BPL @ EPL ZOH FIANG NAK

BPL @ EPL ZOH FIANG NAK

By Thangte Da Bluez on Wednesday, May 14, 2014 at 12:32am

BARCLAY PREMIER LEAGUE ZOH FIANG NAK (ENGLISH PREMIER LEAGUE)

Tusan leitlun mipi tam sawn nih,Weekend thlen zang in ti hngakhlap tertu English Premier League kan ti mi, thu mal ten vawn tar lang seh la...

English Premier League hi February 20,1992 ah khan an rak din thok a si. English professional league mipa, pawlkom club pawl hrang ih tuah a rak si, English football League system zate lakih sunglawi bik leh England ram football competition dang hmuah hnak ih thupi leh sang bik a si. Club 20 pawl in zuamawk nak nei in, Promotion leh Relegation an nei a si. Premier League hi English club pawl lawng nih an rak lek lo ih, an kiangkap Ram Welsh club ti vek pawl khal in an Qualify cun an tel ve thei a si.Cu lawng si loin Scottish leh Irish clubs pawl tiang ih an tel ve thei nak ding in,thu rel cat hrih lo mi an nei lai a si.

Premier League hi corporation pakhat an si ih,Club 20 pawl hi member an si cia hlei ah Shareholder an si cih.Season khat kan tih hi August thla sin thok in a kumleh May thla sung tiang hi a si.Team pakhat hin match 38 cio an lek ih match zate kawmkhawm cun season khat sung ah match 380 an lek theu ti nak a si. Game tam sawn hi cu Sat/Sun simlam tikcu ah an lek tlangpi nan, a tul dan in weekday (Tue/Wed) simnem ah tla an lek theu tho tho.

Premier League hi sponsor tu an um ring ring ih, Sponsor tu zir in, an hmin an thleng sal theu men a si. Tu ih sponson tu hi England leh Leitlun ih Bank lian leh hminthang zet ' Barclays Bank ' nih an sponsor ruang ah "Barclays Premier League" tin a hmin hi koh a si. Sinan, England ram leng ih football ngaina tu pawl cun English Premier League (EPL) tin kan ko/thei lai tho tho asi.

Tu hlan ahcun FA Premier League tih a rak si ring2 theu, Kum 1888 ah din thok a rak si zo nan,hi vek ih a hmin an thleng nak san bik cu English League ih division dangdang ihsin club thiam leh tha deuh pawl, club tha ve deuh pawl leh club dinhmun tha tuk lem lo pawl nih Football League division dang2 thenhran ih football league an zuam awk thei nak hrang a si.

BPL game zate hi LIVE in si seh, LIVE a si lo khal le ziangram khal ni an mai thu in an pe suak thei lo ih, mipi zoh thei ding ih pek suah ve duh cun FA thawn contract an tuah hmaisa ta a tul a si. Kum 2012-13 season sung kha BSkyB leh BT Group pawl thawn FA cun BPL match pawl pe suak thei nak hrang £1 billion leng remawknak contract an tuah a si.

Premier League hi Leitlun ram dang2 ih zoh duh bik a si ih, Ram then 212 , mipum mil 643 leng nih an zoh theu ti a si.Match khat hi minung 35,363 nih an zoh ringring ti nak tluk a si.

Premier League hi Union of European Football Associations (UEFA) coeficient ranking ah pahnihnak a si ih, hi ranking hi BPL Club pawl nih kum 5 sungih Europe level ih an cangthat dan in ranking hi tuah/pek an si.

kum 1888 an din thawk ihsin Club 23 pawl lawngin English football system champion Title hi an rak la thei a si.Hi vek ih Barclays Premier League/English Premier League (EPL) tih ih hmin an thleng/thin hnu ihsin thok in ; Manchester United cu an champion tam bik ih voi 13 an champion thei zo a si !!! Arsenal leh Chelsea te club 2 hin voi 3 ve ve champion zoin, Blackburn Rover leh Manchester City in voi 1 ve ve an Champion ve zo ti nak a si.

Theih tul ve mi pakhat cu BPL or EPL ti ih a hmin an thrin hnu cun LIVERPOOL FC pawl hi voi 1 te hman an Champion thei hrih lo ti nak a si cu !!! 2013-2014 season hi an Champion ve duh sak nak thawn....

"Barclay Premier League" (Champion zo Team leh an Champion Kum)

1992-93- Man Utd

1993-94- Man Utd

1994-95- Blackburn Rovers

1995-96- Man Utd

1996-97- Man Utd

1997-98- Arsenal

1998-99- Man Utd

1999-00 - Man Utd

2000-01 - Man Utd

2001-02 - Arsenal

2002-03 - Man Utd

2003-04 - Arsenal

2004-05 - Chelsea

2005-06 - Chelsea

2006-07 - Man Utd

2007-08 - Man Utd

2008-09 - Man Utd

2009-10 - Chelsea

2010-11 - Man Utd

2011-12 - Manchester City

2012-13 - Man Utd

2013-14..... MAN CITY !!!!!

2014-15>>>>????