November ni 8 ih hrilthlinmi, USA President thar
Donald J. Trump ih nun lamtluan ihsin cawn tlak le zohṭhimtlakmi tete thawn
thazang kan la tlang pei uh! Cawn tlak le zoh ṭhimtlakmi tla cu:
Ruahsannak
Sangpi Thawn Zumawknak A Nei
Trump hi a hmaisabik President ka zuam ding tiih a
tlangthan laiah mi tampi in an hnih san. Asinan cui miih hnihsannak le
zohniamnakpawl cu ngaihsak duh loin ruahsannak sang zet le zumawknak thawn a
tumtahmi lawng a zoh. Cutin President hrang Republican zuamawknakah a telih a
neh thluh, a ne tabikah Democratic lamih cakbik thawn an zuam aw ih a neh lala.
Tu ahcun zohmanin an hnihsan ngam nawn lo.
Mipi asilole na kiangkappawlin ziangtin an lo hmu
timi kha a thupi bik lo, na tumtahmi hlen suak ding le mah le mah zumawknak na
neih ding lawng kha a thu pi bik.
Biaknak/Kawhhran
ih Thazang A Thei
USA ih President cuhtu tampi in Kawhhran ih thazang
an thei lo. Curuangah Khristian-pawlih vote tampi cu an sungral ṭheu. Asinan
Trump cu Biaknak/Kawhhran cu thazang ah la thiamin, kei cu Pathian le Bible duh
tukmi ka si, Presbyterian ka si bangin biakinn khal pelhloten ka feh ringring
tin a sim leuhleuh. Cumi ruangah Khristian tampi cu Trump parah kan mit a fu a
si kha!
Zovek ramthukhel thiam khalin Biaknak hi a ngaihthah
ahcun a hrang thazang a der thei. Kawhhran hruaitu le upa tla cun Kawhhran ih
thazang kan theih ih kan hman thiam a thupi sinsin.
A
Fiangfelmi Sunmang A Nei
Trump cu a sunmang le tumtahpawl fiang zetin a
simrel ṭheu tikah mi tampi cun mi aa, duhduh ih tlok tin an sim. Khatlam
zawngih kan sim asile a thluak sungah thuthup a ret lo. Cucu ramthukhel hrang
ahcun a ṭha maw ṭhalo timi thusuhnak a um thei. Cucu thukhat va si ko sehla,
zumtui hrang ahcun kan tumtah le sunmang cu fiangfel le thianghlim a si a ṭul
hrimhrim. Thuthup sim ngamlo le relngamlo mi sunmang neih cu Kahwhran hruaitu
le zumtu ih kan hrial dingmi an si.
Ṭihnak
Kha Rualpi Ah A Hmang
Trump cu ramthukhel thiam zet, mawi zetih ṭong thiam
le cangvaithiam tu tla a si lo. Hrinhronak le ngainepnak tampi khal a tuar.
Hillary thawi thucuhnak an tuah lai khalah a cawng/ṭih tuk deuh a bang tin mi
tampi in an soisel. Asinan cui ṭihnakpawl ruangah umngaihnak thei lo le
zohmawilo in a um dah lo, ṭihnak kha rualpi vekah hmang sawn tahratin rualpi
vekin nem ten a kai. Curuangah ṭih cing khalin a duhmi fiangfel ten a rel a sim
suak thei.
Minung kan nunah ṭihnakin tuletu in zel. Asinan zianghman
ṭihmi nei lo hnakin ṭih cingih a tuahsuak ngampawl khi mi ralṭha an si sawn ṭheu.
Na nunih ṭihnak a ra thlen tikah ral vekin rak zoh loin rualpi vekin rak kawm
thiam tum aw. Cule ziangkim thu felfai na ruat thei dingih a dikmi thuṭhencatnak
na tuah lohli thei ding.
A Sualnak A Thupral Tum Lo
Trump cu hlanih a thil rak tuahsualmi le a ti sualmi parah, ka ti sual, ka tuah sual tin a ti sualmi parah ngaithiam dil a hmang. A tuah sualmi le ti sualmi cu a thupral tum lo. Minung zaten thil tuahsual dah lo kan umlo men ding. Kan thil tuahsualmi parah Pathian hmai le minung hmaiah ngaithiam dilin a dikmi lamzin zawh ding a thupi.
Source: Christian Today, christiansinpublicservice, christianpost
0 comments:
Post a Comment