LASI FALA NUIH TLAHRUM! (Part 1 & 2)
Mai Dai Dim
Hni sen le raang hrukin fala an ra, Nurse fala an si a mawibik ka hmu!" Falam TownHall sak ihsin Solomon MRH ih hla cu thum ut-au in a thang. Hla thawm thawn mil aw zetin khua a duur ih ruahhmai a rong tla taktak. Vankau tlangih NTS tlawngta pawl hmuahhmuah le Zato innpi sung hnattuan Nurse hrekkhat tla cu America ram ih Ph.D degree ngah pekte Sii bawipa in caanher pakhat sung training a pek hnu tlunlam pan dingin TownHall sungin sen surso le raang hlerhli in an ra sual cupco! An fehlam ahcun hmunkhatten pahnih kopin an rong suk nan, tlunlam cu rawl ei caan thawn a tong lawnawk ruangah mah duh poh ih tlun a ngah tiin an hotu 'Mammy' in a thlah hai.
"Iang, ka thil tthittermi kha ka va hlam ding in rak thlun ta aw," Mawite cun a rualnu Iangte cu a sawm. Iangte khalin a rak lungkim ve ih cutin Bazaar Pu Pek Thang inn ih thil tthitnak dawrlam pan in an feh. Tthaal laifang zothlo thlipi(Ttottum thlipi) huuk laifang a si vekin ruahsur lawng tawklo'n thlipi in a nuai hrih. Mawite cu a Thawng kaihmi thli in naa tukih a rak hranh ruangah a kut a thlah. Amah khal tlu zikten a hawr cuico. Iangte le khatlam ziinkap in a feh. Falam Bazaar le Pek Thang inn vong pial dingnak an thlen zawnah, "Bhrum!!!!!!!!" "Phuuttt!!!!!" Bike pakhat cak ngaingai in a ra tlan ih lihong ttek cun Mawite ih taksa pum a ttehparh thluh. Mawite cu a mit a hon nuai ih a hong herawk cu mi pakhat thawn an pah aw ih "Paw-uk!!" tiin leilung ah an tlu. Tlangval pa cu Mawite ih parah a rak bawkkhup! A mit a hon mengih a hmuhmi thil ruangah Tlangval pa cu a mit Sumbu tia ah a cang! A hmur le Mawite ih hmur an rak dai aw cetcet! Zamrangten a tho ih, "Sorry! I ngaithiam aw" tiin phuhrung aw zet mithmai thawn a dil. Mawite khal a hong tho ih, a hmur cu a kut thawn a hnawt hnuah mitmeng cang remrem in a zoh ih, "Na mang hmanah ka lo ngaithiam lo ding!" tiin a haacang rial ttuahtto phahin a fehsan.
Zaanttim a si thlang nan Mawite cu itthat theilo in a cal a dom. Sir le sir her in a khawsa. Sunih thil umdaan a von ruat. Tangval paih mithmai umdaan le a pian tthatdaan pawl a mitthlam ah a vong cuang. "Hmm!!!!! Hipa hi ka lehrul lo cun ka duh hrimhrim lo ding! Minung tamnak bik hmunah kha tluk ningzak ko i tuahtu cu lehruul loin cu ka ngaidam thei lamlam lo! Khapa kha zo a si? Ziangtin ka lehruul thei pei???? Hmmm!!!!!" tiin a thawpi a thaw rero phahin khua a ruat.
Lukham cu a el damah hmang tahratin ihkhun parih to Khumte cu a mit tthep fohfo'n sun ih thilcangmi pawl a ruat ve. "Nunau pakhat ih ningzak a va neilo ve! Midang nunau vek sisehla a zoh hman in zoh ngamlo ding ti lai lakah! A mitmeng cang hriahhriah in, a hmel mawimawi thawn pamhmai in! "Na mang hmahah ka lo ngaithiam dahlo ding!" i hei ti bet!" tiin Khumte khal cu khua a ruat. "Ai! Ziangah maw khabang Nurse teh an rak um! Nurse cu thin neem le nun neem takih um ding sisi an si" tiin a ruat ih, "Aa! Ka ruat nawnlo ding! Ziangah maw cutin ka ruat?" tiin a lu thing phahin a kaa in a hon ttong suak.
