MESSI !!! RECORD ROPI TUK2 TUAH THEU TU "PART ONE"

MESSI !!! RECORD ROPI TUK2 TUAH THEU TU "PART ONE"

By Thangte Da Bluez on Wednesday, July 23, 2014 at 9:34pm

Hringnun lamzin harsanak paltlang ih Record ropi tuk tuk tuahtu Messi.. Nauhak pawl Duhdawt ih farah zawnzai pawl tanpi ringring theu tu Messi..

Leitlun mipi tam sawn nih Football thiam bik ih an an hmuh, A hmin ngai khal ih an koh siang loin "Litle Magician" tin an rak ko theu mi Messi thuanthu ngaihnuam zet cu............... "PART ONE"

(Calai thiam ka si lo, Chin football ngainatu pawl hrang ka theih tawk te ih, Tu san Football player Rel hlawh Messi thuanthu hi Cabu ih suah tham a si nan,Group ah tawi famkim lo zet in,ka rawn tar lang ve fang a si...Note: Hi vek Post cu Comment holam tuk pek nak hmun a si lo ti thei in, Na ngaisan zawng Player a si lo khal le...Lungawi !!)

Di Maria: "That goal was Messi's, not mine. Only he can create something like that. He is the best"...

Barcelona & Argentina player feet 5 leh inches 7 fangih sang,Field sungah lawng te khatlam pawl hrangih player tihnung um bik World Cup ih Argentina Captain Messi hi a hmin ngai cu Lioanel Andres Messi a si, June 24, 1987 Argentina khaw pakhat,Football khawpi tin an ko theu mi Rosario(Central Argentina) ah a suak. ah sungkua harsa ve tak Jorge Horacio Messi leh Celia Maria Cuccittini te fapa si dingin a rawngsuak ve a si. Messi pa hi Steel Factory ih hnatuan ‘Steel Worker’pakhat ve mai a si ih, a nu khal ‘Part Time Cleaner’ Thiltulmi phiatfai theu ih hlawh aw theu ve men te hi an si.Messi hin pianpi unau mipa 2 Rodrigo leh Matias, farnu Maria Sol tin umau dang 3 a nei lai a si.Messi hi Sersiamtu nih Footballer ding hrim2 ih a tuah cia maw si aw ti ding khawp in nauhak te a si lai ihsin a thiam dan a lang ter zo a si.

A pa hin Football a thawt pi zet ih, an khaw Football Team pakhat Grandoli Coach a si ve. A fapa Messi hi ball sit thiam zet ih a hmuh ruangah Messi nauhak te ihsin a pa hin a rak phur pi zet zo a si.Kum 5 mi a si in a pa ih Team Grandoli hrang rak lek thawk zo a si , A pa zirhnak hnuai sin tikcu a hman hnu kum 1995 ah an khaw Club hminthang Newell’s Boys ah lut a si.,Kum 8 mi a si hnu tlacun Newell’s Old Boys Club hrang football a lek thawk ngai2 ih ,hi Club ih a lek Kum 4 sungah voi 1 lawng cak lo pi in, a thiam tuk leh a lek dan ropi tuk ruangah Messi ih suah kumcawi in Messi hi " THE MACINE OF '87' ' tin an rak ko thawk zo a si.

Cu tin nuam ti zet ih a lek hnu Messi kum 11 a kim cun Natnak tuamhlawm harsa ‘Growth Hormone Dificiency’ ( ‘Than theilonak’) a nei tih hmuh suah a si ih,hi a natnak ruangah Messi cu thang thei lo in a khukhri pawl lak ah a 'te bik' si in harsat nak a tawng so phah2 thlang a si. Cu tin a natnak cu Doctor an an zoh ter hnu ah Messi ih natnak cu ti dam theih a si nan, a mal bik ah thla tin $ 900 cem a tul ding ti a si thlang. Thil tul dang tete sensol tul pawl thawn cun thla tin $1500 lai cem a tul ding ti a si . Cu vek Treatment an lak tul hi kum 3 lai ih rei ding ti a si bet.

