Tlangpar Thuanthu – Nun Thuanthu

Tlangpar Thuanthu – Nun Thuanthu

Apa cun a fapa te cu a hruai-ih tlangpar lam cu an pan vivo

Rinlopin a fapa te cu a bah, a khawnawk ruangah: “AAAAAAAAA” ti’n a au.

Cuihnuah tlang lak ihsin aw pakhat: “AAAhhhhhhhhh!” tiih au aw-khawk a thei.

Cui thil cu mak a ti tuk ruangah: “Zo si na si?” ti’n a au sal.

Cule: “Zo si na si?” tiih au thawm a thei lala.

Cutin tlang cu: “Ka lo upat a si” ti’n a auh.

Cui’ aw cun “ka lo upat a si” ti’n a rak let ve.

A thin a heng zet thlang ruangah: “Ṭihhrut” ti’n a auh sal.

A theihsalmi cu: “Ṭihhrut” ti a si lala.

A pa cu a hun zoh thlangih ka pa: “Ziang thil a cang?” ti’n a hun sut.

A pa cun a hnihsanih hitin a sim: “Ka fa, ṭhaten ngai aw.”

“Nang cu nehtu na si” ti’n a au sal

Cui aw cun: “Nang cu nehtu na si” a ti lala.

A fapa te cu a mang a bang zet ih ziang a si ti a theithiam hrih cuang lo.

Cutin a pa cun hitin a simfiang: “Ka fapa, minung pawlih Aw-khawk (ECHO) an timi cu hihi a si, asinan a taktak ahcun Nun timi a rak si sawn. Na tuahmi ziangkim hi na hnenah a ra sal ding. Leitlunah Duhdawtnak timi lengseh ti na duh ahcun na thinlung sungah duhdawtnak tampin cing aw.

Na Insang, Na kawhhran, Na Pawlkawm, Na Ram le na Miphun ṭhansohter na duh ahcun nangmah kha ṭhangso dingin zuam hmaisa aw. Hi pehtlaihawknak hi ziangkimah a si. Na nunah na peksuahmi vekin na hnenah an ra kir sal ding.

Thuanthu ihsin Ziaza ṭha “Nun timi cu bangawknak a si lo, na hnenih a ra cuangkir sal dingmi a si”

Nunakah beidawng lo dingih lo bawmtheitu a si pangah tiah hithupawl malte tarlang bet a si.

     1.     Ruahsannak lawngin thil a cangsuak ter dah lo, cangvaihnak le ṭuannakin thil ropi a sersuak. Nangmah le nangmah mithupi le manneizetmi si dingah ruahsannak lawng neiloin, nangmahte nangmahah manneimi si dingin tuah aw aw.

     2.     Tidai fawr khat te cu tilipi ih a tlak tikah ziangsinak hman a nei lo, asinan ba-hnah parteih a tlak ahcun a mawi zetmi lungmankhung vekin a var.

   

     3.     Ṭumsuk hi sunnak a si lo, sunnak hi thawhsalnak hrangih tikcu ṭha sawn a si.

     4.     Lawng cu tipi ah himnak a si ringring nan himi hrangih tuahmi a si lo.

    Source: Knowledge Publisher