"Mawite, ziangah rawl na ei lo? Hi keimah ka ron lo khaisak. Tho awla rawl ei aw." tiin Iangte cu a rawl kenmi an ca zohnak kinlan parih ret phahin a ti. Mawite cu zianghman a ttong cuanglo. "Na naa fawnlo. Ziang na cang?" tiin Iangte cun Mawite ih lu tham phahin a sut. Mawite cu a ihnak ihsin ti vukvi'n a hong tho ih, a sam bua semsem thluh ko a cuul hnu ah Iangte lam a herih, "Iang, khapa kha zo a si ih ziang a tuah? Khuitawk ah a um tipawl i rak zingzoi pi aw" tiin a dil. Iangte cu mangbang tuk mithmai thawn, "Zo khapa maw?" tiin a sut. "Mizaan ih milai pa kha!" tiin a ihkhun par ihsin Mawite cu a dawp thla ih tukverhte lam pan in nuam teten a hong feh. A ttong a hon peh ih, "Khati maimai in ka luatter lo ding! Rak zoh seh! Tlahrum hmangin ka kuai thlu lai ding!" tiin a mitmen rum takin a ttong suahso. Iangte cun, "Mawite, 'tlahrum' timi a hmangtu pawl cu an siahmi tlahrum sungah anmah le mah an awk aw ttheu hokhaw. Thiltthalo ti na theihcun tuah hlah aw" tiin a rak dawnkham. Mawite cu a thutum mi hnuhnu lo theih loih tuah duh a si ruangah zo hmanih kham a theihlo.
"Emergency!!!!!" tiin an au hluahhlo. Mawite le Iangte khal cu Zato innpi lam pan in an tlan ve. "Ziang cang? Zo si siatsuahaw???" tiin an sut aw culci. "UNDP zung Bawipa a si" ti thu an thei. "Falam ihsin peng hleinga a hlatnak ah hna ttuan a fehih 'Ti inn' an dawl rero lai ah a siatsuah aw" tiin upatzet le ui zet awkam thawn Nurse pakhat cun a sim. Mawite cu NTS final year a si ih Zarhkhat veikhat lawng Zato innpi ah practical an nei ttheu.
"Mawite, tuini practical na ciah ual" tiin Iangte cun a sim. Paih tuk lemlo phahin Mawite cu zato innpi lam pan in a feh. Sii Bawipa in a ttulmi pawl a sim thluhin ttuanvo a pek hai. Mawite cu Sii Bawipa thluntu a ciah. Nurse hi amaih paih tuk ruangih kai si loih a nu le pa ih fialnak menih kai a si ruangah thil zianghman hi tthaten a tuah paih tuklo. Tu khal cu Sii Bawipa ih dungcu ti hnuaphno in a hei thlun. Minaa pa umnak an va thlen in Sii Bawipa in a ttuldaan in a tuamhlawm hnu ah a kut le a ke pem mi pawl sii hnihsak dingin Mawite cu a fial. Mawite cu ti tthiahttho ten minaa a hei naih ih minaa pa khal a rak her aw ve. "Hin!!!!!!" "Hei!!!!!!!" an pahnih in an kut zungnu khih aw terter in an mit cu kau pempem in an meng.
"Hiiii......... Haaaaaa........ Ka duh tuk! Hihi si thlakhat sung rori ka hngahmi!" tiin thinlung sung phurrit hmuahhmuah zaangkhai verver vekih thei aw in Mawite ih mithmai cu vang hemhem in a nuam aw. Iangte cu Mawite a zohin a mangbang tuk! Ziangtik hmanah practical a ciahcaan ah rawl ei hman a paih dahlo mi Mawite rori tuizaan ih a nuamawk hmel tuk cu mangbang loih um awk hrimhrim a tthalo.
"Ziangah maw hitluk zato innpi nurse tam liangluang ah khanu ngelcel ih i tuamhlawm nak!" tiin Khumte cu thin tok nuakno'n a phun hmukhmo! "Zamrang teih tlun ka dil ding" tiin khua a ruat. Nurse dang pawlcun ngaihsak takin Khumte cu an tuamhlawm. Asinan Mawite cun a thupten a sii sungah 'tthung' a rak rawisak ringring. Zaan khalah a rak bihthup ih Khumte a itthat laiah zawhte kengin a feh ih Khumte ih puan parah zawhte a va toh! Khumte a mit a hon men veten zawhte mit tle keukeu a hon hmuh cun, "Auuu!!!!!!!!!" Zato innpi kuai thluh zik tiang a au kio.
"Mawite, na thil tuah hi bang thlang aw! Ka lo theilo ah ruat hlah. Mi in an upat zetmi tulai a lar zet lai khawte pawl bawmnak a pek rero tu UNDP zung Bawi rori na dekcok ngam cu aww!!!!" tiin Iangte cun thin nuamlo tak mithmai thawn a ti. Mawite cu zo vek par hmanah 'nau' duhlo lawlaw a si. Tlawng a kai thok ihsin 'princess' vek rori ih an zohmi, a nu le pa khalin a duhmi ziangkim an tuahsak thei thluh fawn. Phunhra a kai lai khalah Bawi upa hmuaktu ih hman ringring mi le a tui NTS khalah Cathiam hminthang a si hlei ah mi Mawi an hril tinten hril tlin a rak si ringring.
