Management Lessons

Management Lessons

Management Institute ih zirhtu(professor) cun thilzuardan thu ih ruahnakpawl cu tlawngtapawl hnenah hitin a sim fiang.

·        Puai hmunah na feh ih fala mawi zet na hmu ih hitin na sim: “ Milian zet ka si, In nei aw!”. – Cucu Hmaitawn ih Thilzuar (Direct Marketing) a si.

·        Puai hmunah rualpi tampi thawn nan feih ih fala mawi zet na hmu. Na rualpi pakhat in fala nui kiangah a va feh ih nangmah lo khihhmuh tahratin “ A nih cu milian zet a si, va nei aw” a ti. – Cucu Thuthannak Hnaṭuan (advertising) a si.

·        Puai hmunah na um ih fala mawi zet na tawng. Na mit a lo la zetih a hnen na feh hnuah a in dingmi na pek, mawṭaw sangka na awn sakih a ṭum hnu khalah a dip/zal na ken sak ih lamzin na sial sak. Cule “thudang katin, milian zet ka si, in nei pei maw? Na ti. – Cucu Zapitheih Peihtlaihawknak (Public Relations) a si.

·        Puai hmunah na umih fala mawi zet na hmu. Na hnenah a ra ih “Nang cu milian zet na si, in nei thei pei maw? A ra lo ti. – Cucu Thiltuahmi Hminsinnak (Brand Recognition) a si.

·        Puai hmunah fala mawi zet na hmu. A hnen na feh ih hitin na sim: “Kei cu milian zet ka si, I nei aw!” Cule na hmai ah a lo beng. – Cucu Azuartu hnen ihsin a Leitu hnenih Peksalmi (Customer Feedback) a si.

·        Puai hmunah fala mawi zet na hmu. A hnen na feh ih hitin na sim: “Milian zet ka si. In nei aw!: Cule a pasal si dingah theihternak a lo nei. – Cucu Dilnak le Peknak lakih ih Alawngmi Tikcu (Demand and Supply Gap) a si.

·        Puai hmunah na feh ih fala mawi zet na hmu. A hnen na feh ih zianghman na sim hlanah, midang pakhat a ra ih hitin a sim: “Milian zet ka si. In nei pei maw? Cule aw a ti ih cupa cu a thlun. – Cucu na Dawrih na Zemmi Ei-in Zuamawknak (Competition eating into your Market Share) a si.

·        Puai hmunah na feh ih fala mawi zet nah mu. A hnen na feh ih zianghman na sim hlanah: “Milian ka si, in nei aw!” cun nan nu a ra thleng. – Cucu Dawr Thar luhnak hrangih Khamtu (Restriction for entering New Markets) a si.