CNF vs Pu No Than Kap

Chin National Front president hlun Pu No Than Kap kong he pehtlai in CNF lei nih November 28, 2007 ni bunh in ca an rak chuah. Cu kong he pehtlai in Pu No Than Kap lei in hrilhfiahnak tuah a rak um bal rua lo. 2014 May thla thawk ka hrawngah USA ah a ummi Henry Van Hei Uk nih Pu No Than Kap kong CNF nih an chuahmi ca cu Laimi mi tampi nih ihrawmmi online biaruahnak phu YCCF-International e-group ah Hakha holh in siseh, Falam holh in siseh, Kawl in siseh, a rak thlah t’han. Pu No Than Kap nih mah hi kong hi nan thlah lengmang caah hrilhfiahnak ka tuah cang lai a rak ti. August 30, 2014 ni bunh in Pu No Than Kap nihcun CNF ca rak chuahmi a lehnak cu a tuah.

Riahbuk hngaktu nih hi kong he pehtlai in aho deuh dah a dik i aho deuh dah a palh ti theihmi ka ngeih hna lo pinah t’anh hleimi ka ngeih hna lo. An kong a rel huammi nih nan rel tikah, Riahbuk ngeitu cu an karlak minung a si ti’n nan hmuh khawh a hau.

Miphun dang nih hi cachuahmi attention an lak ve nakhnga lo dingah ti in, CNF min ai ah Chin Hmaisuang Ralkap ti in tlangtar khenhpiak an si. CNF nih an chuahmi ca zawn paoh cu cahang dum (blue color) in aa t’ialmi an si lai i Pu No Than Kap lehnak zawn paoh cahang nak an si lai:

Biahmaitthi

John Khaw Kim Thang ti zongah auhmi Pu No Than Kap cu Chin National Front (CNF) i chungtel sinak in siseh, CNF i Hotu sinak le CNA i ralkap lutlai sinak in siseh, Miphun Humhimnak Committee nih 1992 December 9 ah chuah asi. Pu No Than Kap cu CNF in chuah asi hnu ah India ramchung ramkhelrian ah aa thlak lengmang caah India ram humhimnak ralkap nih an tlaih i Kawl ralkap sinah an ap hnu ah Bible sianginn pakhat ah siangcachim rian a ttuanmi pa asi. Kum 2006 i USA a tlawn lioah CNF he aa pehtlai in adik lomi bialehla a chim pinah Rev. Dr. Val Thang he biathanhnak pakhat an chuahmi zong kanmah lei in bialehnak kan rak tuah hna lo. Naite ah Malaysia a tlawng i Hruaitu he biaruahnak an ngeihmi zongah CNF he aa pehtlai in siseh, CNA he aa pehtlai in siseh adik lomi bialehla a chim tthanmi kan hmuh tikah hiti ningcang lo i thil a tuahmi nihhin Chin miphun dohthlennak le lungrualnak hnahnawh a pek khawh tiah kan ruah caah Pu No Than Kap he pehtlai in CNF thawngthanhnak bu (Publicity and Information Department) nih hi fianternak ca hi a tanglei bantuk in kan chuah.

Hram Thawhnak

# 1992 December 9 ah Pu No Than Kap cu Chin National Front ih sungtel sinak, Chin National Front (CNF) President le Chin National Army (CNA) Commander in Chief (C-n-C) sinak in siseh, National Security Emergency Committee (NSEC) in a dawisuak a si… tiin November 28, 2007 ah an ngan.

Simfiangnak:

Hmaisabikah, Pu NTK dawisuaktu an timi NSEC hi CNF Central Committee in siseh, Central executive Committee (CEC or Politburo) in siseh a din mi a si lo, Pu Roger le Pu Zing Cung ih ho in CNF dan lo vekin an din mi a si ruangah, CNF ih President tuan rero lai le ralkap hotu bik C-n-C tuan lai (zo an si khalle) NSEC in dawisuah theinak power le right a nei lo.

NSEC din thawkdan:

(1) November 11, 1992 cabinet meeting ah President Pu NTK remtinak in sual an puh mi zoh fiahtu dingah Sub-committee (Inquiry Commission) din ding in relcat a si.

(2) Pu NTK cu CNF president ding lai le CNA lu bik tuan rero lai a si ruangah, sual an puh mi thu Inquiry Commission in a hmuhsuah mi cu Central Committee (CC) hnenah a thlen hnuah, CC in thuneihnak sang bik neitu Central Executive Committee (CEC or Politburo) hnenah thlen ding a si. Cui hnu lawngah Pu NTK cu President sinak in banter tlak a si, ti a si le CC le CEC in banternak ca an suah thei. Asinan November 11 ihsin thla khat sung Inquiry Commission in Pu NTK sualnak an hawl nan an hmu lo. An hmuh lo thu cu CC le CEC hnenah report an pe cuang lo.

(3) Report an pek lo hleiah December 9, 1992 ah NSEC timi cu a thupten Roger hoin an din ih cumi cun Pu NTK kan dawi.. an ti rero mi a si. CC si lo, CEC khal si lo, CC theihpinak khal um loin CNF dan lo vekin din men mi NSEC hrimhrim hin CNF President ding lai cu Pu NTK si lo midang an si khalle dawisuah theinak power le right a nei lo.

