Pathian Hnamthlan Judah Miphun le Leitlun Thlirnak

Thuhmaihruai

Ka nauhak laiah “Judah pawl hin thla 6 sung an hnaṭuan cawlhsan thluh sehla cu leitlunpi in rawl ei ding kan harsat phah ding” tiah in rak sim ṭheu. Pathian ih hnamthlan a si ticu ka thei tuk nan a cang thei pei maw tiih ka ruat caan a tam. A can thei le thei lo cu thukhat va si ko sehla ca ka siar thei cin ihsin Judah pawl thu kan siarmi le Pathian ih a thlawsuahdanpawl tla ka hmuh tikah mangbangza ngai cu a si ko.

Leitlunah Judah miphunpawl hi Million 14 hrawng an um ih America ah million 7, Asia ah million 5, Europe ah million 2, Africa ah ting khat hrawng an um. leitlun ih thluak (IQ) ṭha/sang bik, IQ 250-300 ih thluak ṭha le sâng neitu “James Sidis” cu Judah mi a rak si. Judah miphun sungin a liam zo mi kum 105 ihsin “Nobel Prize” dawngtu 15 an rak um zo. leitlun ih Nobel Prize dawngtu 100 ah 90 hi Judah cithlah an rak si. (JUDAH, MUSLIM & KRISTIAN khaikhinnak by B. Lallianthang)

Social

Tui kan san, santhar san ah leitlun mipi ih kan hmanbikmi le kan duh bikmi Facebook, Google, Viber, le Whatapp pawl tla cu Judah pawlih tuahmi lawnglawng a rak si ṭheh. “Facebook” tuahtu hi kan theih cia zo bangin “Mark Zuckerberg” a siih a nulepa hi Judah miphun an siih American ih suak a si. “Viber” tuahtu hi “Talmon Marco” a siih a nulepa Judah mi an siih Israel ih suak a si. “Google” hmusuaktu “Sergey Brin” hi a nulepa Judah mi a siih Russia ih suak a si. “Larry Page” khal “Google” hmusuaktu a si ih a pa cu American mi a siih a nu cu Judah mi a si, amah cu American suak a si. “Whatapp” tuahtu “Jan Koum” khal a nulepa hi Judah miphun an siih Ukraine ih suak a si.

Media

ESPN TV awthlahnak neitu “Bob Iger”.

CNN news neitu khal “Jeff Zucker”.

CBS tv Channel neitu lubik khal Leslie Moonves a si.

New York Times Journal innpi neitu khal “Ochs Sulzberger”.

NBC neitu khal “Brian Roberts”.

Daily News Journal neitu khal “Mortimer Zuckerman”.

ABC media neitu khal “Bob Iger” a siih a tlunih tarlangmi zanten Judah pawl lawnglawng an si thluh.

(Na thei cia ko lo maw, Judah mihlir an si)

Politics

American rampi ih thuneihtu sangbik (Supreme Court) cu John Robert in a hoha. 

Robert Court ti khalin an ko. Himi thuneitu lubik (Supreme Court) ah mi 9 an um ih mi 3 cu Judah miphun an si. Cupawl cu: Elena Kagan, Stephen Breyer, le Ruth Bader Ginsburg pawl tla an si. A dang leitlun theihbancin ih Judah mi Politicians pawl tla cu:

Henry Kissinger cun (American Secretary of State) a ṭuan.

Alan Greenspan khalin (Clinton le Bush thawn Fed chairman) a ṭuan.

Joseph Lieberman cu (US Senator) rori a si.

Madeleine ALbright khal (American Secretary of State) a si ve.

Casper Weinbeger cun (American Secretary of Defense) a ṭuan.

Maxin Litvinov khalin (USSR foreign Minister) a ṭuan.

David Marshal cu (Singapore chief Minister) hmaisabik a si.

Issac Isaacs khal (Australia governor-general) a si.

Benjamin Disrael asile (Britist ramih canganthiam hminthang, thu le hla thiam miropi a si).

Yevgeny Primakov khal le (Russian PM) rori a si ve.

Barry Goldwater asile (US Senator) bak a si.

Jorge Sampaio cun (Portugal President) a ṭuan.

John Deutsch cu (CIA director) a si.

Herb Gray khalin (Canadian Deputy PM) a ṭuan.

Pierre Mendes cun (French PM)a ṭuan.

Michael Haward cu (British Home Secretary) a si.

Bruno Kreisky cun (Australia Chancellor) a ṭuan .

Robert Rubin khal (American Secretary of Treasury) a si.

Sivai

“Benjamin Rubin” cu sidawhnak ṭhimte (Vaccine) a hmusuaktu a si. “Jonas Salk” cun Polio Vaccine a tuah hmaisabik ih Albert Sabin in a sunzawm. “Gertrude Elion” cun leukemia donak si a hmusuak. “Boruch Blumberg” cun Hepatitis B Vaccine a tuahsuak. “Paul Ehrlich” cun Syphilis si a hmusuak lala. Leitlun pum huap ih thil ropi hmusuaktupawl cu: “Aaron Pincus” ti mi in (cognitive therapy), “Gregory Pincus”  ti mi cun (fa phihnak si), “William Colf”  ti mi khalin (kidney dialysis machine), tla hi an tuahsuak thei.