Khumte cu thaw veng takin a puantom a zual. Thu pakhat ruangah nuamawknak a nei ti theihtheih fahran in a mithmai a pan. Zato innpi ihsin a suah thei ruang maimai ahcun a silo ti a fiang. A thilri hmuahhmuah cu a kut tang pawlin an rak phurhsak thluh. Mitkharh dum a von kharhih T.Shirt a taksa fuun nawnte in, a khuk can hrawlhtlang(bawngbi) thawn. A sam ehkhat can ti hmerhmi cu a tlunlam ah a hon phial thuh ih a ke khatlam cu a bike parah ke retin a ding. Caan ziangkim remcang ih a suai cia thluh ruangah a zumvek cekci in NTS pawl cu sun rawl ei dingin an rak suak ngaingai. A hmutu hmuahhmuah cun kaa ang ciauciau in an zoh thluh.
"Mawite timi nu a um maw? Zangfahten ka tong duh," tiin a von sut hai. Mawite cu a rualpipawl ih kawh aw thei in zamrangten a hong tlan. "Aw....... Minaa pa, na dam zo maw? Ziangmi in poi?" tiin zahumnak pakhat hman tello riai in Mawite cun a sut. Khumte cu a mitkharh a phuakih duhnung mithmai thawn hni phahin pacel pack pakhatte a pek ih, "Ka naa nawn lo. Ka dam zo. Ka nat laiih in tuamhlawm tthat tuk ruangah ka lungawinak langter ka duh. Curuangah himi hi i rak cohlang sak hram aw Z-A-N-G-F-A-H-T-E-N!" tiin fangkhal hnu fangkhat ti fuahfo'h a sal hnu ah a mitkharh bun in a bike cu a von start ih a kut a zap hnu ah a feh liam.
Mawite cu a khaan sungah lutin a thil dawnmi cu a zoh. 'Pawnghmuk' kiorum mi a rak si. Cun a parah ca pakhat a ngan aw. "Sayama, himi hi ei hrimhrim hram aw tiin zangfah ka lo dil. Ka lungawi.
Khumte" tiin a um. Pawnghmuk cun a mit a la tuk. Ei awm tukin ti hlerhli a si. A rim hmui vurvo cun a hnar a hon virh. Mawite cu a kaa a von angih pawnghmuk cu diriam takin a von kawh. "uhummm!!!! Phuii!!!!" a hon phui thluhsal. Iangte le rualpi dang cu mangbang tukin Mawiteih lam an ra hawi thluh. Pawnghmuk sungah cun Cite hlom kut zungpi tia le Hnakphek pumthum a rak phum aw. A kaa a sa hethet thluh ih tidai zamrangten a in. Cawl lo rori in tidai a dawk ciamco. Cu hnuah a ding hlukhli ih, "Ttak!!! Khapa kha Rak zoh seh!!!!!" tiin ttakttak fualfo phahin...
(Part -2)
"Iangte, tuini kanmai' rawlsuan si kha. Bazaar kan feh ttul" tiin Mawite cun Iangte cu a sawm. Vankau tlang ihsin bazaar feh dingin an suk thla. Biakinn pi hmai UNDP zung hmai an thlenin Mawite cu a ke feh a cawl dukdi! Khawruahmi pakhat nei in a mitmu cu a tawi hrukhro. A netnak ah Uico Ek mipa zin thawhnak kiangah a hmu. A mit kau pempem in a hong hni. Funghreu thawn Uico ek cu a va thai ih Khumte ih bike kehram ahcun a hei ret. Iangte cun, "Mawite, tu a rei hlanah pasal nei ding maimai na si. Na umdaan hi a nauhak aa tuk lai!" tiin a rak ti. Cuih ttong a theih veten Mawite cu a thir dukdi! Amah hmanin a mangngaih nawnlo. NTS tlawng a ttheh veten pasal nei dingih khatlam khatlam nu la pa lungkim cia mi an si. A pasal dingmi khalin Mawite cu a duh tuk. A nauhakte lai ihsin a rak heerhawt ringring mi a si. Mawite khal cun a hua velo. Asinan 'duhdawtnak' timi taktak hi an rak sim awvdah hailo. A nu le paih lungkim mi a si ruangah a lungkim ve mai. A tu Iangte ih ttong lawngin a von mang suakih, "Iangte, phone ka ko ta ding maw" tiin phone dawr ah a lut.