Pu NTK in CNF a cawlhsan dan cu a hnuailam vekin a si sawn:

- December 10, 1992 ah CNA umnak Champhai Camp hotu Pu Thawm Mang cu Maj. Zing Cung hoin thahrum suah in an hung siim ih Pu Thawm Mang cu a hman lai pistol laksak in a cal ah an tin ih an kaih. Cutin Pu Thawm Mang an kaih (kidnap) hnuah Pu NTK hnenah na tupa Thawm Mang thih ter na duh lo a sile meithal in pe thluh aw tiin Zing Cung in Aizawl ih um Pu NTK hnenah ca a kuat. Pu NTK cu CNA hotu Col. Tlung Lwe le Lt. Col Hrang Vung le ralkap pawl thawn Champhai ah an so ih Pu Sangchia inn ah an riak. Lt.Col Hrang Vung, Ngun Uk Lian tipawl CNA pawlin “mai president sual puh men lawng si loin thahrum suah in hlon tumtu cu party dan vekin kan kaih ih an thu kan rel tengteng a tul,” tiin meithal zun 20 lai thawn Champhai camp ih Zing Cung ho mi pathum (Sui Khar, Benjamin le Zing Cung) cu zingpit ah vung siim ih kaih an tum. An feh hlante ah Pu NTK cu a ihnak in a tho ih, naulepawl, hnamdang ral hman do taktak hlanah mah le mah meithal thawn do-awk a tha lo tiin Lt.Col Hrang Vung ho cu a kham. December 12 zinglam ah Champhai camp ah Pu NTK cu a feh. Buainak tuahtu Maj. Zing Cung te pathum cu camp ah um nawn loin hramlak ah an rak relh zo.

Cule Champhai camp ih CNA zate hnenah Pu NTK cun, “Tutiang kan ram in zalennak ngah thei dingih tuan tlang dingin ka thei tawkin ka lo kaihhruai hai. CNF timi innpi cu umnak tlak si dingah kum 4 sung (October 1, 1988 – December 12, 1992) ka sak thluh zo. Chin ralkap CNA timi khal ka din ih thla neiih zuang thei dingin ka tuah zo. Asinan sinak atcilh pawlin ka kaihhruainak duh loin buainak an tuah. Sual in puh hrim ih in puh mi dik le dik lo thei fiang dingin Inquiry Commission tiang ka dinter. Asinan cui Inquiry commission thusuak daiten kan hngak rero lai ah thahrum suahin tuvekin buainak siava bik an tuah lala. Chin lala hmanah party pakhat sungih um, pakhat le pakhat le ram hrangah rinum dingih thisen rori in ih thukamnak tuah thluh kan si ruangah kan karlak ah hmuhsualawknak a um hmanah a nem zawng (non-violence) in cabuai parah thu rel fel ding kan si. Asinan tu cu keimah lawng si loin kan hotu dang tiang hlon ih thah (coup) tuah tumnak a um ruangah a poi tuk. Kawlram ah ralkap in uknak a lak (anating, coup) mi duh loin dothlengnak kan tuah tiin a au rerotu Pu Zing Cung pawl cun, kan do an timi Kawl ralkap vekin anating an tum. Asinan, tu ah keimah dotupawl cu meithal thawn kan hawlih kan kapawk a si le, kan lakah thisen a luang tengteng ding. Ral hman kan do taktak hlanah kanmah le kanmah kan kapawk a si le, peng khat le peng khat hnam khat le hnam khat huatawknak a pung sinsin dingih thuanthu ah kan mualpho ding. Curuangah ka sak cia mi CNF innpi le ka din cia mi CNA ah tui buainak tuahtu pawlin an duh tawkin lengin run tuan ko hai seh. Rampi le leitlun theih ding tlak in Chin timi le CNF cu ka tuah zo. Kei cu tui ni ihsin ka cawl hrih ding. Ka hnuih run tuantupawl hrangah ziang hman thil harsa a um nawn lo. Asinan ka bang lanta lo khal a si thei. Nan zaten ka cawlh hnu khalah ram hrangah run ṭuan vivo uh,” tiin a sim.

Champhai camp ih Chin mino ralkap zaten riahsia in an mitthli a tla. Cutin Cabinet Vuanci Col. Tlung Lwe, Finance Secretary Thawm Mang, Pub&Information Secretary Nililian le Lt. Col Hrang Vung le Falam mino CNA zaten, hivek mah le mah lakih buai kan paih lo kan cawl ve ding an tiih CNF cu an suah san thluh. Bangladesh ramri ih CNA hmunpi ih um Falam mino CNA pawl khal, Pu NTK le Falam hotu lam an cawl thluh ti an theih veten, an cawl thluh ve. Hitin thin na zetin mitthli thawn thenawk a si ruangah tui ni tiangin Falam mino tampi an thin a dam thei nawn lo.

A tawinak in, December 12 ah amai thuten Pu NTK a cawl. Cumi hlan December 9 ah Pu NTK cu party ihsin kan suah tiih ngan mi cu, amahte cawl a si lo, dawisuah mi a si tiin thangsiat duhnak menih ngan hrim mi “thu dik lo” a si.

# Pu NTK cu CNF ihsin an suah hnuah India Politics ah a hnamhnawih ringring ruangah India Security pawlin an kai ih SLORC kut sungah an hlan.

Simfiangnak:

Pu NTK cu Kawlram ihsin U Newin in a rak dawi mi Kalapawl lakih tel ve India ralbawi Lt. Col. Grewal (Kawl tong Kawl vekih thiam) in thlem bum in a kaih mi a si. Hi Kala ralbawi in Pu NTK vek tho tho in Zakhaing ralkap (ALP) le Karen (KNU) ralkap pawl cu, India cozah in Koko tikulh ah umnak kan lo pe ding tin thlem bumin a kai ve ih, an hotu Khaing Raja cu a kap that hnuah, midang cu Calcutta ah kum tampi an thu relsak loin thawng ah a thlak. Zakhaing ralkap paisa $50,000 leng lo khal a laksak bet. Kum reipi hnu tunai ah an thu relsak a siih an thu buaipitu Sihni Kala nunau cu a umnak inn ah nam thawn a hngawng zai that a si (a zai thattu hi Kala ralbawi pa thotho zum a si). Tu ahcun Kala pai kaih mi Zakhaingpawl cu Netherland ramah refugee in an um ih hi thu hi sut fiang theih ringring an si. India Central theihpinak tel loin, Pu NTK le Zakhaing le Karen pawl bum in a kaih ih thah mi tla a neih ruangah Kala ralbawi pa hi kaih dingin hawl a siih India ah a um nawn lo.

