De Gea in Real Madrid A Zawm Man Lo
Ral Madrid le Manchester United cu Spanish khawlkil
De Gea hrangah £29m in an lungkim zo nan ca pawimawh (document) cu tikcu khel
(transfer deadline) khel ih an ti fel man lo ruangah De Gea cu Real Madrid a
feh thei nawn lo ding tin BBC cun a sim.
English Premier League ahcun September ni 1 hi
lektupawl fehlutnak khar a si ih Fracne, Italy, Germany le Spain ahcun June 1
ihsin August 31 tiang lawng awn a si. BPL ahcun July ni 1 ihsin September ni 1
tiang lawng a si thung.
Ngaingai cun mizan ahkhan ziangkim tifel thuh ding
asinan De Gea ih thuhla ah zianghman an tifel man lo tikah duh khal le duhlo
khalle De Gea cu Man Chester United ih a um hrih phawt cu a tul ko.
Spain lam report cun hivek ih thil a can hi
Manchester United pawlih cangvaih tlai tuk ruangah a si tin a mawhthluk deuh
nan United pawl cun caan khelin diktakih thu an rak thunluh thupawl a sim ve.
Hithuthhawn pehparin Real Madrid hin FIFA lam zual a ko ding maw ticu theihfel
a si lo.
0 comments:
Post a Comment