Cristiano Ronaldo
(Leitlun lehpannak lam ih Sumlutṭhabik)
By: Salai Marem
Tui
ni Spain ramih leitlun lar Real Madrih Bawhlung Club ih hmainawrtu Cristiano
Ronaldo cu mitamzet ih thei mi asi.Mang bangza a bawhlung thiamnak khal cu TV ah kan zoh cio ding a zum um.A mah
cu England Manchestar United Club ihsin Real Madrih Club ah Bawhlung khawvel ih
a man khungbik in an lei vekin Ronaldo khal tuini lehpannak lam ih sumlutṭhabik
khal asi.
Tu vekin a hlawhtlinnak hi awlzet ih a ngahmi
cu asilo ti cu a tui hlan nun ihsin a theih theih.
Ronaldo cu 5
Feb.,1985 kum ah Portugal ram Phahceh tikulh ah apiang. Suahpi unauli lak ah
nautabik asi. “Ronaldo” ti hmin hi culaisan ih milarzet Holy Wood lemcangtu
Ronalrigan(hlan ih American President rak si dah) cu rak uarzettu a pai pek mi
hmin asi.
Ronaldo cu
mi mai mai(mipangai) kut hnaṭuan veng ih ṭhanglian a si. A nauhak lai hringnun
ah harsatnak a phunphun a rak tawng. An sungkua cawmtu pabik le, zu a in nasat
tuk ruangah kaileng siat in 2005 kum ah mual a liam. Fale pawl enkawl ih
cawmnak hrang a nu cun inn tin ah feh in rawl suansak le thenfai hna ṭuan in a
hlawh aw ṭheu.
Ronaldo hin bawhlung lam apaihnak san bik khal a pai ruangah a sibik. A
pa hi an khua ih tleirawl bawhlung club ih lehnak thil le ri enkawltu(darvuan)
a si. Cutik ah Ronaldo khal a pai hnaṭuan cu thlun in bawhlung thawn an hnawi
hnih aw deuh ring ring. A nauhak lai ihsin a mahte khal in bawhlung leh
paihzettu a rak si.
Kum-10
akim ah Bawhlung a ngainat zia le a duhzia cu an khua mipi vantlang, an inn
hnen le an khaw zate’n deuh thaw ih theih a hlawh. An veng hnen pa pakhat in
hitin a sim; “Ronaldo hin ziangtlukin bawhlung hi a rak atcilh(zir) ti asile, khui
maw cang ah cun inn hman tin thiam lawn le rawl hman eilo khawp in bawhlung hi
a rak lek(zir) ṭheu. Zan a sile tlawng ih inn ih tuah ding(home work) an pek mi
khal tuahlo in tukverh ihsin thawm dimten suak in zanthim lak ah a mah pakhat
lawng bawhlung lek le kilven kham dan pawl a zir” tin asim.
Kum-16 a ti
ah a bawhlung thiamnak le a tlan cahnak hin Portogal Club Sporting Lisbon in an
club ih lek ding in an ko. Cui kum lala ah an club le England Manchestar United
cu champion Leauge ah an tawng aw. Kum-16 mi tleirawlte, Cristiano Ronaldo cun
Man-U bek pawl lan suak ih mawizet in goal a thun thei. A goal thun dan le a
bawhlung kham dan; a ke randan pawl an mit rori ih hmutu Man-U bawhlung lektu
pawl in, an sit ṭheh in an manager Ferguson hnen ah C.Ronaldo cu a rang lamih
lei hngal ding in an forhfial. Ferguson, a mah khal in Ronaldo ih thiam dan
pawl a mit rori ih a hmuhve ruangah a
ranglam in British pound 12 million pe in Ronaldo cu Man-U hrang a lei ta riai.
Cu lai san
kum-16 mi bawhlung lektu pakhat hilawmmam mantam(khung) pe ih an lei ti mi cu
Bawhlung khawvel ah a man khungbik leiawknak asi, cu cu kum-2001 ah asi.
Ronaldo cu
Man-U Club a thlen hnu cun 2004 kum England FA Cup bawhlung final ah Man- U
hrang goal 3( a zawn zawn in) a thun ih Champion lawman ropi cu a lakpi ta
riai! 2008 kumah Man-U Club hin C.Ronaldo cu pound 31 million thawn kum5 sung
lek ding in lungkimnakca a tuah sal. Ronaldo hin Man-U Club hrang England Primer
League bawhlung Champion lawmman vei 5 a lak pi.
2007 kum
ah Ronaldo ih bawhlung thiamnak a tla niam ciamco. A san cu a nui taksa cancer
natnak ruangah le apa khal zuu in tuk ruangih kaileng natnak thawn a rak thih
zo ruang ah si .
Asinan
Ronaldo, cu ti vek thinharnak (harsatnak ) pawl pahtlang ding in bawhlung cu tui
hlan aiin a zuam nasa sinsin, a lek nasa deuhdeuh. 2009 kumah Spain ih leitlun
lar Real Madrid Club pi in Ronaldo cu dollar 131 million pe in Man –U ihsin an
lei. Culai ah bawhlung lektu leinak hrang ih atam bik paisa khal a si .
Ronaldo cu
leitlun lek ṭhabik lawman cu vei 4 a ngah zo. Tuini ah leitlun sumlut tha bik bawhlung lektu dinhmun ah a
ding ringring lai hrih!
Mi
tamzet ih an thei lemlo mi Ronaldo thuthup ;
1) Kuak
le zuu a hrial , ziangah tile a pa kha zuu ruangih thi a si ruangah a thinnatnak a reh thei lo. Kuak cu bawhlung leh lai ih bang tuar thei ding in a
si.
2) Tuisan
mino pawl ih duh le uar zet mi tattoo a nei lo. Kumkhat vei hnih thisen a pe ṭheu
.Cuiruangih tattoo nei lo a si.
3) Ni
khat ah ritkhai hi vei-3000 a khai. Bawhlung leh a zir tikah a ke zim lamah
thilritpi ṭem in a lek ṭheu. Cutin leh ngai ngai ah a ke a rang.
4) Ronaldo
cu American NBA Basket ball lek pawl aiin
sang sawn a khir thei ih “ṭaku” tlanzuamawknak ih champion-tu tluk in a tlan thei. A free-kick ran lam cu
Spaceship ai in a rang deuh.
5) A
taksa hi thau-10% lawng um in a dang cu tha(muscles) hlir an si.
6)
C.Ronaldo ih sumlut hi zarhkhat ah
British Pound-274,000 a si. Leitlun lehpannak ih sumlut ṭhabik a si vekin, Ni-6
le Nazi-9 ih a sumlut hi USA President Obama ih kumkhat hlawh sumlut thawn a zatrep.
0 comments:
Post a Comment