Nitin Hmanmi

“Stanley Mezor” ti mi in (micro-processing chip) a hmusuak. “Leo Szilard”  khalin (nuclear chain reactor) a tuah. “Peter Schultz” in (optical fibre cable) a tuah. “Charles Adler” cun (traffic light)a hmusuak. “Benno Strauss”  in (Stainless Steel) a tuahsuak. “Isador Kisse”  khalin (Sound Movies) a tuah. “Emile Berline” cun (telephone microphone) a hmusuak. “Charles Ginsberg”  khalin (video tape recorder) a tuahsuak.

Sumdawnnak

Leitlunpum huap mi hmuahhmuah tthatnak ding hrangih sumdawnnak hmusuaktu mihminthang 9 tla cu Judah-mi thotho an rak si.

Cuihsin, leitlun thuanthu ih um dah kel lo mi, midang hrang tthatnak ding ih tangka thawh tambik cu, Judah-pa George Soros a si ih $ billion 4 tiang a thawh. Tangka hi leitlun pumhuap Scientist-pawl le University-pawl bawmnak ah an hmang. A pahnihnak ih thawhtambik khal Judah pacang, Walter Annenberg a si ih, $billion 2 rori a thawh ve.

Leitlun huap Company hminthang Polo, Gap, le Calvin Klein tipawl tla cu anmah Judah milianpawlih ta an si. Leiltun Billionaire minung 20 lakah 6 cu Judah mi an si.

Lehpannak

Leknak lam asile, Olympic Gold Medal 7 rori awrhtheitu Mark Sputz le gold medal 3 dawngtu LennyKreysel si seh Tenis thawithiam Boris Becker tipawl khal hi Judah thotho an si. Kan theih lar zetmi Manchester United le Chelsea neitupawl khal Judah pawl thotho an si.

-         Chelsea Football Club neitu Roman Abramovich (A nulepa Judah an siih Russia suak a si)

-         Manchester United  neitu asilole Co-chairman – Avram Glazer

-         Aston Villa FC – Official ih neitu ngaingai cu “Randy Lerner

-         Tottenham Hotspur hotu – Daniel Lavey

-         Bayern Munich FC rak dintu “Franz John”

Hollywood

Leitlun lemcannak lam khal hi Judah pawl kut sungah a um thluh. Hollywood ah a thupibik “Film Studios” 12 a umih cui 12 ah neitu 25 an um. Cui neitu 25 lakah 21 cu Judah pawl an si. 84% cu Judah pawl ta a si. Judahpawl ih Hollywood zuknung Companu neihmipawl tla cu:

Warner Bros Pictures – Albert Warner, Jack Warner

Walt Disney Studios – Michael Dammann Eisner

Universal Studios Entertainment – Ronald Meyer

Columbia Pictures – Harry Cohn (a dintu)

Paramount Pictures – Brad Grey

20^th Century Fox – William Fox (a dintu)

DreamWorks Studios – Steven Spielberg

The Weinstein Company – Bob Winstein, Harvey Weinstein

Ralthuam

American ih Iran le Afghanistan ral a do lai ih an hman tambikmi khal kha Judah/Israel pawlih tuahsuakmi thotho a si. Israel pawlih hmuhsuakmi ral thilripawl tla cu:

-         Nuclear Bomb (Einstein a siih Einstein cu Judah mi German suak a si)

-         Mawngtu neilo Vanzam (Unmanned Aerial Vehicles)

-         Meithal ih hlenlo mikap thei mawṭaw (Reactive Armor)

-         B300/SMAW Bunker – Busting Missile

-         Towed Assault Bridge

-         Kfir bomb thlaktu vanzam

-         Babriel missile (midang lawngih mi an kap vetei amahte rak kap theicih vetu Missile)

-         Mi dotu vanzam sungih Oxygen ummi a mawngtupawlih khummi lukhum (Joint Helmet Mounted Cueing System)

Thunetnak

Ziangruangah Pathian in hitluk lawmam in a miphun Israel pawl cu mimalte si hman sehla thlawsuah maktara a pek! Kan Bible ih Thuthlung HLun cu Israel pawl thu lawnglawng a si. Zisu khal Judah miphun sung ihsin minung ah a rung cang. A liamciami BCE 2000 hrawngah Judah pawlih Pu, Abraham cu Pathian duhtukmi, Pathian ṭihzahtukmi a rak siih a biakmi Pathian in na tesinfapawl thlawsuah ka pe ding a ti ruangah tuini tiang danglamdahlo Pathian cu Abraham tesinfapawl cu tuini tiangah hmuh theih in thlawsuah a vur rero.

“Cuticun Khrih Zisu ih zarah Pathian in Abraham hnenih a tiammi thlawsuah cu Zentail mi in an conak dingah le zuamnak thawngin Pathian ih tiamciami Thlarau kan conak dingah a si” (Galati 3:14).

Pathian hrangih kan rinumnak, kan felnak, ka tuarnak, le kan diknakpawl hi a lak hrimhrim lo ding. Kan tesinfa hrang thlawsuah maktara an si leh ding. Abraham bangin Pathian hrangah a net tiang rinumten um zuam vivo hram aw!

Source:

JUDAH, MUSLIM & KRISTIAN khaikhinnak by B. Lallianthang

က်မ္းစကား သက္ေသ