Messi te sungkua hrang cu mangbang vansang thin khawruah har nak rori a si thlang. A thawk ah cun an sungkhat pawl leh an mah lainattu veng khawpi pawl ih bawmnak in treatment lak thawk nak daih ding fang cu an nei thei ve ceu nan, Kum 3 hrang treatment lak nak hrang cu ruah ngaihnak khal an thei ve lo a si. Treatment an lak thei lo cun Messi ih nat nak cu dam thei mai sal ding a si lo ruangah an neihsun sumpai te thawn cun treatment lak cu an thawk tho tho a si.Messi in tu hnu ih a rel sal tikah a ke ah sii an dawh theu thu le na a ti tuk thu pawl a rel sal theu a si.Cu vek ih harsa tukih a natnak treatment la thawk an si nan,Messi dam that ding tiang cun ziang tin hman an hawlsuah mi sum pai nih a daih thei cuang lo ding ti an thei ruang ah,An mangbang tuk ,ti dan ding dang thei lo ah Messi leknak Club Newell’s Boys thuneitu pawl hnen ah tanpinak an dil thlang..Club thuneitu lam khal nih 'Thinbangin rak um hrimhrim hlah uh' tin an rak ti nan, Argentina tangka 300 Pesos lawng a bawm thei a si.A thinhar nak cu kiamni a nei cuang lo a si.

Cu vek ih natnak a tuarlai khal ah Messi cun football a thiam nak cu theihhngilh cuang lo in, a pung sawnsawn lam a si ruangah Argentina Club hminthang zet a si mi River Plate FC cun a thiam dan hmuh thelh lo in, an Club ah lakluh an duh tho tho nan, Hi vekih tuamhlawm tul ih natnak tha lo a neih ruangah Messi thiam ti tuk ih lakluh tum Club hminthang zet River Plate Fc khal nih lakluh an tum cu an thulhsan sal a si. Hi vek ih a sanlai ih Club tum le hminthang tuk River Plate Fc vek ih luh thei nak can tha an hloh tikah Messi le a sungkua hrang cu thinhar nak bet tu a si vivo.Messi ih Medical Bill hrang thlatin $900 pek sak ding cu an huphurh deah ruangah Messi cu ui tuk si in River Plate Club cun ah an la lut lo a si.Messi hrang Pathian remruat sak lamzin cu a rak dang sawn a si ti kan hmu thei ding.Messi hrang Lamzin dang Pathian nih a ong sak sal tho tho !!

Cu tin Messi cu an theitawk te ih tuamhlawm aw phah in kum 13 mi a si hnu, Messi ih khaw dangih an sungkhat hnen ihsin Messi ih football thiam dan thei ngahtu Barcelona Sporting Director Carlex Rexach cun Messi Barca ih lek dingih zohsinnak (Trial) ih tel ve dingin a sawm ve ih, Cuih Trail ih Messi cangvaih dan leh football Talent neih that dan pawl an hmuh cun zohdiktu pawl za te khal nih ropi an ti tuk si ding ...zo khal ziang tong lo in tikcu rei lo te sung cu an zaten 'an reh/Daiziar' (silent) thluh rori a si !!!

Messi ih football thiamdan leh talent a neih thatdan an hmuh hnu cun,Trail ih tel ve dingih Messi sawmtu Rexach tla cun Barcelona player dingah a duh tuk ih,Spain ram ih hruai ih Messi treatment lak nak ding (Medical Bill) khal tum sak ih Barcelona Academy ah zir bet ih Barcelona hrang lek dingin a sawm ih,cuih sawm nak cu Messi ih sungkua khal in lungawi tukin an lungkim pi a si.Rexach hinan Club Barca nih Messi an co lo pang ding ti phangin Club hrang contract sign pi hngal a vawn tum nan,Contract ngan nak ding Cahnah paper a rak keng cih fawn lo,An cabuai (table) parih a hmuhmi Napkin cu paper ah hmangin contract cu an signed pi tho tho a si cu !!!!!! Paper hmang lo ih Napkin parih football contract sign um sun player nauhak te Messi cu Barca Academy ih kum ziang maw zat zir lai ding a si ruangah an sungkua cun Spain ramah an vai lut ih,Barca club nih an tulmi senso zate sumpai le a tul mi a tawlrel sak thluh a si.Cu ti cun,Messi Barcelona Academy ih um dingin 2000 kum ah an ngan lut aw ve a si.