Curuangah, “Pu NTK cu India Politics ih a hnamhnawih ruangah India cozah fialnak in kaih mi a si” ti cu thuphan a si. Ziangahtile, Arakan (ALP) le Karen (KNU) ralkap khal India politics ah hnamhnawihnak um lo le India hman an thlen hlan Koko tikulh ah Kala ralbawi in a bumih a kai thotho. Himi Kala ralbawi le Kawl ralkap pehtlaihnak hi theih ban a si lo.

# Rev. Dr Val Thang thawn Pu NTK in 2006 laiih thusuah (statement) an tuah ih CNF thu a dik lo mi a ngan.

Simfiangnak:

2006 laiah Pu NTK in Pu Val Thang thawn Statement an tuah mi thu cu, 1989 laiih Mizoram mi ZORO/ZRV hotu Lalsanga le Roenga thih thuah, Pu NTK le Pu Val Thang ih thahnak order suah vekin thuthang a um ringring ruangah annih pahnih thahnak order suahtu hi Pu NTK a si lo, Pu Val Thang (khalai ih CNF General Secretary) khal a si lo, timi thu umdan diktak ngan suah mi statement a si. Pu Val Thang cu culaiah Sekenah timi Bangladesh ramri CNF hmunpi ih a um lai (Pu NTK cu ramdang ih a um lai) a si ruangah, Pu Lalsanga le Pu Roenga thih dan fiangten theitu a si. Curuangah Pu Val Thang thawn suah mi Statement cu CNF thu a dik lo mi ngannak a si lo.

# Pu NTK cu Malaysia a feh laiah CNF le CNA thawn pehpar aw in a dik lo mi thuhla a sim lala ruangah miphun lungrualnak kha a siat suah thei ding ruahnak a um.

Simfiangnak:

2006 ih Malaysia a feh laiah Falam mino pawlih dilnak vekin CNF President a sinak dinhmun in CNF thuanthu a theih dan a sim. A dik lo mi simmi a um lo. Lungrualnak siat seh tinak khal a um lo. November 14, 1988 ah CNA a din thu le KIA ramih ral thiamnak zir dingin Mizoram ihsin ralkap ih lut hmaisa bik Pu Hrang Vung le mi 9 an si thu le Pu Zing Cung ih ho 7 cu leh hnu deuh ah “the fittest seven” timi ca thawn Champhai in Aizawl ah an ra ih CNA ah an lut ve ti thu a sim. December, 1992 ih thenawknak thu a ngan fawn. Hi thupawl Pu NTK in a sim ruangah miphun lungrualnak a siatsuah theinak ding san a um lo, a liamcia mi thuanthu sim men mi a si ih zo an dik, dik lo, timi simnak khal a si lo. Hi thu Pu NTK in a sim ruangah Pu NTK dodal le huat phahnak a tling lo.

CNF Aa Thokka Thilsining

(CNF Hramthawk lam Umtudan)

1. CNF Aa Thoknak

Pu Ttial Khal hruainak in CNF cu 1988 March 20 ah rak dirh thokmi asi. Aa tinhmi cu Federal ramkomh dirhnak, zaukphung (democracy), minung covo le mahte khuakhan lairelnak nawl kan ngeih tthan khawhnak ding hna hi an si.

1. CNF a suahkeh dan.

# 1988 kum March thla 20 ah Pu Tial Khal ho in Federal, Democracy, Human Right le Self-determination ngahsalnak ding hrangah Chin National Front an rak dingsuak a si.

Simfiangnak:

Pu NTK in CNF president a tuan hlan ah Pu Tial Khal ih ho CNF ih tumtah mi cu Federal, Democracy, Human Right le Self-determination ngahsalnak ding hrangah a si lo; an rak tumtah mi cu India ram sungih Chinram lutter (to merge Chinland into Indian Union) a rak si sawn. India PM hnenih Pu Tial Khal hmin ih cakuat mi khalah hitin ngan a si (Mirang ih ngansaktu cu Pu Lalkhawliana a si). Pu NTK President a si hnu lawngah CNF tumtah mi cu “mahte ukawktheinak ngah (to have the right to Self- determination)” tiin thleng a si. “Self-determination timi hi Independence, asilole, Federal danin rampi pakhat ih Chinram um ve” timi phun hnih a sawh thei. Sawh thei dingin Pu NTK in a ngan mi a si. Hi tumtah mi le Danbu (Constitution/By-law) cu August 30, 1989 Champhai CNF Central Committee meeting lawngah nemhnget a si.

2. Pu No Than Kap Nih Patti Hotu Sinak A Laknak

1988 kum donghlei ahkhan Pu Ttial Khal hruaimi CNF nih Pu No Than Kap cu mirang ca a thiammi asi caah ramdang lei pehtlaihnak lam kawlter dingah an sawm ruangah CNF chungah a hun itelnak asi. 1988 kum ah Pu No Than Kap cu CNF aiawh in Manepalaw ah meeting a rak kainak in a hung tlun tthan tikah meeting ka kainak ah, “Bu danghna cu Hotu sinak lawngte in sen an thut dih caah kei zong nih CNF Hotu sinak in sen ka thut ve, cucaah CNF Hotu sinak hi ka kian lawlaw ko” tiah a halmi cu CNF dirhnak i aa telmi Pu Lian No Thang le Pu Ro Eng nih cun an rak duh lo. Asinain Pu Ttial Khal hrimhrim nih Pu No Than Kap cu amah tupa asi ruangah le mino cathiam asi pinah mirang holh chimrelkho asi caah tiin Pu No Than Kap nih a halmi cu cohlanpiak dingah adang hruaitu hna cu a soilem hna caah Pu No Than Kap CNF Hotu i a hun icannak cu asi. Patti Khawmpi nih siseh, Cabinets chungtel hna lungtlinnak in siseh, CNF Hotu sinak a phanmi asi lo.

