Khrismas

KHRISMAS

Salai Napoleon

Hmin Kawhdan Dangdang

          English          - Christmas

          French          - Noel

          German         - Wehnacht

          Hindi             - Bada Din

          Dutch            - Kerstmisse

          Italian           - IL Natale

          Scandinavians - Yule

          Spanish         - El Natal

          (Chin            - Mas)

“Merry Christmas” Kawhdan Hrekkhat

          Chinese         - Sheng Dan Kuai Le

          English          - Merry Christmas

          French          - Joyeux Noel

          German         - Frohliche Weihnachten

          Italian           - Buon Natale

          Japanese       - Meri Kurisumasu

          Portuguese    - Boas Festa

          Spanish         - Feliz Navidad

          Sweden         - God Jul

          (Chin            - Khrismas Sunglawi)

Hman Ni Bangaw Lo

Kum 1500 sungah X’mas hman ni bangaw lo ni 135 hrawng a um man. Tt. Jan 6, Mar 25, Apr 13, 19, 20, May 20, Nov 17, Dec 25, tvk. Asinan, Jan 6 le Dec 25 hi hman tambik cu a si. Jan 6 ni hi Greek Orthodox le Armenian pawl in an hmang nan leitlun pumpi ih hman tlangpibik le hman tambik cu Dec 25 ni hi a si.

Dec 25

Bawi Zisui’ suah ni felfaitei’ theih a si lo ih hman ni a bangawk lo celcel ruangah Jerusalem ih St. Cyril cun Pope Julies hnenah ni felfaitei’ nemhnget dingin a ngen. Cunti’n Pope khal in kawhhran khawmpi koin lairelnak an nei ih AD 361 ah Dec 25 cu X’mas ni si dingin an lungkim ih nemhngehnak an nei. AD 500 hnulam ah cun kawhhran tamsawn in an pawmpi thei.

Hmannak San

1)    Zisui’ thih ni zohin Mary in Zisuh a pai thawk ni cu Mar 25 a si ding ruangah Dec 25 cu a suah ni a si ding.

2)    Mithra betupawl in an pathian hrangih kuut sunglawibik cu Dec 25 ah an rak hmang ṭheu. Cui khawvel pathian cawimawinak cu Zisuh cawimawinak ah a rung cangsal.

3)    Saturn pathian betu Rompawl in Dec 17-25 ah an pathian biaknak puaipi an tuah ṭheu. Dec 25 ni ah upa-nauta, misia-miṭha, sal-bawi ti um nawn loin ruai an rak ṭhehtlang thluh ṭheu. Cumi cu X’mas kuut in a run luahlansal.

4)    Greek siangpahrang Antiochus Epiphany in Judah sakhua le biakinnpawl a siatsuah hnu, Judas Maccabea in a thianfaisal ih kuut ropi zet an hmang. Hebrew ṭawngin Hanukkah (Tleunak Kuut) an ti ih Dec 25 ni ah an hmang.

Jan 6

Epiphany, Little X’mas, Old X’mas, Day of Three Kings, Twelfth Night, tvk., hmin dangdang a nei. Cumi lakah Epiphany a larbik ih larawknak, theihterawknak, phuanawknak tinak a si.

X’mas Ruai

Tui’ kan hmandan vek X’mas ruaiṭheh hi AD 878 kum ah England Siangpahrang King Alfred in a rak thawk hmaisabik ih ni 12 sung a rei. A tlangpithuin hmeh khalah vawksa a larbik.

Dec 25 ih suak mihminthang hrekkhat

Isaac Newton (English Scientist), Anwar Sadat (Egyptian president), Humphrey Bogart (US Lemcangtu), Robert Ripley (Believe it or not cabu ngantu), tvk…

Dec 25 ih thi

Charlie Chaplin (US Lemcangtu)

Tlangkawm

Leitlun ah X’mas tlukih ropi, leitlun pumpi deuhthaw le mi tambik ih hman thei mi, leitlun pumpi huap suahcam dang a um lo.

Rawn: BTS Awkhawk, Oct-Dec 1997; Top English

Hsn: Buannel, Ṭum 2 Vawi 2, Dec 2003 ih suah zo mi a si.