Calai Mitkharh

Calai Mitkharh

Casiartu Calai Rualpi Zaten,

Pathian thlawsuah,umpit,zangfahnak,lamhruainak le thuthangttha zarah laimi Khristian kan sinak kum 100 a kim zo. Pathian thuthangttha sim dingah lairam ih a ratu Rev. Joseph Herbert Cope in laica in ra tuah sakcih ih lungawi umza taktak a si. Kan laica khal hi kum 100 sungah a lut ve cuahco thlang ding a bang.Asinan,kan laica le calai hi tuisun nitiang ah a hmangtu kanmah laimi hrekkhat in thiam kan tum lem lo, thiam duhnak thinlung kan nei lo. A zir khal kan paih lo,a buaipit kan huam lo,kan atcilh paih ngaingai lo,lungrualten a bangrepmi hman kan tum fawn lo.Mai’ thuthaw mai’ voih thaw, tibang in kan duhduh cu kan duh tiktik caan ah kan hmangih kan thleng dualdo rero men,lungrual kan tum lo,remtthat kan tum fawn lo,kan zoh liam cuahco hrih men,kum tin in kan laica thiam lo mino,fala le tlangval kan karh sinsin,mai’ laica ih cangan thiam lo le casiar thiam lo kan pung deuhdeuh…

Tuluk Communist hotu Mao Zedong cun, We are always revolutionists and never reformers, a rak ti.H. Sui Lian Mang in CT ih calai debate an tuah tum ah, Lai cangan daan a tamtuk, a rak ti dah. Kan laica le calai hi tuah tthat kan tum vek abang nan ngan daan a pung sinsin.Kan theih theinak dingah a hnuailam ah kan zoh suk hnik pei……!!!!!!!

1.  Laica Cerhhna

1.   Kum 1852 ah Laker (Mara)…. ….Cangan Daan, cu…Capt.S.R.Tickell ………..in..atuah.

2, (a).Kum 1874 ah Mizo …………… .. …Cangan Daan, cu…Lt.Col. T.H. Lewin……….in..atuah.(Van Lian Khup,Vankau Arsi, May 2009).

(b).Kum 1874 ah Mizo …………… …Cangan Daan   cu…H.Col.Shrous Herbert ….in..atuah.(Run       Cung Mang, Laica Zirnak).

3.   Kum 1874 ah Kuki …………… ….Cangan Daan  cu. .Capt.S.A.Soppit…… ……in..atuah.

4.   Kum 1981 ah Siyin………………..Cangan Daan  cu…Capt.Rundal ……………. .in..atuah.

5. (a).Kum 1893 ah Hakha ……………..Cangan Daan  cu…Surgeon Major NewLand..in..atuah.

(b).Kum 1894 ah Hakha………………Cangan Daan  cu…Surgeon Major Newland…in..atuah.(Mike Zung Ceu,Vankau Arsi,August 2010).

6.   Kum 1902 ah Pau Cin Hau …….Cangan Daan   cu…Pau Cin Hau…………… …in..atuah.

7,(a).Kum 1914 ah Falam Le Tedim…Cangan Daan   cu…Rev.J.H.Cope ……….. …..in..atuah.(Van Lian Khup,Vankau Arsi).

(b).Kum 1921 ah Falam Le Tedim.. Cangan Daan   cu.. Rev.J.H.Cope  …………. ..in..atuah (Run Cung Mang, Laica Zirnak).

(c).Kum 1924 ah Falam  Le Tedim..Cangan Daan   cu.. Rev.J.H.Cope………. … …in..atuah.(Mike Zung Ceu,Vankau Arsi).

8.(a).Kum 1929 ah Mindat ……………Cangan Daan   cu…Rev J.H.Cope  ……….. …. in..atuah (Run Cung Mang, Laica Zirnak).

.

Hminsin: “a,b,le c,” hi an kum a bang aw lo. 2- a le b hi a ngantu an dangdang.

2.  Kan Lai Cangan Daan

Na ttong suak tikah na ka in ca-ngan-daan tiin saal thum,aw tan thum in a suak ding.Ca ih kan ngan tikah Phunruk in a suak lala,a hnuailam ah kan zohtlang ding.

*Cangan Daan Phunphun

1. Cangan Daan…………………Run Cung Mang ( Laica Zirnak ).

2. Cangaandan…………………..Khar Thuan ( Falam cafangkom hliakhlainak le laihlangsalnak).

3. Cangandan…………………….No Than Kap ( Thiisen Le Mitthli).

4. Ca Ngan Dan…………………Sen Ro Sang (Hliak Hlai Ve Lang Kan Calai).

5. Ca Ngandan…………………..H. Sui Lian Mang( Chin Ca Kalhmang).

6. Ca Ngan Daan……………….Phun Hram Awi le Sing Lian ( Vankau Arsi, May 2009).

7. Ca ngandaan……………….Phun Zam Le Kei Uk. ( Vankau Arsi).

*   Nangteh khuimi ha na hman,zo ih ta ha lungrualten,a bangrepmi kan hman tlangkhawm tikah a tha ding tiah na ruah?.

Thuthangtha Le Thuthang tha

*   Thuthangtha       = Hre Kio le Bible lettu dang(Falam Bible ).

= Cangantui’ Kutkaih ( CLF ).

*   Thuthang tha      = Khoi Lam Thang ( Falam Bible).

= Phun Hram Awi ( Zumnak Le Ahmual).