"Aw.... Cucu tuizaan ka feh cih ding maw. A ngah tuk!" tiin hni phahin Khumte cu an zungsung ihsin lenglam ah a va suak. Kerte vaar hlerhli le hrawlhtlang sau dum thawn a bike parah cun a hong to. A ke in kiar a von palih, "bhrum!!" tiin a von feh. A hnar sungah uico ek thu lawnglawng a nam a thei nan zianghman ah a ruattlo. Bazaar sungih tisop dawrah a vong lut cu mikip ih mit cu a ke lamah a fu thluh. A hnarin a theihmi rim cu a hnuuk vivo. Miih an zohnak zawn a von zoh ve cuh!!!! A hrawlhtlang parah cun Uico ek a rak man aw zelzel! "Na rim nam!" tiin a ke tiim in dawr ihsin a suak. Dawr tlun lamziinpi a hong thlen zawngah lungkim tukih hni siamsiam Mawite cu a hon hmu. "Umm!!!! Lasi fala an lo ti ruangah maw hitluk ih na hngal! Rak zoh aw!" tiin a haacang rial phahin Khumte cu a fehliam.
Khumte cu kum note in tlawng a ttheh ih mi cathiam tuk le rinum mifel a si ruangah a tu vek kum 24 te in 'zung Bawi' tiih kawh a hlawh. Fala hicu 'Cal kingih hril theih' ti tluk si a hrangah cun. Mikip ih upat mi a si laiah 'Mawite' ih zohdaan le ziang siarlo daan a ruahcun a thin a so in a so hluahhlo. Kum bangaw zikte an si tgawn an thinlung ruahnak khal a bangaw tuk. Zo hman nau duhlo veve an si.
Lai Kumthar Puai a si thlang. Zaan ah Town Hall ahcun mi an khat ttheptthep. Khumte khal cu ticket man khungbik pawl a lei veih hmailam bikah a to. 'Mi Mawi' hrilnak caan a von thleng thlang. Fala pawl cu thuam mawi taktak thawn mah le style cio thawn an ra suak. Mawite cu kumdang ih pakhatnak rak ngah ringring a si ruangah a hmin an hon sal veten mipi cu Town Hall puak zik ko an au. Laithuam mawitak thawn a hon thuam aw, make-up thawn an hon cei taktak cu! A hmin deu khalah 'Lasi fala' ti a si tho. Cutin mikip cun Mawite cu 'Lasi Fala kuah!!" tiin an auh hluahhlo. Khumte cun mit ttheplo roriin a zoh keukeu. Mawite dawnsin par ihsin a ttum zik zawngah a ke in thil pakhat a pal ngah. A tlu zikte nan a ttang man fangfang. Cuih lunghrel vek a ratnak lam a hei zoh cu! Tle keuki ten Khumte ih mit cu a hei hmu. Mark an lak rero lai a si fawn! Result an von sim thlangih Mawite cu thin phu dupdo in a hmin an sal dinglai a hngak. Asinan........a hmin cu sal a nawnlo!
"Ziangtin sipei hipa hi ka hrem thei ding aww????" ti ruatin Mawite cu zaanvar a itthat lo. Zinglam khua a van in thu pakhat ruahcatmi a nei. Zaanlam tlawng an banin a thu ruahcatmi vekin UNDP zunglam pan in a feh. Zungsung ah a vong lut. "Khumte timi pa ka tong duh. A ngah thei pei maw?" tiin sangkaa hram ih to mipa cu a sut. "Aw, malten rak hngak aw" tiin cupa cun a rak let. An zung suungih an upat le an hmaizahdaan pawl a zohah a phuhrung aw hluahhlo. Malte a rei in Khumte cu a ra suak. Lakphak dawrah an va to ih, boruak umdaan zoh phahin Mawite cu a ttong a thok. A lakphak khuat cu a khai ih kaakhat a von in hnuah, "Saya pa, kan rak tonawk hmaisabik ttum ihsin keimah ka mawh. Kha lai ih ngaithiam i rak dil laiah ka rak lungkim sehla hi can ka canglo ding. Ka rak mawh tuk i ngai thiam aw" tiin ningzak tuk mithmai thawn a hon dil. Khumte khal cun hni siamsiam phahin, "Aa..... Mawite, na duhkawh ah Lasi fala na sisi. Na mawhlo lawlaw. Keimah ka mawh sawn. Mipa sawn rori duai duhlo in veikhat ka parih thil na tuah tinten ka lo lehruul ve ringring hi ka mawh tuk. Thildang hmuahhmuah ai-in Lai Kumthar Zaan ih thilcangmi ruangah ngaithiam ka lo dil duh ve" tiin a rak ti ve. Cutin zozo ngaithiam aw dingin an lungkim. Tucun rualpi ttha si dingin an kut kai in an cibai aw thlang.