Cu tin an sungkua ih Spain ih an vaih hnu, Messi Barcelona Junior team hrang a vawn lek ngaingai cu, a mah lalut tu Barca lam beisei hnakih cangtha in Match 30 ah goal 37 rori a thun hngal thei si mai !!!!!,Messi ih thiam dan cu mi tam sawn nih thei vivo in mi dang dang nih a lek zoh dingin an ra suak khawm theu zo a si.2003 kum a rawng thlen cun Barca club cu sumpai lam tlaksiatnak nasa zet an tuar ruangah Barca Player tha tha pawl cu Club dang ah an zuar suak tul thlang ih Messi khal cu an zuarsuah ding mi list ah a tel ve a si.A si nan, Barcelona Youth Coach Messi hi a ui tuk ruangah , Fabregas sawn hi ui tuk in an zuar suak a si.Khai kum hrawng ih EPL Club Cangtha thei zet (Arsenal) cun Messi hi lei ngah tumin an rak zuam nawn nasa ve ih an la lut ngah thei ding maw ti ih thuthang hman a um hnu ah An coach nih a siang lo tuk ih,"Midang cu zo khal zuar suak mai uh,Poi ka ti lo,A sinan Messi kherkher hi cu, kan zuar lo hram pei uh" tin a ti ruangah An Coach thurawn hi pawm in,Kha lai ih Barca Junior player tha bik Cecs Fabregas sawn kha Arsenal hnen ah an Club hrang sumpai tul ruangah sianglo tuk cing tein Arsenal hnen ah an rak lei ter a si.A tikcu lai ah Barca club hin thu tluknak dik tak an rak tuah ngah kan ti thei ding.

Messi hin Senior team ih a lek hlan ah Barcelona C team leh B team hrang a rak lek theu ih,Cuih an lek mi pawl ah "Thil rim theilo" tuk pakhat Messi hin a rak nei zo ih, cuih thil cu 'Goal thun' ring ring hi a si!! A match lek hnakih tam goal a thun vivo ih. Kum 16 leh ni 145 fang a si cun A mah neitu Club sawn hin hngak thei nawn lo in Barcelona first team hrang friendly match ih FC Porto thawn an lek ah a rak lek thawk ter cih a si. A hnakum October 16, 2004 ah Messi cu kum 17 leh ni 114 mi a si in,Spain ram sung football zuamawknak san bik La Liga ah a match hmaisa bik ding lek thokin,khai ni isin Recoad phun2 leh Goal thun hi bansan a tum nawn lo a si.

February 2006 kum a rawng her suah cun Football thiam hminthang Maradona cun ‘Argentina hrang Amah aiawh theitu ding ka hmu zo....Cu cu Messi a si’ tin a rak ti zo a si. Messi hin a keklam ke thawn mi abum kual dan pawl leh Ball thawnih a taksa pum telih a herkualpi phah in ball a suaitlang dan pawl hi khatlam player leh Coach pawl nih an thei cia ko nan amah hi a cang rang thei tuk ruangah an khamcat thei lo cu a si bik hi !!!! Mi 4-5 lai nih khamcat tum in an kulh theu nan , cu vek akar lak khal in mawi tuk leh an zum cia mi vek tho tho in a tal suak thei tho tho theu ruangah Leitlun Club dang Defender pawl rori nih "Kham theihloh Minung" tin a hmin an pe phah a si kha...