2. Pu NTK CNF president a ngah dan.

# Pu NTK cu Manaplaw ah meeting kai dingah CNF ah an thlah ih meeting kainak ah midang pawl in President in hmin an sign ih kei tla ka sign ve.. curuangah kei tla President ah in ret lawlaw uh..a tiih Roenga le Lian No Thang in an duh lo nan Pu Tial Khal in a duh ih president a rak cang… Party conference ah siseh, cabinet sungtel pawlih lungkimnak khalin siseh CNF president a rak cang mi a si lo..

Simfiangnak:

Pakhatnakah, President sinak thawn Pu NTK in a hmaisabik ih (October, 1988) Thailand a feh tikah Manaplaw meeting kai dingah a si lo, Manaplaw (KNU hmunpi) um le um lo hman Pu Tial Khal le Pu NTK pawlin an rak thei hrih lo. Thailand a fehnak san cu Pu Sapzova timi MNF hlun Chiangmai ih um le Bill Young timi tongin ramhna tuan vivo dan ding lamzin hawl dingah a si. Pu Sapzova hnenah Pu NTK hmel theihnak ngansaktu cu Pu Hmangngaiha (Electric veng, Aizawl) a si. Pahnihnakah, 1988 laiah CNF in Tlangparmi meithal kai zawmkhawm National Democratic Front (NDF) ah a lut hrih lo ruangah Manaplaw ih meeting ah Pu NTK tel thei a si lo, president ka si tiih hmin sign nak ding san khal a um lo. Curuangah, an ngan bangin “President in hmin an sign ih kei tla ka sign ve. Curuangah kei tla President ah in ret lawlaw uh,” ti mi hi thuphan a si. Hitin Pu NTK in a simnak ding san a um lo.

Cun, culaiah CNF ah minung pali (4) Pu Tial Khal, Pu Roenga, Pu Lian No Thang le Pu NTK pawl lawng an um. Cabinet ti ding tlak a um lo, Central Committee ti ding tlak khal a rak um lo. V. President le General Secretary khal an rak um lo. CNA timi ralkap khal din a si hrih lo. Pu NTK Thailand a feh zik ah, President in maw Foreign Secretary hmin in maw a feh ding, timi thu a suak ih, CNF aiawh in thutawp va rel thei dingah President sinak in feh siseh, tiin thu relcat vekin feh suak a si sawn.

Pathumnakah, Pu Tial Khal, Pu Lian No Thang, Pu Roenga le Pu No Than Kap lawng umnak CNF ah an zate (4) lungkimnak telloin Pu NTK cu President ah a cang thei lo. Curuangah, Lian No Thang le Roenga in Pu NTK president a si ding an duh lo timi cu a dik lo.

Palinakah, Pu NTK cu Party conference ah siseh, cabinet sungtel pawlih lungkimnak khalin siseh CNF president a rak cang mi a si lo…. ti mi thu ah, ngan zo bangin Pu NTK president a si pek laiah, CNF ah minung pali (4) lawng upa cin an um. Cabinet ti ding tlak a um lo, Central Committee ti ding tlak khal a rak um lo. Mi pali nga lai lawngin ziang Party conference an tuah thei ding? Cabinet timi a um hrih lo laiah “Cabinet meeting” ziangtin an nei thei ding? Pu NTK zuamnak in CNO, CDP, ZLF le Pu Zing Cung pawlih party BDF in CNF an kawp thluh hnu March 27, 1989 lawngah Cabinet members (Secretaries or Ministers) hrilnak le sinak pekawknak neih thei a si. Cabinet dinnak hmun cu Aizawl, Chaltlang vengih Pu Ngura tei inn hnuaiah a si. Cabinet members cu:

President: Pu No Than Kap (John Khaw Kim Thang)

V. President (1): Pu Tial Khal (Flm)

V.President (2) : Pu Sang Hlun (Hka)

V. President (3): Pu Salai Myo Aye (Asho)

General Secretary: Pu Acaret Val Thang (Mtu)

Trade & Commerce Secretary: Pu Lian No Thang (Flm)

Finance Secretary: Pu Ngun Hre (Hka)

Deputy Fin. Secretary: Pu Anthony Thawm Mang (Flm)

Deputy Foreign Secretary: Pu Roger Biak Lian Thang (Hka)

Publicity & Info Secretary: Pu Thang Rem (Hka)

Dep. Pub&Infor Secretary: Pu Ni Lilian (Flm)

Organization Seretary: Pu Than Kio (Thantlang)

MVL Director: Pu Tluang Lian (Flm)

Dep. MVL Director: Pu Dr. Sui Khar (Thantlang)

Defense Secretary: Pu Tlung Lwe (Mtu)

Asst. Defense Seretary: Pu Rollin Van Bik (Hka)

PA to V.President -1: Pu Roenga

HMINSIN: CNF dan ah President cu ralkap C-n-C a si ruangah Pu NTK cu C-n-C a si cih.

Cabinet members hril ni zuk

Sitting (L to R): Pu Tial Khal (V.President-1), Pu NTK (President), Pu Sang Hlun (V.President-2). Standing (L to R): Pu Thang Rem (Pub&Info), Pu Thawm Mang (Dep. Finance), Pu Roger BLThang(Dep.Foreign), Pu Roenga (PA to V.President-1), Pu Tluang Lian (MVL Director), Pu Nili Lian (Dep.Pub&Info), Pu Val Thang (Gen.Secretary).