"Mawite, ziangtin ee na sim?! Ka ngai sual lo ti?" Iangte cun mangbang tukin a sut. Thu umdaan hmuahhmuah cu Mawite in a simfiang thluh. NTS final year pawl hmuahhmuah Lungpi khua ah feh thluh ding tiin an mammy in tlang a au. Lungpi lam panin an feh luailo hai. Lungpi ahcun practical an va tuahsal. Khumte khal an hnattuan cu Lungpi ih feh ringring a rak ttul ih nidang kgalah lungpi cu a rak feh ringring. Nurse pawlih hnattuannak le an hnattuannak cu a rak kiangawte lala fawn. Mawite le Khumte cu Mawite ih saduhthah vek cekci in an naihniam aw vivo thlang. Lungpi ihsin Mawite cu a rualpi dang hnenah Mawtaw thawn tlung loin Khumte a thlun cih.
Tlawng an hon ttheh taktak cun Mawite cu a nu le paih umnak kalaymyo lam pan in tlun a tum. Thaisun Chin-Tawng-Tan thawn kawl suk ding a si thlang. Zaan thlapi a vang riahri. Thlatang a thok pekte khua a sik thok rero fang. Khumte le Mawite cu Vankau tlang thlivirnak zato innpi hmai ih faizong kung hnuai ah thuro nupa bang an to thliangthli. Zohman biakaw loin an lungtur awn cu an ngaisakaw khiaukhi hai. Mawite cu Khumte ih liang parah a lu a hei retih, "Khum," tiin aw neem takin a hon ko. Khumte cu a lu a von kun ih Mawite ih lu parah an lu le lu dai awin. Cun, "Ziangmaw i sim duh Lasi fala Mawite?" tiin duhdawtnak ih khat awkam thawn a von sut. "Thu pakhatte ka lo dil duh. In tuahsak thei pei maw?" "Nahrang ziangkim tuah dingin ka ralring" "Asile, ....Novemver...... Ni ah kalaymyo ih No( ) innpi ah rakra aw. Na ra thei pei maw?" "Aw. Ka ra tengteng ding" "Taktak maw? Thukamnak i tuah aw" tiin a kut zungte a hon tung. Khumte khalin, "Aw, thukamnak ka lo tuah" tiin a rak lungkim ve.
Mawite cu mawtaw parin khua le ram a cuan. A thil tuahmi hlawhtling taktak thlang ding a ruahah a hnangam tuk. Asinan Khumte thawn an caan hman tlang ni le thla pawl cu a mitthlam ah pakhat hnu pakhat in an rong cuang. Itthat dingin a von zau. Asinan Lungpi Tidai inn ih Khumte thawi zodang ngai loih an lehtlang lai, Vankau tlang Zato innpi sung ih Khumte a rak hrem daan pawl a von ruat. A itthat thei nawnlo. A thintur cu a rong rang dukdo ciamco! A thiltum hlawhtling dingih a ruah lai ah a thin a nuamlo ciamco sal. Asinan ziangtinkim ruatcia thluh ih tuah a si ruangah a tumtahmi thlensuah dinghi a duh bik. A nu le paih hnen Kalaymyo cu a vong thleng taktak thlang.
Khumte cu cakuat pakhat a ngan. Mawite ih ttongmi pawl a von ruatsal. "......November...... Ni rori ah kalaymyo ih No ( ) ah..." cutin an ni tiam ni a von thleng taktak. Khumte cu cuih hmun ahcun a von feh. Mipi huuk hiamhiam in an thawm celcel. An au hluahhlo. Zohman va suh ding awm a hmu fawnlo. Ti tthiahttho ten hmailam a hei pan vivoih minu pakhat a hei sut. Cunu ih simmi a theih veten Khumte cu a kerte zaalih cakuat a phorh ih minu hnenah cun, "Lasi Fala Mawite hnenah rak pe hrimhrim aw" tiin dunglet a her cih.
Mawite cu Mopuan thawn mawi ziaiziai in a rong ttum. A thinlung cu phu dukdo in, "Khunte ka hmuh tik le ka mithmai ziangtin ka tuah ding" tiin a rem aw rero. Kaittem a ttum zawngah, "Mawite, mi in cakuat an lo tan" tiin minu cun cakuat cu a pek. "Zo in?" "Aw... Tute kha a tlan". Cu zawngah Mawite cu a her aw ih an kotkaa a va liamtu Khumte a hei hmuh cun a thin khir dukdi in zamrang takih tlan a tum nakah a ke pal a rak zoh nawnlo. Kedam sang a bun fawnih lei tangah cun a vong tla luanglo! Leitang a thlen cun zianghman a rak thei nawnloih Zato innpi ah a thleng. A pasal dingmi Cungte cun duat zetin a pom nan a thinlung ih a hlammi cu Khumte thawn veikhatte tal tongaw ding lawng hi a si.