Barcelona coach hlun ( tu ih Bayern) Pep Guardiola khal in, “Messi hi zuam ban(Tluk) thei ding zo dang football Player an um lo hi poi ka ti ih,Messi hi zo khal nil an zuamban(Tluk) dah lo ding,Messi vek hi cu Midanglam an si" tin a rak ti rori.WC ih Nigeria Coach tla kha cun, “Messi hi cu Planet dang Jupiter ihsin ra mi a si, a thiam dan lawmmam hi Minung ih ti thei ding ih mawi khal a si lo" tin a tong suak rori a si kha !! Argentina team nih WC sem final an thlen ve neta bik cu 1990 kum ah a si ih,cu lai ah cun Messi hi kum 3 mi fang a si lai.Cu vek ih kum 24 sung World Cup ih semi final thleng thei dah nawn lo an Ram cu Semi lawng si loin Final tiang a hruai thleng thei a si kha.. Argentina Ram sungah Messi hmin hi a dai dah nawn lo ding ti cu a fiang.

Forbes in May 2014 ah khan Leitlun footballer Milian,Kumkhat sungih sum lalut tam bik a tarlannak ah khal kum khat sungih sumpai lalut tambik 2 nak si in,US Dollar mil 88.35 a la lut a si. Tu dinhmunah cun Leitlun ih footballer hlawh tam bik siin Zarhkhat ah US Dollar 5,37,092 leng a hlawh a si.Barcelona hrang kum 2018 tiang daih contract signed in, Cuih a contract ih langdan vek a si cu Kumtin US $ mil 27 a hlawh ding a si.Hi a hlawh lawng si loin sponsorship dangdang ihsin Adidas, Gillete, Samsung, Gatorade, etc. tivek Copany tumpi pawl hnen in kumtin US $ mil 21.5 hnak ih tam supai a lalut thei lai a si. Addidas company lawng hman ihsin kumtin te ih a sumpai lahluh zat hi US $ mil 4 a kim a si.Tu ah Messi hi Club dang nih leiding si sehla Fooballer ih a man khal khung bik ding a si ih,An Contract dan vek cun, a lei duh cun US $ mil 340 hrawngih leisuah thei ding lawng a si !!! Cu khal Club leh Messi ih rem ti lawngah a ngah lai a si. HI TIANG LAWNG MESSI IH THUANTHU KAN SIAR ZO HMAN AH ,MESSI HIN BARCELONA SAWN NIH SUMPAI DAWI RUANGIH AN ZUAR A SI LO CUN.ZIANG TIK HMANAH BARCA HI A SUAHSAN LO DING TI CU A FIANG KO.(Mi tam nawn in thutaw le lu thei loin Club dangah a thawn ngam lo,Club dangah a hlawhtlin a zum aw lo".cuti..kha ti" kan ti theu)

Messi ih sumpai lakluh zat leh Lendan cu kan theithiam zo ko ding...hi vek tlukih hminthang le lian si in Messi hin A larpi player dang pawl vek in Fala dangdang dawi leh Zanrei Nigth club ti vek ah fala,zu le sa chen in a tal buai ve dah lo ih,Player Lar aw ter hrek khat vek in Media pawl ngaihven hlawh tumin thil a ti dah lo nan, Media nih Messi hi an zoh bik a si lai ring ring tho tho. Car khal to cawklo khawp ih tam le mankhung tuk pipi a lei ve dah lemlo ih A umnak Spain Ram ih mi tlangpi in an to leh lei theu mi $240000 man hrawng fang a to men a si,A umnak inn khal inn mankhung tuk le makdanglam tuk si cuang lo ah an sungkua in nuam ti zet in an um mai ih,Khawitawk hmun le zo vek thawn khal ih an sawisel thei ding mi phun Zuk thalo ti vek a nei dah lo.A len, hminthan leh lar tuk ruangah fala dangdang dawi in a nun a hmang ve dah lo ih,A nupi khal hi a suahnak khawmi ,a nauhak lai ih a rualnu si theu leh an sungkua rualpi bik sungkua si theu Antonelle Roccuzzo thawn tha ten nei aw in, Fapa duhum tuk

Leknak lam khal ah a lekpi khatlam player pawl ti na ding zawngin voikhat hman a lekhrim dah lo ih,forward dang vek in Penalty le free kick hlawhduh in a tlu(Dive) bum ve dah lo, Cun referee thutluknak tuah ah a hminthanpi player dang vek in el ciamco leh free kick hlawh/sit beisei in field sungah kut 2 banphar le ke thluang to kek kek phah in match referee pawl hnen ah Free kick sit a dil ve dah lo .... Football Field sungih player tha pawl nih an ti tul mi hmuah record thar tuah phah vivo in a lek mai a si.