Cangantui’ Kutkaih ih Simfiang Daan

The word ” Thuthangtha” mean ” gospel” as theological.

The word ” Thuthang tha” mean” good news” as secular.

*The meaning of Christians of ” gospel” is quite different,It speaks specifically of the good news of the salvation of Jesus Christ, not good news in general,ti a si.

*Sawmnak

Thuthangtha timi thu ah Pathian thu a si khalle, Leitlun thu a si khalle kan calai a that sinsin ih a bangrepmi kan hmantlang khawm theinak dingah” Thuthangtha” tiin hman khawm kan tum hramhram kei uh.

Duh Daan Le Hman Daan

1. Duh Daan  = Hman Daan (Run Cung Mang).

2. Duh Dan    = Hman Dan  (Mi hrakkhat ).

3. Duhdan       = Hmandan    (No Than Kap).

4. Duhdaan    = Hmandaan (Phun Hram Awi).

Tongfim Ngan Daan Dangdang

1. Anka           = Cangantui’ Kutkaih fehpit daan

2. Aanka         = Mi hrekkhat lole tamsawn.

3. Aankaa       = Laca Zirnak(rcm)

4. Ankaa         = Mi hrekkhat

Tongfang Thuah Thuhla

“taa, kaa, caa, faa,aa”

1.Taa,( ta )

Cangantui’ kutkaih hi na ta a si maw?

Bible sungta ka rello.

Laica cu kanmah Laimi ta a si.

Ngata sa a thaw cuang

2.Caa,( ca ).

Ka ca ka keng lo.

Cangan le casiar a law.

Ca ka lo kuat na hmu maw?

Anih cu ca a duh tuk.

3.Faa,( fa ).

Fate cu Pathian laksawng a si ( offspring ).

Hai fate ka nei  ( small mango ).

A fatetu a um lo ( small one ).

Ka fapa te cu mifim a si ( little son ).

Pathian fapa cu a hlomi hawl dingah a ra ( God’s Son).

4.Kaa ( ka ).

Na aw ka hro ngai a har.

Ka ka sungah sasem a um.

Sangka rawn ong aw.

Ka lawngih zum cu vankainak a si cuang lo.

5.Eel, ( el ).

Tongkam an el aw.

Ka el a na tuk.

Ka lo el tum lo.

Pitar nui’ el tha hri a zawng.

A tlunih kan tarlangmi pawl hi “aa le ee “thuah an tul lem lo. thuah lo khalih kan theih theimi hlir an si. kan thuah tlertler tikah zoh a mawi lo,asan bang aw lo cangan bang aw hman thuah a tu cuang lo a ca taw le lu, dung le hmai in kan theithei thotho titu an um laiah, athuah kan rak ngaina tuk theu ih kan hmangluan theu. Hihhi kan calai ti hmelsiatu men a si.

Pawl Hman Daan

Mirang                =   Cangantui’ kutkaih( CLF )     =    FCLS / Laica zirnak(rcm).

1. Children                           =   Nauhakpawl                           =   Nauhak Pawl

2. Churches              =   Kawhhranpawl                        =   Kawlhran Pawl

3. Dogs                     =   Uicopawl                               =   Uico Pawl

4. Women                 =   Nunaupawl                             =   Nunau Pawl

5. Students               =   Tlawngtapawl                          =   Tawngta Pawl

6. Angels                  =   Vancungmipawl                      =   Vancungmi Pawl

7. Authorities            =   Thuneihnakpawl                       =   Thuneihnak Pawl

8. Powers                  =   Huhampawl                             =   Huham Pawl

9. Things                  =   Thilripawl                                 =   Thilri Pawl

10 Mothers & Fathers =   Nulepapawl                              =   Nu le Pa Pawl

11.Brothers & Sisters            =   Ulenaupawl                              =   U le Nau Pawl

12.Kings                      =   Siangpahrangpawl                    =   Siangpahrang Pawl

13.Neighbours            =   Venghnenpawl                         =   Venghnen Pawl

14.Tables                               =   Cabuaipawl                              =   Cabuai Pawl

15.Books                     =   Cabu/ Ca-ukpawl                      =   Cabu/ Ca-uk Pawl

* Le, Leh, Let

 Le

Laica le Calai ih danglamnak ka thei zo.

Falam le Kawlrawn ka thleng veve zo maw?

Casiar le Cangan a paih nasa.

 Leh

Nan inn ka ra leng leh ding.

Lehhnu(nehhnu) ah ka lo kuat leh ding.

Na duh leh lole i pe kir aw.

 Let

Mirang Bible cu Falam tongin an let.

Leilet khua na thleng dah maw?

Ca lettu le tong lettu cu mi mankhung an si, mi ih upat an hlawh leh ding.

Casiar Le Zohmi

* Cangantui’ Kutkaih ( clf )

* Falam Pawlpi Megazine

* Falam Christian Fellowship Megazine (Sgpr)

* Laica zirnak ( rcm)

* Vankau Arsi Megazine, May,2009

* Vankau Arsi Megazine, August, 2019

* Falam Bible ( hre kio – khoi lam thang)

* Zilthli Megazine

* Falam Cafangkom Hliakhlainak le Laihlangsalnak ( khar thuan )

* Chin Ca Kalhmang ( h.sui )

* Hliakhlai Ve Lang Kan Calai ( srsang)

* Thiisen Le Mitthli (ntk)m

Elijah Cuan.