3. Pu No Than Kap CNF Hotu Sinak In Avoi Khatnak Chuah Asinak

Hotu Pu Ttial Khal hruaimi CNF hmunhlum (headquarter) nih Pu No Than Kap cu ramdanglei pehtlaihnak ttuanvo ngeitu sinak in ttuantti bupawl meeting ah an thlahmi asi nain Patti Hotu sinak a lakmi cungah lungtlin lonak hna cu 1989 kum thoklei ahcun a parpazik a rak phan. Cu pinah Pu No Than Kap nihhin India Cozah nih CNF a bawmhmi phaisa Rupees nuai khat (RS 1000000.00) cu Pu Ttial Khal a umlo karah a nupi sinah phaisa chuahnak chek cu lihttawn in a hal i amah nawl in phaisa a chuah i a hloh. A cunglei tarlanghmi pahnih ruangah Hotu chang asimi Pu Ttial Khal, Humhaaknak Lutlai Pu Ro Eng (Defense Minister) le an hawile hna nih 1989 October 6 ah Pu No Than Kap cu CNF in avoi khatnak an rak chuah. Asinain Pu Val Thang, Pu Tlung Luai, Pu Sang Hlun, Pu Tluang Lian hna le 1988 hrinsor Sianghleiruun kai hna nih Pu No Than Kap cu an rak dirkamh caah CNF Hotu dirhmun ah a rak hmunh khawhnak asi.

3. Pu NTK cu CNF President sinak ihsin a veikhat dawisuahnak

# Pu NTK in President sinak a lak mi parah lungawi lonak cu 1989 kum thawk lamah a sang bikah a thleng a si.

Simfiangnak:

2007 ih CNF thu suah mi ah Pu Tial Khal in Pu NTK president si dingah a duh ih midang hnenah pawmpi dingin a dil sak ti phun in an ngan. Cutin Pu Tial Khal in Pu NTK president a si ding a duh a sile ziangah 1989 kum thawk ah Pu NTK President a si ruangah Pu Tial Khal a lungawi lo, lungawi lonak sangbik a thleng, tiin an ngan lala? An thu ngan mi a kalh aw. An ngan mi a dik lo ti a lang.

Ngaingai ahcun Pu NTK president a si ruangah si sawn loin, India bawmnak paisa thu ah PC party sawhthupnak ruangah Pu Tial Khal in Pu NTK hnenin president sinak laksak a tum sawn mi a si. President sinak men lawngah Pu Tial Khal hi a buai lo ti a tlunih CNF pawl ngan mi lala ah a lang zo (Hi thu hi a hnuaiah fiang deuh in ngan a si).

# Pu NTK cu India Congress (I) Cozah hnen ihsin an bawm mi Rupee Rs.1,000,000 (one million) cu president Pu Tial Khal um lo laiah Pu Tial Khal ih nupi hnen ihsin paisa suahnak Check kha a bum ih a lak hnuah amah thu te in a suah ih dik loin a hmang.

Simfiangnak:

Himi paisa thu ngan mi a rak zumtu mipi an um ruangah sau deuh in “thudik” simfiang a si ding.

Pakhatnakah, CNF hi ramhnuai (underground network) pakhat le Chinram in mahte-thuneihnak ngah thei dingin (to have the right to self-determination) Pu NTK san laiah rak tumtah a si tlunah, ramsung lawngah cangvai loin ramdang dang (international politics) ah tel ban dingin rak zuam rero lai a si tikah, “thuthup” timi an rak nei. Cuvek mipi theih ih puansuah lo ding mi paisa le ralthuam leinak thuthup (top secret) ih ret mi a um ruangah (Thimnakah, India bawmnak in KIA le CNA kawpaw in ramdang ihsin vanzam thawn ralthuam phurh tumnak), a thei ban lotu le a thei thiam lotu in CNF thawkpek lai ih hotu bik Pu NTK cu amai hrangah paisa hmang peng rero in an puh (ruat) phahnak a si.

Pahnihnakah, Pu NTK in amah le CNF hotu pahnih thum lai lawng ih theih ding thuthup cu Central Committee meeting ah a puangsuak. Hihi a palh zet mi a si. Thu umdan hitin a si: India ih paisa bawmnak thu hi CNF upa dang in a thu men lawng an theih a sile amah (Pu NTK) an zum lo phah ding tin a ruat ruangah, August 30, 1989 ah Champhai Refugee Camp ih Central Committee meeting ah India in CNF paisa a bawm thu Pu NTK in a puang. A puansuah tikah, Cabinet Minister pawlin anmai kaih mi Department hrangah paisa ting tam tuktuk an dil ciamco ih party sungah paisa at in an aa cih, dothlengnak timi cu paisa hawlnak vekih ruat Cabinet Vuanci lakah an suak cih. Hihi CNF buaithawknak hrampi bik a si sawn, Pu NTK ih president tuan le tuan lo thu lawngah buainak a suak lo.

Pathumnakah, India in CNF hnenah one million (Rs. 1,000,000) a pe timi hrimhrim hi thuphan a si.

