Nun Cau le Beidawngin Na Um Pang Maw?

Nun Cau le Beidawngin Na Um Pang Maw?

Elijah, "Thingpi hnuai ah a cawl ih a to; thih a duh sawn. ‘Bawipa, tawk thlang seh, ka zuam nawn lo. Ka nunnak hi run la aw" (1 Siang. 1:4).

Solomon, "Curuangah nunnak hi ka hua, ziangahtile vanhnuai ih thil hmuahhmuah cu riahsiatnak thleng tertu men an si” (Thusim. 2:17).

Jonah, "Cule ni in Jonah lu a em ruangah Jonah cu a lung a mit ih a sawn cuahco. Jonah cun thih a dil ih, ‘Nun hnakin thih ka duh sawn,’ tiah a ti” (Jonah 4:8)

Paul khal harsatnak nasatuk a tuarih nung ding hman ruahsannak nei nawnlo khawpin harsatnak a tuar (2 Kor. 1:8).

Asinan Solomon cun, “Pathian ṭihzah awla a daan thlun aw. Pathian in milai a tuahnaksan cu himi hrangah a si” (Thusimtu 12:13) timi a zir suak. Elijah khal vancungmi in a rung tuamhlawm, rawl a pek ih, thazang cahnak khal a pe sal (1 Siang. 19:5-9). Jonah khal midang zangfahtheinak ding Pathian in a zirh. Paul khal Pathian thiltitheinak a hmu suak sawn (2 Korin. 1:9)

Nang khal tui na harsatnak le beidawngnak ihsin Pathian in ziangmi a lo zirh? Ziangtheihter a lo duh ih ziang a lo hmuh duh si pei? Ruat aw, a lak cu a si hrimhrim lo ding. Duhsan nei loin Pathian in kan parah zianghman a thlenter lo. Pathian ih lo zirh duhmi hmuhsuak tum aw! Thlacam awla sut aw, Bawipa ziang in zirh duh tiah! Pathian in a thuthup khal a lo sim ding. “I ko awla ka lo let ding. Na theih lomi thil khawruahhar le mangbangza ka lo sim ding” (Jeremiah 33:3). Beidawnnak in na nun lo neh hlah seh! Pathian ih duhdawtnak le zangfahnak thawngin harsatnak le beidawnnak neh sawn ding kan si! Pathian in a thuthup lo simin lo thlawsuah seh!

Ting Hlei Thang