilawn a siat ti an hmu ih cenbek lakih feh lawngah tiva khatlam thlen a theih ti an fiang.

Reihlanah lilawn a siat ruangih leibek lakih feh a tum nan a feh theilomi Fala mawi zet pakhat an hmu. Phungki upa deuh pa cun fala nu ih lungkimpinak vekin a va pawkih tiva kap pan in an feh vivo.

Phungki nauta deuh pa cun upa deuh pa ih thiltuahmi a hmuh tikah a lau tukih hitin a ruat, “ Ziangtin anih cu nunau thawn naih-aw lo ding, dai-aw lo ding a ti rero lakah ziangah hivek thil a tuah si pei?” Asinan ṭawngsuak loin daiten a um.

Upa deuh pa in fala mawi zet cu tiva khatlam kap suahpi dingah a paw rero ih nauta deuh pa nih tla nuam ti hnailoin a thlun. Tivakap an thlen tikah upa deuh pa in fala nu cu tiva kap ah a ret, a tan hnuah cutin lamzin dangdang ah an feh.

Peng hnihthum an feh hnuah, nauta deuh pa cu upa deuh pa ih cangvaihdan ruangah a lung a awi thei lo. A ruahnak cu upa deuh pa mawhthluk duhnak lawnglawngin a luah khat. A ruat le a thin a heng sinsin. A ruat, a thin a heng sinsin. Asinan daiten a um thotho. Upa sawn nih le a dinhmun cu simfiang ṭulin a thei lo.

Anetnak ahcun can tampi a liam zo bangin, nauta deuh pa cu a tuar aw nawn lo ih a hnen ihsin hlatnak hmanah a um thei nawn lo. A thinlung cu a alh thluh zik, puak kuai thluh zik vekih a theih ruangah hitin a sim, “Ziangtin nangmah le nangmah cu thlaraumi na ti aw thei ding? Fala thawi daiawktheinak can ṭha na hmuh veten a phar in na phar, a mawi tuk ruangah maw si? I zirhmipawl hmuahhmuah hin misual le miṭhalo na si zia a lang ter.”

Upa deuh pa cun mangbang zetih a zoh hnuah hitin a sim, “Fala mawi zet nu kha kei cun tiva kap ah ka ret zo ih ka tan zo si, nang ziangah tutiang fala nu kha na pawk rero lai?

Ziazaṭha Zirhnak (Moral): A upa zetmi Chinese Zen thuanthu cu tulai minung tampi ih ruahnak sungah a cuang sal. Vawitampi cu kan nunnakah harsatnak tampi kan tawng. Cui thilpawl cun nauta deuh pa vekin ka riah in se terih kan thin in ti har tuk ṭheu. Cui thilpawl cu kan thlah siang taktak lo. Hithilpawl a cem hnu hmanah lungawitheilonak kan nunih a tan ringring lai hi umze nei lo a si.

Nunnak ah hmasawn dingin ziraw! (Learn to move on in life!)

Source: Knowledge Publisher