Palinakah, India hnenah Pu NTK hminin 10 million (1 crore) dil a si. Cumi sungin ting 17 lawng India in bawm a si hrih ding thu CNF a sim. India aiawh in paisa petu dingah ZORO hotu le DP party president Brig. Thenphunga Sailo cu Pu NTK in a hril (Hi thu kimcang Pu NTK ih “Ramhrang Ruat in” timi cabu sungah siar aw). Ting 17 pek ding timi sungin ting 6 cu India aiawh in Pu Thenphunga hmang in CNF hnenah pek a si. CNF lamin paisa dawngtu cu CNF president Pu NTK a si. Petu ah Pu Thenphunga in hmin a sign ih ngahtu ah CNF lamin Pu NTK in hmin a sign ve. Peknak hmun cu Zarkawt, Aizawl ah a si. A pek laiah India aiawh Kala bawipa le ZORO lamin Pu Thengphunga le Pu Lalkhawliana an um ih CNF lamin Pu NTK (president), Pu Tial Khal (V.president-1), Pu Roenga le Pu Ni Lilian an um.

Pek mi paisa ting (6) sungin a zan lala ah thawng sawmnga (Rs. 50,000) cu Pu Tial Khal hnenah pek a si (himi paisa ka hmang thei a si le Bank in Loan ka lak phah thei ding tin Pu Tial Khal in a dil ruangah). CNF upapawl lakah bulpak hrangih India bawmnak paisa hmang ngahtu cu Pu Tial Khal lawng a si. Cun, ZORO hotu Lalkhawliana te dilnak vekin thawng sawmli (Rs.40,000) cu an hnenah pek a si. A tang lai mi zaten Pu Roenga le Pu Ni Lilian hmin in Jt. Bank account tuah hnuah Vijay Bank, Aizawl ah ret thluh a si. Pu NTK hmin in paisa ret mi Bank ah pya khat hman a um lo. Cumi Bank ih paisa ret mi sungin Champhai camp CC meetingih relcat vekin CNA hman dingah biakawknak W/T le R/T cu Hongkong ihsin lei a si. Ramdang khualtlawnnak lamzin fehnak ih hman ding lenglam president Pu NTK in amah bulpak hrangah CNF paisa hman mi a nei lo. President a si ruangah CC remtinak le Finance Secretary theih loin Pu NTK in party paisa a duhduh in hmang thei a si lo. Paisa suak lut zaten Finance Secretary in record tuah thluh a si.

Panganak, Ting 17 sungin ting 6 lawng CNF hnenah India ih pek mi a lut. A tang mi ting 11 cu Brig. Thenphunga kut a thleng zo nan Thailand ramri ih DAB meetingah Pu NTK a feh lai a si ruangah a tlun hnuah lak dingin rel a si. Pu NTK ra tlun hlan, DAB meeting ih a um laiah a tang mi ting 11 cu ZORO in an party DP hrangah hman an duh ruangah Pu Tial Khal an sawh thup ih Pu NTK cu hlawn tumin Pu Tial Khal le ZORO kawpaw in CNF sungah nasaten buainak an tuah. Pu Tial Khal pawlin;

“Pu NTK cu India bawmnak paisa tampi a lak ih USA lamah a tlan hlo zo. Hollywood lamah fala thawn nuam a cen rero men. Pu NTK in amai hrangah Paisa a ei thup ruangah CNF president ihsin ban a siih Pu Tial Khal cu CNF president a si sal zo..” tivek thuphan le thusia phunphun cu Aizawl News papers ah an rak suah ciamco. Cui thuphan thupawl cu Pu Zing Cung pawlin an ngan sal mi a si. Pu Tial Khal le ZORO pawlin thuphan an rak sim mi cu tui ni tiangin a zumtu an um.

@ Hitin 1989 October laiih ZORO le Pu Tial Khal kawpaw in CNF sungah buainak an tuah laifang, Pu NTK cu paisa tampi tlanpi in USA lamah fala thawn nuam a cen rero tiin thuphan an puh rero laiah, Pu NTK cu Thailand ramri Manaplaw kiang KNU(Karen) sizung ah a thi ding maw a nung ding ti hman theih ban loin a pumna in ni 4 sung, ziang thei lo (unconscious) in, a um. A dam lo sung hmuah Pu NTK rak kiltu cu Maj. Zamaising a si. Pu NTK thei tawkin rak bawmih rak kiltu Karen le KIA upa pawl hnenah lungawithu sim tlak a si.

HMINSIN:

Hitin ZORO le Pu Tial Khal pawlin India ih CNF bawmnak thu Thuthangca tiangin an puansuah (publicize) ruangah Kawlram cozah tiangin an theih phah ih lungawi lonak India hnenah an thlen. A thupte ih sumpai bawmnak a lang suak tikah India le Kawlram rampi pahnih pehtlaihnak a siat phah phangin paisa bawmnak khal India in a tawpter. A pawi zet. Riahsiatza zet a si fawn. Pu NTK in thuthup ah ret a zuam rero laiah zapi theih dingin rak au luarlo an um ih cutiin au luarlo pawl cu International politics le dothlengnak tuah tlak an si lozia a lang.

Hitin party le ralkap sungah buainak a suak ruangah, Pu Thenphunga hnenih Ting 11 a tang lai mi cu, tu ni tiangin, CNF hnenah pek a si nawn lo (Pu Zing Cung ho in an dil ngah thei sal a sile a tha zet ding). CNF sungah Pu Tial Khal hmangin buainak an tuah ruangah Pu Thenphunga pawlin Ting 11 an ngah ih an hlawkpi phah, asinan CNF hrangah cun “zuan theinak ding thla hmul phawi kawlh sak” tluk a si.

# Pu NTK in president Pu Tial Khal um lo laiah Pu Tial Khal ih nupi hnen ihsin paisa suahnak Check kha a bum ih a lak hnuah amah thu te in a suah ih dik loin a hmang.

