KA PA NIH IN PAWNGSUAL - JOYCE MEYER (True Story)

Leitlun Pumpi Pathian Rawngbawltu Hmingthang Zet " JOYCE MEYER " Hringnun Harsa cu !!!!!!!

By: Thangte Da Bluez

Hi Leitlun ah vei khat suah ve man ah, duhdawt tu ngai leh ngaihsaktu ngai nei lo ih can ka hman ve hi cu har ka ti thei ve zet !!

Ka pa hi Ralkap pension a si ih, Ralkap(Daan) thu hnuai ih can tam sawn hmang țheu a si ruangah ziangkim ah a thu a rorum in, a pá luarkai tuk rori !! Cu mi rori cu "Kei ka hrang cu, ka nun siatsuahtu leh mangsia in thlentu ah a cang ta riai Aww !!

Ka pa hi "Zu ta-ma" (alcoholic) an ti phun a si ih, zu a rit hnuhnu cun a țihnung um thei tuk..Ka pa zu a ri ih, a thinheng hnuhnu cun ka nu khal nih ziang tin hman a biak ngam dah lo mi a si. Ka pa zu rit loh can ti veik ah ka nu cun țih cing ten nun a sim..a kawk ve țheu ko nan, ka nu le pa karlak hi cu "phun-awknak" leh "To awknak" hlir in tikcu an hmang ring2 a si bik..!!

"Ka Pa ...Ka duh lo !!"

Nikhat cu, an dan kel ten ka pa cu ka nu thawn an to-aw ciam lala ih; ka pa cun lenhlo san a duh...keimah in sawm suak ve ih..na duhduh ka lo lei sak thluh ding tin in lem..!

Ka pa cun kan taxi cu a mawngsuak cih ih,kei khal ziang dang ruat lo in ka pa'i motor sung ah cun hnangam ten ka to ve mai. Cu lai ah nauhak țhang duh zet kum 12 mi, tleirawl te lawng ka si lai...

Cu tin cun, ka Pa cun ka duh leh ngainat zawn ei ding ziang2 si maw in lei sak hnu khua a thim zik thlang ti ah ,Zu zuar nak hmun pakhat ah in luh pi ih ka pa cu Zu an in ciam a si mai !!

Kei cun "Pa,kan tlung thlang pei..ka tlung duh tuk zo" ti'n vei hleinga lai ka ngen hnu ah in tlunpi ve hram ih, khua le a thim zo fawn..kan khaw leng deuh minung zo um lonak ah cun a motor ti ding in ;Motor dunglam passenger seat ah to ding in in sim !!! kei khal le mai pa thu ti ah ziang dang ruat lo in back seat lam ah cun ka va to ve mai..

Ka pa cu driver seat sin cu a hawngsuak hnu ah a dunglam ka to nak back seat sangka cu ong in a rawng lut ih...kei le mai pa le kiang ih um ti ah ziang dang țih khal ka rak nei cuang lo...

"Ka nun ih thilthleng Rathlak bik cu !!"

Ka pa cu back seat ih a rawng luh ve ten, " Au hlah !! na au a si pang cun ka lo rekthat ding tin in vau phah in ka silhfen pawl cu in hlih sak cih thlang !!

"Ziang saw..Ka pa !! Ka pa !!...Ka duh lo....Ka pa ka duh lo..!!" ti'n thinphang mangbang in ka au ih, ka pa nih cu ka awr/hngawng ah in rek ciam tik ah ziang ka au awn ngam nawn lo !! Ka nauhak tet lai sin ka pa'i zuri țihnung dan le ka rak thei zo fawn...ziang dang tuah ngam ka nei nawn lo...Cu ti cu,kei a fanu fala zik thawk fang cu zangfah nak pakhat hman tel riai lo in in pawngsual thlang !! "A na ka ti in, har ka ti tuk lawng si lo in, ka ningzak tuk fawn..ka ningná tuk thawn au ngam nawn lo in ka tuar...ka au pang cu...ka pa nih in rekthat ngai2 ka zum thawn...!!

Ka pa cun a duhtawk a ngah hnu cun, kei cu 'thi le thlan' mitthli leh thinphang ninghang nak pawl thawn ka khat thluh a si bik...

