Chicago, Illinois ih New Birth Christian Center Church dintu
Pastor Robbie Wilkerson cu nauhak farah rethei rawleinak hrang sumpai bumawknak
ruangah thla 37 sung thawng thlak dingih daantat a si. A nupi, Tasha Wilkerson
khal thla 12 le nikhat thnawng thlak dingih daantat a si ve.
Chicago Sun Times ih sim dan
vek asile, Pastor Wilkerson cu himi thubuai ruangah $440,964 pe sal dingih
cawhkuan pek a siih a nupi khal $40,001 cawh kuan ter a si ve. Kawhhran in
tlawngkai nauhak retheipawl bawmnak ah tin an ei-in hrang tirawl bawmnak nei
dingin an rel. 2010 laiah nauhak farahpawl hrang rawl 267,000 bawm ding tiih
relcatmi kha 100,000 hnakih mal lawng bawmnak a feh. Wilkerson khalin
thuṭhennak zungah $714,000 hrawng a hmanral thu cu a phuangaw.
NBC ih simdan vek asile, 2010
laiah Downers Grove ih Pastor Anthony Hall (50) khal tui thubuai vek thotho ah
kum 5 sung thawng thlak ding le $40,001 cawhkuan pe dingih daantat a rak si ve
dah. Cui kum thotho ahkhan operation manager, Richard Shumate (52) le a nupi
Evelyn Shumate (49) khal thla nga sung thawng thlak an rak siih $49,963
cawhkuan pek an si fawn.
Wilkerson le a nupi cu 2010
laiih nauhak bawmnak sumpai ihsin $450,000 hlepruknak ruangah 2015 ahkhan khing
an rak si dah, an hleprukmi hi an sum ngahmi hrek hnakih tam a si.
2008, 2009, le 2010 ah, New
Birth Christian Center ih tirawl bawmnak hi Illinois state ih ṭhal mibawmnak lakah a nasabik lakih tel
ringring an rak si.
$10,000 cu sungkhat a pe cih, $20,000 cu
a sumfai in kawhhran bank account ihsin a peksuakmi a si. $46,000 in Chicago ah
inn-hmun a lei ih $37,109 in a nulepai hrangah Memphis ah inn a lei. Himi
thuthawn pehparin “The Christian Post” in phone thawi pehtlaihnak a tuah nan
sanlehnak a um lo.
Source: Christian Post
0 comments:
Post a Comment