Simfiangnak:

1989 laiah India in Check in paisa CNF a pe lo. A pek mi umsun Ting 6 cu, a tlunih ngan zo bangin, kut in pek a si. Tahthimnakah, Pu Tial Khal hminin Check ngan mi a um ih cumi cu a nupi hnenin Pu NTK in bum in a laksak a si ti bang hmansehla (even if), Check ih Pu Tial Khal hmin a um ahcun Bank ihsin Pu NTK in a suah sak thei hrimhrim lo ding (Bank cu an ralring tuk ruangah paisa cu zatzat midang in suah sak theih a si lo). Curuangah a tlunih Pu NTK in president Pu Tial Khal um lo laiah Pu Tial Khal ih nupi hnen ihsin paisa suahnak Check kha a bum ih a lak hnuah amah thu te in a suah ih dik loin a hmang.. timi thu cu zoh fiah dawl lo thuphan phuah cawp (baseless deliberate lie) a si.

# A tlunih tarlang mi thuhla pahnih ruangah V. President Pu Tial Khal, Chief of Staff Pu Ro Eng le rualpi dang pawlin 1989 kum October (6) ah Pu NTK cu CNF ihsin a veikhatnak an rak dawisuah a si.

Simfiangnak:

V.President (1) Pu Tial Khal le Pu Roenga pawlin Pu NTK lawng CNF ihsin kan dawisuak tiin ca an suah lo, President Pu NTK, V. President-2 Pu Sang Hlun, General Secretary Pu Val Thang, Defense Secretary Col. Tlung Luai le Cabinet Secretary dang pawl khal an zaten kan dawisuak tiin ca an rak suah mi a si. Cumi duh loin, V.President-2 Pu Sang Hlun ho pawl cun, “Pu Tial Khal le Pu Roenga pawl cu CNF ihsin kan dawisuak a si” tiin ca an rak suah ve (Hilaiah Pu NTK Thailand ramri ah dam loin a um).

Khatlam khatlam in “dawinak ca” an suah veve ruangah, Pu Tial Khal lamih suah mi lawng thungai le lak tlak ah ret tahratin “Pu NTK a veikhat dawinak” tiih an ngan mi cu thu pipa ih lak tlak a si lo. Cun, thulai le thudik ngantu cun, “Pu NTK vei khatnak dawi” timi zawnah Pu Tial Khal te in Pu NTK lawng si loin Pu Sang Hlun, Pu Val Thang, Pu Tlung Luai le a dangdang khal dawinak ca an suah ruangah Pu NTK hmin lawng dawi vekin ngan ding a si lo. Cuitlunah, Pu Sang Hlun pawlin Pu Tial Khal an dawinak thu khal “CNF ihsin Pu Tial Khal an dawi” tiin an ngan thluh a tul. Thleidan neiin ca ngan dan a si lo. Theih ding mi ah, khalaiah Pu Tial Khal (V. President-1) ih hoin president tuan lai Pu NTK dawi theinak power le right an neih lo ruangah “Pu NTK vei khatnak dawi” timi cu san le umzia nei lo a si.

# Chief of Staff Roenga.. timi hi Pu Tial Khal ih kawh dan an cawn men mi a si. CNA ah Roenga cu Chief of Staff pek a rak si dah lo. Tui ni ah Pu Tial Khal le Roenga te pawl ih sim mi zaten a dik thluh vekin Pu Zing Cung pawlin ca an ngan mi cu Pu NTK donak ah hriamhrei (political weapon) phun in an hman hrim men mi a si.

# Pu Sang Hlun, Pu Tluang Lian le 88 tlawngta tlan mi pawlin Pu NTK lamah dingin an rak tanpi ruangah Pu NTK cu President ah a rak ding suak theinak a si.

Simfiangnak:

A hmaisa ah “an dawi” an tiih tu ah “a ding suak” an ti lala. An dawi timi ih umzia a neih lozia a lang.

Theih ding mi ah, Pu NTK in Pu Sang Hlun le 88 tlawngta tlan minopawl CNF ih a lutter cu Pu Tial Khal le Pu Roeng in an duh lo tuk (an sinak an hloh an phang tla a si thei). Hihi Pu Tial Khal hoin buainak an tuahnak san pawl lak ah a telve. Curuangah 88 tlawngta tlan pawlin anmah duh lotu Pu Tial Khal le Roenga lamah tang loin anmah duhtu Pu NTK lamah an rak tannak a si. Ngaingai ahcun 88 tlawngta Haka lam unau pawl hi Pu NTK in la lut lo sehla, Pu Tial Khal le Pu NTK lakah buainak hman a um lo men ding.

Theihbet ding mi cu, Pu NTK CNF president a si ti 88 tlawngta tlan pawlin an theih hlanah, Pu Tial Khal ih ho CNF cu 88 tlawngta tlan pawlin an zawm duh lo. Tlawngta hotu Pu Sang Hlun le Pu Khua Uk Lian te Aizawl lockup ah thawng an tlak tik khalah CNF ih Roenga le Lianno Thang in in hek a si ti tiang in CNF le Tlawngta lakah thu a rak buai. October, 1989 ih Pu Tial Khal in buainak a tuah laiah Pu Zing Cung te cu Kachin ramah an um lai a si ruangah thufiang an thei ban lo.

4. CNF Tthen Hnih Ah Aa Cheunak

Pu No Than Kap nih CNF cu amah duhning in a hruai caah siseh, Phaisa ningcang loin a hman caah siseh, Pu Ttial Khal le Pu No Than Kap karlakah ihmuhthiam lonak a chuak i 1989 October 6 ah Pu No Than Kap cu CNF in avoi khatnak an chuah hnu ah Pu Ttial Khal hruaimi hna nih CNF (Origin) ti min put in India-Bangadesh-Burma ramri hrawngah ralhruang iserh in anmah tein cawlcangh hram an rak thok. Cuticun Pu No Than Kap hruaimi CNF le Pu Ttial Khal hruaimi CNF (Origin) tiin CNF cu tthen hnih ah a rak icheu. Pu Ro Eng, Pu Lian No Thang le Aizawl um Chin miphun cheukhat hna nih Pu Ttial Khal cu an rak dirkamh i Pu Val Thang, Pu Tlung Luai, Pu Sang Hlun, Pu Tluang Lian le 88 hrinsor sianghleiruun kai hna nih Pu No Than Kap cu an rak dirkamh ve.

