Valentine's Day Thuanthu Tawi

DUHDAWTNAK HI ZO NIH A KHAM THEI DING

( Valentine’s Day thuanthu tawi )

Ka hmin cu Valentine a siih kum zabi pathum lai ah khan hi leitlun ah ka rak um ve a si. Kum zabi pathum cu kum tampi, tampi liam zo kha asi. Cumi tikcu laifangah cun Claudius II an timi  lal cun Rome cu a uk. Asinan, kei cun Claudius II ih mi ukdan le ramhruai dan hi ka duhlo, ka hua ngai ngai. Keimah lawng ka silo, ka thinlung vek putu midang tampi khal an um ve.

Leitlun hi a kau theibik ih laktumtu asivek in ralkap tampi a poimawh ih raldo duhlo le rualremnak duh mitampi cu a hrangih raldo dingin a beisei. Asinan an nupi le fate, an innsang, an fala suahsan ih raldo ding cun an fehlo. Siangpahrang Claudius ih thinhengnak sosang tertu asi fawn. Cutik ah zovek mipa khal ralkap ih an luh pangah tiin nupi neilo dingin a ramsung ah thu at-thlak zet a pek. Tlangval pawl ruahdan thawn a kalh aw ver ver ih kei khal in cumi thupek cu ka thlun tum lo.

Puithiam pakhat ka siih nonawn tlangval le fala Pathian thuvek ih kutsih cu ka hnatuan bikmi asi fawn. Cutin siangpahrang cun dan tuah hmansehla kei cun a thupte in ®hangthar pawl duhdawtnak cu ka tlamtling ter ring ring asi. Ahlan vekin biakinn ah tuah theih asi nawnlo ih ®ihnung le tuksum phahin keimah ka inn ah meisa eng pakhat te lawng cu hmangin kutsih thutiam cu dimte in kan relih ralkap pawl ke feh thawmvang kan ngai ring ring phah fawn.

Zankhat cu kutsihnak kan neih laifang ah kan ®ihbikmi thawmvang cu kan thei. Monu le mopa cu an tlanman ko nan kei cu in kai. Ka ke ah kawl thawn in hreng ih cutin thawnginn ah in kuat cih. Ka hrang ah duh hril ding zianghman kan nei nawn lo. Ka co ding umsun cu ro in relsak ih ‘thah ding’ in thu in pe. Ka hnangamnak bik pakhat cu nan thei ko ding. Tlangval le fala nonawn hmuah hmuah in ka tlaknak thawnginn sungah in leng ring ring theu a si. Ka cennak thawnginn sangkate ihsin papar mawi zet zet le catlang mawi zet zet an run den luhmi cu ka siar nin theilo mi an si. An ngan tammi bik cu “duhdawtnak timi hi kham theih asilo ih a cem theimi khal a silo, cucu kan zum a si” timi asi theu. 

Thawnginn ka tannak sungah in kiltu pasaltha zetzet le rinum zet minung tampi an um.Veikhat cu ca inkuat ®heutu lakah in kiltu ih fanu pakhat a tel ve. Ka cennak room sung rori ah apa cun len a siangih tikcu rei zet can hmangin kan be aw theu. Mifel le mi hmeltha zet asivekin ka thinlung beidong lo dingin lamzin tampi ihsin in bawm theu. A thupte ih kut ka sihmi pawl le siangpahrang Claudius ih dan ka duhlo thu khal cu in lungkimpi ve ngai ngai.

Ka thihni a kim cuahco thlang, innsang pitling zetih ®hanglian asivek in ka rualnu hrangah cun a parih ka lungawithu le a felnak, a mawinak hmuah hmauh pawl ka nganmi catlang tawite ka tanta. A netabik ah ka lainatnak ca cu “Valentine ih duhdawtnak”- tiin ka hmin ka nem.

Cumi ni cu A.D 269, February 14 ni asi ih ka thihni khal a si. Valentine’s day ih duhdawtnak catlang tawi tete an pek awk theumi hi cumi ihsin a thok tiin ka zum. Tu ah cun mi hmuah hmuah in kan theiih kum tinten himi nimawi hi duhdawtnak catlang pekawkni le simawkni ah an ruat deuh cuang. Cun siangpahrang Claudius ih thuhla an ruat tinten a thuanthu ngan tumdan cu keimah thawn a linglet ih anih cu khami laiah ropi zet hmansehla mi in an hnihsan sawn a si. Ziangruangah tile “Duhdawtnak cu zo nih a kham thei ding?”

Salai Alan