A hong harh deuhin cakuat cu a hon siar. Khumte cun Mawite ih tumtahnak ziangtinkim a rak theihcia thluhthu pawl a ngan. "Ka lo duh" timi ttongkam Khumte ih a sim leveten pasal nei dingih a rak ruahmi cu Khumte cun a cakuat sungah a ngan tel cih. Cakuat cu a kutin a hmuai soprop thluh ih a mithli cu dai kiarko'n a biang parah a rong luang. Iangte ih a rak sim dahmi, "Tlahrum hmangtu cu anmai tlahrum thang sung lala ah an awkaw" ti cu a hna thlamah a rong khawk ruangro!
"Nehtu si ka duh tuk ruangih ka tuahmi thil ruangah ka thinlung neih hmuahhmuah ka rak sungsawn riangri maw????" tiin mithli thawn tlakih dawlmi kaittem hnuai ahcun a khuk le khuk kar lakih a lu retin a to ngiaungi. Culai fangah a hmai zawnin kut pakhat a hon hmu. Vantau in a hon zohih a ngai duahdo mi khumte! A tonak ihsin a ding hlukhli ih, "Khumte! Ka rak awkaw ngah zo!!" tiin......
"Iangte, tuini kanmai' rawlsuan si kha. Bazaar kan feh ttul" tiin Mawite cun Iangte cu a sawm. Vankau tlang ihsin bazaar feh dingin an suk thla. Biakinn pi hmai UNDP zung hmai an thlenin Mawite cu a ke feh a cawl dukdi! Khawruahmi pakhat nei in a mitmu cu a tawi hrukhro. A netnak ah Uico Ek mipa zin thawhnak kiangah a hmu. A mit kau pempem in a hong hni. Funghreu thawn Uico ek cu a va thai ih Khumte ih bike kehram ahcun a hei ret. Iangte cun, "Mawite, tu a rei hlanah pasal nei ding maimai na si. Na umdaan hi a nauhak aa tuk lai!" tiin a rak ti. Cuih ttong a theih veten Mawite cu a thir dukdi! Amah hmanin a mangngaih nawnlo. NTS tlawng a ttheh veten pasal nei dingih khatlam khatlam nu la pa lungkim cia mi an si. A pasal dingmi khalin Mawite cu a duh tuk. A nauhakte lai ihsin a rak heerhawt ringring mi a si. Mawite khal cun a hua velo. Asinan 'duhdawtnak' timi taktak hi an rak sim awvdah hailo. A nu le paih lungkim mi a si ruangah a lungkim ve mai. A tu Iangte ih ttong lawngin a von mang suakih, "Iangte, phone ka ko ta ding maw" tiin phone dawr ah a lut.
"Aw.... Cucu tuizaan ka feh cih ding maw. A ngah tuk!" tiin hni phahin Khumte cu an zungsung ihsin lenglam ah a va suak. Kerte vaar hlerhli le hrawlhtlang sau dum thawn a bike parah cun a hong to. A ke in kiar a von palih, "bhrum!!" tiin a von feh. A hnar sungah uico ek thu lawnglawng a nam a thei nan zianghman ah a ruattlo. Bazaar sungih tisop dawrah a vong lut cu mikip ih mit cu a ke lamah a fu thluh. A hnarin a theihmi rim cu a hnuuk vivo. Miih an zohnak zawn a von zoh ve cuh!!!! A hrawlhtlang parah cun Uico ek a rak man aw zelzel! "Na rim nam!" tiin a ke tiim in dawr ihsin a suak. Dawr tlun lamziinpi a hong thlen zawngah lungkim tukih hni siamsiam Mawite cu a hon hmu. "Umm!!!! Lasi fala an lo ti ruangah maw hitluk ih na hngal! Rak zoh aw!" tiin a haacang rial phahin Khumte cu a fehliam.
Khumte cu kum note in tlawng a ttheh ih mi cathiam tuk le rinum mifel a si ruangah a tu vek kum 24 te in 'zung Bawi' tiih kawh a hlawh. Fala hicu 'Cal kingih hril theih' ti tluk si a hrangah cun. Mikip ih upat mi a si laiah 'Mawite' ih zohdaan le ziang siarlo daan a ruahcun a thin a so in a so hluahhlo. Kum bangaw zikte an si tgawn an thinlung ruahnak khal a bangaw tuk. Zo hman nau duhlo veve an si.