4. CNF pawl hnih thennak

# Pu Tial Khal hopawl cu CNF (origin) ti ah an ti aw i India-Bangladesh – Kawlram ramri ah camp hmun khuarin a dangte in an rak cangvai a si….

Simfiangnak:

Pu Tial Khal pawl cu a hrante in India-Bangladesh – Kawlram ramri ah camp hmun khuarin a dangte in an rak cangvai.. timi hi a dik lo. Hilaiah Col. Tlung Lwe ih ho CNA lawngin India-Bangladesh – Kawlram ramri ah camp an tuah ih cu hman cu an tuah thawkpe fang a si. Pu Tial Khal ho Roenga le Lalsanga ih ho mi (13) cun Col. Tlung Lwe ih ho an va do tumnakah ramri an va thleng men mi a si, hmun khuar mi an nei man lo.

..# Pu No Than Kap le Pu Tial Khal homi CNF (origin) tiah CNF pawl hnih ah a rak then aw ta a si.

Simfiangnak:

ZORO le Pu Tial Khal komkhawm in CNF sungih buainak an tuah mi cu nasazet a si. Pu NTK le Pu Sang Hlun CNF hotupawl khal Mizoram ah um ngam nawn loin Manipur, Lamka lamah an tlanih umhmun an khuar. Pu Tial Khal hoin nehnak an ngah lo tikah Pu Tial Khal cun 1990 ah CLO party thar a din. Curuangah 1989 ah CNF party pahnih ah a phir lo, party a rak thenaw fawn lo, buainak lawng a um.

..# Pu Ro eng, Pu Lian No Thang le Aizawl um Chin miphun hrekkhat in Pu Tial Khal an tanpi.. Hi khal hi a dik thluh lo. Hitawk buai laiah Pu Lian No Thang cu CNF ah a um nawn lo ih zo lam hman tanpi mi a nei lo. August, 1989 ih India in CNF paisa a pek lai khalah Pu Lianno Thang cu CNF ah a um nawn lo. Himi paisa pek mi ruangih buainak khalah Pu Lianno Thang a tel ve lo.

5. Pu Ro Eng Thah Asinak

Pu Ttial Khal hruaimi CNF (Origin) in Pu Ro Eng hruaimi hna nih CNF tthen hnih ah aa cheunak he pehtlai in remnak ser dingah thlahmi ZORO in Pu Lal Sang he ikomh zau in India-Bangadesh ramri ah ralhruang an rak iser. Cu lio ahcun Pu No Than Kap hruaimi CNF cu Bangladesh ramri ah ralhruang iser in an rak um cang. Pu Ro Eng le Pu Lal Sang hruaimi hna nih Pu No Than Kap hruaimi CNF cu tuk ding le ramh dingah an rak fuh hna. Pu No Than Kap hruaimi CNF nih 1989 December 18 zanlei sang ah Pu Ro Eng le Pu Lal Sang hruaimi minung cu meithal zuun thum he an tlaih khawh hna i Sekenah ralhruang ah thong an rak thlak hna.

Pu Ro Eng tel in Pu Tluang Hre le Pu Lal Sang dah ti lo adang thongtla hna cu 1990 February 3 ah an dihlak in an rak thlah dih hna. Pu Lal Sang cu May 11 ah Mizoram ah an rak kuat nain India ram Parva an phanh ah May 12 ah a nunnak a rak liam. Pu Tluang Hre cu thong chung a um lio June 25 ah thi ttum zawtnak in a nunnak a rak liam ve. Pu Ro Eng tel in an pathum in thonginn in voi hnih tiangtiang an rak zaam nain an rak tlaih khawh tthan hna. Pu Ro Eng cu July thla dongh zarh ah avoi thumnak a rak zaam caah a cunglei nawlpeknak bangin 1990 kum August 5 ah thih dantat a rak tuar. Pu Ro Eng thih dantat kong he pehtlai in Pu No Than Kap nih khual ka tlawn kar asi i thih dantatnak a petu hi Pu Sang Hlun asi caah tleicia Pu Sang Hlun hi ttuanvo a ngeimi asi i keimah cungah ttuanvo zeihmanh a um lo tiah kum 2006 May 13 ah maivan cungin Pu No Than Kap nih cun Pu Val Thang he ikawp zau in ttuanvo an ngeihlonak kong fianternak ca an rak chuah. A ngaingai ahcun hi kong he pehtlai in ttuanvo a ngeibik cu CNF Hotu asimi Pu No Than Kap hrimhrim hi asi ko.

5. Pu Roenga thah tuarnak Thu

Simfiangnak:

Pu Roenga thihnak thu ah fiang zetin Pu NTK le CNF General Secretary Pu Val Thang in thusuah mi an neih zo ih simfiangbet ding a um lo. Roenga thihnak thu ah khalaiah Pu NTK cu mawhphurhnak neitubik a si, tiin an ti mi cu CNF lu bik Pu NTK a si ruangah, CNF sungih a cang mi zaten, amah ih order an si lo khalle, mawh a phur (moral responsibility) a nei, an tinak men a si.

A tlunih simfiangnak cu pakhat le pakhat hua aw thar sal le hmusual aw thar sal dingin ngan mi a si lo, a siartu mipi in “anmahten thudik hawl suak thei hai seh” tinak fang a si (The purpose of this paper is not to renew hatred or misunderstandings, its just to help the readers find the truth themselves).”

Source: www.riahbuk.com