Vanțhat ka ti ding maw...Police motor pakhat cu kan kiangnai ah misual leh Drug zuar pawl hawl/kil hnatuan (duty) kha a ra ngel cel ih,'Ka pa cu, an kai ve rori ding a si hi ti'n ka ruat zo, ka pa cu ka hua tuk ,a fih in ka fih zo !!...An kai a si cun Thawnginn ah kum reipi a tla ding ti tiang ka ruat...Ka pa cu, police pawl cun kai in khai-that rori ko ding tiang ka duh zet..

Cu ti cun Police lak ih an officer pakhat si awm leh leh midang pakhat cun kan umnak motor lam an ra pan rero lai cun,ka pa cun, 'Ka tlangval a si tin ti aw..cu tin na sim lo ih, ziang si maw buainak kan tawn pang cun,ka lo that ding si mai...na thei maw!!' tin in sim. Kei leh ka pa țih tuk ah 'Aw..kapa' tin ka ti. Ka pa cun, ka lo sim mi cu na thei fiang tak tak ko ti...? ti'n au hrohrang na zet in in sut bet !!

Kei a fanu thinna leh țih khur hlukhlo zo cun, aw-khur derdo cing ten; 'Aw..ka pa..ka thei si' tin... Ka pa khal cu...A țha tin!

Ka pa cun ka samțawn nak cu a dir thlak ih, a duhsan cu Police pawl nih ka hmel nauhak tuk an hmuh lo nak hrang a si.

Police pa cu kan motor kiang a ra thleng..kan motor sangka thlalang cu rawng king ...Ka pa khal cun motor sangka cu ong in fel hmel zet in, "Ziang si cang ka Pu ?" tin a rak sut hmaisa..

Police pa khal cun, Mi hawl kan nei ih, hi kiangkap hrawngah mi hmuh nan nei maw ? tin ka pa cu an sut ve cih...Ka pa cun, cu vek mi hmuh kan nen lo tin a si nan, Police pa cun ka pa hnen ah 'nan motor kan check ding so khaw' tin a sim...ka pa khal cun...'check uh..check uh, tin a ti ve mai..

Cu lai fangah ka pa in pawngsual thu cu Police pawl hnen ah thuhla ka sim ding maw si awwww..tin ka ruat rero nan, nehhnu ah ka pa nih in that duh ngai2 ding tin ka ruah tik ah ziang țong suak ngam lo ten ka um...

Police pa cun Motor sangka sin in hmuh dan ah a ngaih țha lo si ding.."Zo si..hi mi cu ?" tin a ti..ka pa cun ka fala nu a si kha tin a sim, Ralkap duty cawl tlung lai ka si ih, Hi ka fala nu thawn kan date aw in, kan rak tawm ve lawk a si..tin a hei sim ciam..Police pa cun, ka lam rahawi in "Ka pi..na țha maw ?" tin in sut..keikhal cun Police pal lam hawi lo cun..ka pa țih ah "Kan țha ko so khaw" tin ka ti ve mai !!

Cu ti cun, Police pa khal cun kan ti pang a si..kan lo ti buai pang ih poi kan ti zet...tin a ti hnu ah kei mangbang vangsan țih ih khur rero cu in tlansan sal mai a si. Cu ti cun inn lam pan in ka tlung ih ka pa cun Music ring zet ih play phah in maksak zet ih hni phah cinginin, "Nute, thinhar duh hlah maw...na duhduh ka lo lei sak ding so khaw...tin in lem ciam phah in; na nu hnen na sim pang a si cun na ol lo zet ding tin in hro ciam bet.

Cuih zan cu zankhua in it that thei lo, harsa leh nâ tuar in ka țap ih, ka thin ńa tuk lawng si lo in, ka ningzak tuk fawn...Mah le mah tiang thah awk tiang ka tum zuakzo a si.

Cuih zan hnu cun, ka pa hin tikcu remcang piang ah in it-pi ring2 ih kum 16 ka si tiang cun in pawngsual in ; in ih-pi ring2 țheu a si !!

