Leitlun Music Band Hminthang Bik le Hlawhtling Bik 10

10. ABBA

ABBA cu Swedish band a siih a hmaisabik album cu 1972 ah an rak suah. An band sungih Fernando le Dancing queen tla cu ABBA band hminthang dingih hla ṭha zetzet tuah/phuahtubik an si. An nih cu disco asilole pop band tiih ruah an si. Kum hra sungah himi band hi nasaten a cangvai ih leitlun huap le bulpak hnenah album 381 copies an zuar suak. A cangvaihnak hi caan tawite sung ahcun nasatak a si. An band thluntu sungtel cu an karh sinsin ih US dollars million 300 man kiangkap tiang a karh. An paisa ngahnak bik hi an khualtlawnnak ih ngahmi laksawn (tribute tours), concerts, music rights le album zuarnakpawlin a si tiih zum a si.

9. QUEEN

Anih hi 1971 ih dinmi a siih pop le rock music band a si. United kimgdom hrambun band hin 66 million an zuarsuak. An hmaisabik album cu 1973 ah an rak suah ih cumi in US dollars million 200 tlun sumlut an ngah phah. Tui ni tiangin sum ngahnnak an tuah phah rero lai. An band ih sumpai ngahnak bik cu special concerts le tours in a siih record sales khalin a si ve thotho.

8. THE ROLLING STONES

An band hi an awthun mi copies tamtuk an zuarsuak ve ruangah himi list sungih tel tlak cu an si ve hrimhrim. An band an hlawhtlinnak bik cu an ‘lead singer’ Mick Jagger ruangah a si bik. Himi UK band cu ahleice in blues le rock, le an zuar tam bikmi hot rock compilation album a si. An nih cu 1962 ihsin an cangvai thawk ih 66 million albums lawng zuarsuak asi tiih nemhnget asinan 94 million albums hnakih tam zuarsuak a si. An sumpai ngahnak bik cu concerts le tour dates worldwide a si.

7. AEROSMITH

Mi tampi ih an band an theih phahnak cu an ‘lead singer’ Steven Tyler ruangah a si. An band cu 1970 ih dinmi asi ih albums tampi an suah. Cumi lakah Toy in the Attic timi album cu a ṭhabik tiih theihmi a si. Himi album hi United States ah album zuarsuak tambikmi a siih album 8 million copies hnakih tam zuarsuak a si.

6. AC/DC

AC/DC cu Australian band a siih 1973 ihsin cangvai thawk an si. Vawihnih khat cu AC/DC band ih an bass tumpa le drum tumpa hi midangin an sang ṭheu. Caan tam sawn ahcun an kimin an um. An album sungih an zuar khawngbikmi cu Back to Black timi a si. Tui ni tiangah million 108 an zuar suak zo ih cumi lakah 71 cu a dik a si tin an nemhnget (certified). An mah lakah Brian Johnson ih man cu 80 million dollars a si. An zatekawm ih an man cu $ 200 million lenglo a si.

5. PINK FLOYD

Himi Uk band cu 1965 ihsin 1996 lakah an cangvai. Himi kum sungah nasaten an lar ciamco ih million 100 hrawng an zuar suakih 74.5 lawng hi nemhngetmi a si. Betmi thaw cun $ 250 hrawng a si ding. Hrekkhat cun himi band cu an ziamral zo tin an rel. Ziang a va si hmanah leitlun music band hlawhlting le lar bik pahra sungih tel ding cu an phu ve hrimhrim. Pink Floyd band cun a hlan vekih lar sal an tum tithu tla cu a um ve ko.

4. THE EAGLES

An nih hi an hmaisabiknak cu 1971 tiih ruah a si. US ih a tarbik band (oldest band) an si. Kum kua (1971 ihsin 1980) sung cangvaihnak an nei, kum hlei-li sung an cawl. Cutin an ra kir salih an cangvai thawk sal. An album zuar khawmgbikmi tla cu ngaiawknak hla pawl an si. An album sungih hlapawl tla cu country rock le ngaiawknak hla nemtetepawl tla an si. An hotu cu Don Henly a si. Million 100 hrawng zuarsuak a si.  An paisa ngahmi (total earnings) hi $ 250 hrawng a si ding tiih zum a si.

3. LED ZEPPELIN

An album pawl tamtuk zuarsuak a si tiih nemhngetnak hin an band hi himi list sungih tel dingah a tuah phah. An nih cu kum hleihnih (1968 – 1980) sung lawng an cangvai. An album zuar khawngbikmi cu Led Zeppelin IV tin theih a si. Album 37 million copies zuar a si. Tui ni ahcun himi band in US dollars million 300 hnakih tam a ngah.

2. U2

Himi Irish band khal leitlun huap ah million zakhat hnakih tam a zuarsuaknakin himi list sungih tel dingin a hruai lut ve. An nih hi a dangdai venak cu studio album 12 lawng an tlangzarh. An rak hmaisabiknak cu 1976 ah a siih cumi ihsin a cangvai thawkmi an si. An man cu $838 million a si. Hitiih theih a theih nak cu 2002 ih UK Sunday times ihsin a si.

1.THE BEATLES

Himi band hi leitlunih a hlawhtlingbik pop le rock bands an si ticu rinhlelh ding um lo lawlaw a si. 1960 ihsin 1970 sungah nasaten cangvaihnak an nei. An nih cu albums million 6000 lenglo an zuarsuak, 250 cu nemhnget (certified) a si. An zuarkhawngbikmi album cu white album tiih theih a siih million 20 copies hnakih tam zuarsuak a si. An sungtel cu: Paul le Ringo lawng an tan. Thluntu sungtel an tam zetih $ 1billion man hrawng a si ding tiih ruah a si. Curuangah an mah hnakih copies tam zuarmi band an um hrih lo, curuangah an band cu a pakhatnak ih a um theinak a si.

Source: Daily Entertainment