Thubuai Remdaihnak

Thubuai Remdaihnak

American mipi tampi ih to dingmi vanzam cu thuhla a phunphun ruangah a tikcu ah feh theilo in a um. Bulpak khualtlawng duh pawl cu cui thuhla ruangah bulpak agent hnenah fehin ticket ngah dingah a tlarin a sangsang ten dingin reipi an hngak.

Rinlopin mipi lak ihsin mipakhat cu a thinheng zetin mipi cu a run pah ciamco ih cabuai parah a ticket cu a kut thawn kai tahratin ringpin a bengih “Kei cu hi vanzamih zam ding ka si ih hmaisabik ka si a ṭul.

Agent cun hitin a let sal, “sayapa, ka riah a se zet. Nangmah lo bawm ding cu ka duh zetmi a si ko, asinan hi mipipawl hi ka tuahsak hmaisat a ṭul. Cumi ṭheh veten pakhat khat ka lo tuahsuak sak tengteng ding.”

Cupa cu a lung a kim thei lo. A kiangkap minungpawlih theih thluh dingin le tiaw thei zetin ringpin, “Ziangvek minung ka si ih zo ka si ti in thei maw?” Ti’n a au.

Agent cu a hni ih hmaisawng lo ten mipi theihthluh theimi microphone cu a la ve ih “Zangfahten ka thuthanmi in ngaihsak hramuh, hitawk Gate 14 ah AMAH LE MAH ZO KA SI TI HMAN THEIAWLOTU” a um ih zangfahten zo a si ti a sim theitu

nan um pang asile hitawk Gate 14 ah ra dingin zangfah kan lo dil” a aw cu fiang ruahroin cui vanzam hngaktu mipi hmuahhmuah in an thei thluh.

Vanzam ticket hngaktu mipi hmuahhmuah cu an hnih a suak zetih hrekkhat cu nasaten an hni rero, cupa cu a thin a heng tukih United Airlines agent cu ti hrekhrekin a zoh hnuah, Mi-Hlo-Thlau…

Agent cu dungsip loin hni siamso phah ten hitin a sim sal, sayapa ka riah a se zet, ziangkhale mipi dangpawl vekin a tlarih na va din ve thotho cu a ṭul ko.

Thubuai timi cu khuihmun kan thlen khalih kan tawn ringringmi a si ruangah a thu thawi milin kan rem thiam a thupi.

Source: Knowldge Publisher