Ka nun hi harsa ka ti zet ih, ka nu khal cun ka pa thawn kan thu thei in, in run le bawm hnak in; kei mai nun thiam loh le duh ruangih thil thleng ah puh thinlung thawn in kawk bet sin sin fawn !! Ziang khal kei mah run ih thil tawlrel bawm in tum lo riai !! Ka nun hi a bangthlak in a harsa zet a si...Cu vek dinhmun thawn cu school khal kai phah bet vivo nan, Sungkua background țha lio ti ah High school khal ka țheh suak thei lo a si.

Kum 17 ka si cun, kan inn sin ka tlansuak ih hna a rem rem keh ka hmuh2 țuan in ka nun ka hmang ve thawk hnu ah, Kum 18 ka kim kum ah ziang ruahnak khal nei lemlo in in duhdawt ve zet ih ka ruah mi cu pasal ah ka nei ve, fa pakhat kan nei ve man..A si nan, ka pasal cu criminal misual thil rukhmang misual rak si in..kum hnih kan neih aw hnu ah kan țhen aw sal a si. Ka pasal cu Mi motor a ruk ruangah (Jail) thawng a tla a si.

Mi vanduai,mangbang țhatnak neilo ka si vekin, ka lungruh zet ih, midang ziang ruat lo riai ih ka nun hi mah duhzawng hrang rori hman ka tum thawk zo a si..

Kan nung beidawng tuk hin, veikhat cu Pathian hnen ah thla ka cam ve ih,Bible khal siar in lungawinak leh hnangam nak hmuh tum in ka hawl ve ciam a si. Cu ti cun, Pathian nih Pasal țha zet Davida in pek ih, a ni hin in duhdawt zet in thil tampi in zirh/sim ih ka țhastpi zet a si..ka pasal hi Christian a zet a si fawn. TU NI AHCUN A THU THANGȚHA PHUANG SUAK DIN IN, PATHIAN NIH IN HRIL/THLANG SUAK ZO !!

Ka pa in pawngsual tu hi ka ngaidam thei dah cuang lo ih, a sinan veikhat cu Pathian thunung ka thinlung ah rawng lut in,"Na pa hi na ngaidam thei lo a si le..Jesuh khal nih a lo ngaidam thei lo ding" ti hin in nuai ciam ih...Ka pa ka ngaidam thu ka phuang suak thlang !!!

Cu tin cun, Pathian ni rawngbawlnak sunlawi zet canvo in pek phah a si.Pathian cun kan nupa hmangin Leitlun pum a thuthang rawngbawl sunlawi zet nak in pek ih tu ni tiang a hna kan țuan lai/vivo a si.

Kum 40 ka si hnu ah , ka pa cu ka ngaidam zo thu ka sim ih, an cak lo (tar zo) ruangah ka nu thawn an umnak ding inn țha zet ka lei sak ih,an mah tuamhlawm tu ding tiang ka lak sak a si.

Ka pa khal nih leng ah in sawm ih, a veikhat nak hrang in rak pawngsual țheu ruang ah ngaidam ding in a țongsuak ve !!

Kei cun, "Ka pa, ka lo ngaidam zo so khaw..Jesuh khal nih a lo ngaidam zo" tin ka sim.Ka pa cun pianthar a duh thun in sim ih,Ka pa tla thinlung kekkuai in a piangthar ve ih , kei mah rori nih ka baptized a si. ka pa ka baptized hnu zarhthum nak ah ka pa cun in tan(thihsan) a si.

A Va Ropi Emm !!

Joyce Meyer cun, Ka pa nih in rak pawngsual lo si bang sehla, "Joyce Meyer Ministries" hi kan dinsuah thei lo men thei a si. In rak pawngsual ih ka par ih, hi vek thil rapthlak a thennak san hi ka thei fiang ngah zo...Pathian hnen ah lungawi thu ka sim a si.

Tu ahcun keimah vek ih rak tuar ve dah mangbang thinhar pawl ka bawm thei zo ruangah, Thil ziangkim kan parih ra thleng hi Pathian remruat ah ka ret/pawm thei zo a si !!

Kan par ih mangbang vansan nak ra thlen pawl hi, Pathian remruat nak tin kan pawm thei cio maw ti cu....Siar tu ruah daan cio si bik thlang !