Lai Kumthar Puai a si thlang. Zaan ah Town Hall ahcun mi an khat ttheptthep. Khumte khal cu ticket man khungbik pawl a lei veih hmailam bikah a to. 'Mi Mawi' hrilnak caan a von thleng thlang. Fala pawl cu thuam mawi taktak thawn mah le style cio thawn an ra suak. Mawite cu kumdang ih pakhatnak rak ngah ringring a si ruangah a hmin an hon sal veten mipi cu Town Hall puak zik ko an au. Laithuam mawitak thawn a hon thuam aw, make-up thawn an hon cei taktak cu! A hmin deu khalah 'Lasi fala' ti a si tho. Cutin mikip cun Mawite cu 'Lasi Fala kuah!!" tiin an auh hluahhlo. Khumte cun mit ttheplo roriin a zoh keukeu. Mawite dawnsin par ihsin a ttum zik zawngah a ke in thil pakhat a pal ngah. A tlu zikte nan a ttang man fangfang. Cuih lunghrel vek a ratnak lam a hei zoh cu! Tle keuki ten Khumte ih mit cu a hei hmu. Mark an lak rero lai a si fawn! Result an von sim thlangih Mawite cu thin phu dupdo in a hmin an sal dinglai a hngak. Asinan........a hmin cu sal a nawnlo!
"Ziangtin sipei hipa hi ka hrem thei ding aww????" ti ruatin Mawite cu zaanvar a itthat lo. Zinglam khua a van in thu pakhat ruahcatmi a nei. Zaanlam tlawng an banin a thu ruahcatmi vekin UNDP zunglam pan in a feh. Zungsung ah a vong lut. "Khumte timi pa ka tong duh. A ngah thei pei maw?" tiin sangkaa hram ih to mipa cu a sut. "Aw, malten rak hngak aw" tiin cupa cun a rak let. An zung suungih an upat le an hmaizahdaan pawl a zohah a phuhrung aw hluahhlo. Malte a rei in Khumte cu a ra suak. Lakphak dawrah an va to ih, boruak umdaan zoh phahin Mawite cu a ttong a thok. A lakphak khuat cu a khai ih kaakhat a von in hnuah, "Saya pa, kan rak tonawk hmaisabik ttum ihsin keimah ka mawh. Kha lai ih ngaithiam i rak dil laiah ka rak lungkim sehla hi can ka canglo ding. Ka rak mawh tuk i ngai thiam aw" tiin ningzak tuk mithmai thawn a hon dil. Khumte khal cun hni siamsiam phahin, "Aa..... Mawite, na duhkawh ah Lasi fala na sisi. Na mawhlo lawlaw. Keimah ka mawh sawn. Mipa sawn rori duai duhlo in veikhat ka parih thil na tuah tinten ka lo lehruul ve ringring hi ka mawh tuk. Thildang hmuahhmuah ai-in Lai Kumthar Zaan ih thilcangmi ruangah ngaithiam ka lo dil duh ve" tiin a rak ti ve. Cutin zozo ngaithiam aw dingin an lungkim. Tucun rualpi ttha si dingin an kut kai in an cibai aw thlang.
"Mawite, ziangtin ee na sim?! Ka ngai sual lo ti?" Iangte cun mangbang tukin a sut. Thu umdaan hmuahhmuah cu Mawite in a simfiang thluh. NTS final year pawl hmuahhmuah Lungpi khua ah feh thluh ding tiin an mammy in tlang a au. Lungpi lam panin an feh luailo hai. Lungpi ahcun practical an va tuahsal. Khumte khal an hnattuan cu Lungpi ih feh ringring a rak ttul ih nidang kgalah lungpi cu a rak feh ringring. Nurse pawlih hnattuannak le an hnattuannak cu a rak kiangawte lala fawn. Mawite le Khumte cu Mawite ih saduhthah vek cekci in an naihniam aw vivo thlang. Lungpi ihsin Mawite cu a rualpi dang hnenah Mawtaw thawn tlung loin Khumte a thlun cih.
Tlawng an hon ttheh taktak cun Mawite cu a nu le paih umnak kalaymyo lam pan in tlun a tum. Thaisun Chin-Tawng-Tan thawn kawl suk ding a si thlang. Zaan thlapi a vang riahri. Thlatang a thok pekte khua a sik thok rero fang. Khumte le Mawite cu Vankau tlang thlivirnak zato innpi hmai ih faizong kung hnuai ah thuro nupa bang an to thliangthli. Zohman biakaw loin an lungtur awn cu an ngaisakaw khiaukhi hai. Mawite cu Khumte ih liang parah a lu a hei retih, "Khum," tiin aw neem takin a hon ko. Khumte cu a lu a von kun ih Mawite ih lu parah an lu le lu dai awin. Cun, "Ziangmaw i sim duh Lasi fala Mawite?" tiin duhdawtnak ih khat awkam thawn a von sut. "Thu pakhatte ka lo dil duh. In tuahsak thei pei maw?" "Nahrang ziangkim tuah dingin ka ralring" "Asile, ....Novemver...... Ni ah kalaymyo ih No( ) innpi ah rakra aw. Na ra thei pei maw?" "Aw. Ka ra tengteng ding" "Taktak maw? Thukamnak i tuah aw" tiin a kut zungte a hon tung. Khumte khalin, "Aw, thukamnak ka lo tuah" tiin a rak lungkim ve.
Mawite cu mawtaw parin khua le ram a cuan. A thil tuahmi hlawhtling taktak thlang ding a ruahah a hnangam tuk. Asinan Khumte thawn an caan hman tlang ni le thla pawl cu a mitthlam ah pakhat hnu pakhat in an rong cuang. Itthat dingin a von zau. Asinan Lungpi Tidai inn ih Khumte thawi zodang ngai loih an lehtlang lai, Vankau tlang Zato innpi sung ih Khumte a rak hrem daan pawl a von ruat. A itthat thei nawnlo. A thintur cu a rong rang dukdo ciamco! A thiltum hlawhtling dingih a ruah lai ah a thin a nuamlo ciamco sal. Asinan ziangtinkim ruatcia thluh ih tuah a si ruangah a tumtahmi thlensuah dinghi a duh bik. A nu le paih hnen Kalaymyo cu a vong thleng taktak thlang.
Khumte cu cakuat pakhat a ngan. Mawite ih ttongmi pawl a von ruatsal. "......November...... Ni rori ah kalaymyo ih No ( ) ah..." cutin an ni tiam ni a von thleng taktak. Khumte cu cuih hmun ahcun a von feh. Mipi huuk hiamhiam in an thawm celcel. An au hluahhlo. Zohman va suh ding awm a hmu fawnlo. Ti tthiahttho ten hmailam a hei pan vivoih minu pakhat a hei sut. Cunu ih simmi a theih veten Khumte cu a kerte zaalih cakuat a phorh ih minu hnenah cun, "Lasi Fala Mawite hnenah rak pe hrimhrim aw" tiin dunglet a her cih.
Mawite cu Mopuan thawn mawi ziaiziai in a rong ttum. A thinlung cu phu dukdo in, "Khunte ka hmuh tik le ka mithmai ziangtin ka tuah ding" tiin a rem aw rero. Kaittem a ttum zawngah, "Mawite, mi in cakuat an lo tan" tiin minu cun cakuat cu a pek. "Zo in?" "Aw... Tute kha a tlan". Cu zawngah Mawite cu a her aw ih an kotkaa a va liamtu Khumte a hei hmuh cun a thin khir dukdi in zamrang takih tlan a tum nakah a ke pal a rak zoh nawnlo. Kedam sang a bun fawnih lei tangah cun a vong tla luanglo! Leitang a thlen cun zianghman a rak thei nawnloih Zato innpi ah a thleng. A pasal dingmi Cungte cun duat zetin a pom nan a thinlung ih a hlammi cu Khumte thawn veikhatte tal tongaw ding lawng hi a si.
A hong harh deuhin cakuat cu a hon siar. Khumte cun Mawite ih tumtahnak ziangtinkim a rak theihcia thluhthu pawl a ngan. "Ka lo duh" timi ttongkam Khumte ih a sim leveten pasal nei dingih a rak ruahmi cu Khumte cun a cakuat sungah a ngan tel cih. Cakuat cu a kutin a hmuai soprop thluh ih a mithli cu dai kiarko'n a biang parah a rong luang. Iangte ih a rak sim dahmi, "Tlahrum hmangtu cu anmai tlahrum thang sung lala ah an awkaw" ti cu a hna thlamah a rong khawk ruangro!
"Nehtu si ka duh tuk ruangih ka tuahmi thil ruangah ka thinlung neih hmuahhmuah ka rak sungsawn riangri maw????" tiin mithli thawn tlakih dawlmi kaittem hnuai ahcun a khuk le khuk kar lakih a lu retin a to ngiaungi. Culai fangah a hmai zawnin kut pakhat a hon hmu. Vantau in a hon zohih a ngai duahdo mi khumte! A tonak ihsin a ding hlukhli ih, "Khumte! Ka rak awkaw ngah zo!!" tiin......
Hminsin: NCT Kumkhat kimnak hrangih nganmi a si.
0 comments:
Post a Comment