Midang vekin Tongkam thiam leh tongtam a si ve lo nan, Kristian tha a si nak leh a pianthar nak cu,Thiltha ti ih lang ter in An sungkua harsat lai thei ring2 in, A mai nauhak lai ah rethei harsa tuk leh hrisel lo tuk a rak si ruang ah Messi hin nauhak pawl hi a duhdawt in a duat thei zet ih,nauhak pawl nih ca zirnak tha zetzet an neih thei ih harhdamnak an neih ve thei nak hrang 2007 kumah khan amai sumpai thawn "Leo Messi Foundation" hi a rak din a si.Spain leh Ram dang dang ih nauhak harsa pawl hrang nasa zet in hna an tuan a si.Argentina le S.America nauhak tampi nih Spain ram ih sii-zung ah tuamhlawm aw thei phah in mitampi cun damnak an nei phah zo a si. nauhak damlo harsa zet zet pawl cu Spain Ram sung tiang hruai in an dam ngah tiang hi foundation in thilziangkim tawlrel sak in, an enkawl theu a si."Nauhak pawl thinlung hnangam ih an lungawi hmel hi,Leitlun ih 'Thil hmuhnuam' ka ti bik mi pakhat a si" titu Messi cun nasa zet in,sumpai leh Ruatnak tampi thawn tu ni tiang Damlo, harsa nauhak pawl hrang hna a tuan a si. #‎Respect

Messi hi March 10, 2010 ihsin UNICEF Goodwill Ambassador hrang ih Palai ih hman thawk a si ih,Leitlun nauhak pawl ih Diknak le Covo humhimnak pawl hrangah nasa zet in hnatuan a si. Barca Kawr awm ih UNICEF kha kan cing lai ko ding. Kum 2013 ah nauhak kum 12 mi ,Messi nauhak lai ih a natnak vek nei hrang treatment lak nak senso zate sumpai a rak pek sak zo ih,Kum 2013 tho tho ah Leitlun Rambuai thei tak,tu ni tiang hman ih Civil War reh thei lo nak hmun ih Syria Ram ih nauhak farah harsa pawl hrang US Dollar 130,000 a rak pe a si. Messi nun ih zoh thim tlak zet pakhat cu a nauhak lai ih a rak leknak club, Messi a mah dam loh lai khal ih ziang hman rak tanpi thei lo tu Newell’s Old Boys Fc hrang Newell’s Stadium ah Youth Academy hrang Dormitory(Riahkhawmnak inn) a sak sak ih, An Training nak hrang Gymnasium inn tha zet khal a din sak tho tho a si.(Thleidan a nei lo).

Cun ,A suahnak khua Rosaria khua Sii-Zung Victor J Vilela Children Hospital ti that/thuamthat nak hrang Pound 600,000 a pek zo ih kum tinten tanpi nak dang khal a pe so vivo lai a si. A Nuncan ziaza that dan leh football a thiam tuk ruangah Pope Francis khal nih a ngaisang ve zet ih Messi thawn tawngaw in an rak kawmaw zo a si.Messi khal nih Pope Francis thawn an tawnawk ih an kawmawnak tikcu hi a nunsaung Can tikcu thleng zo hmuah lakih Sunglawibik a si tin a sim.

Messi hin Leitlun Player dang ti thei dah lo mi,Football Field sungah Record hleice 125 luanlai a rak tuah zoh ih,"Messi" in Record thar 'cu mi..kha mi' a tuah lala tivek tla hi cu Leitlun News mak khal a si nawn lo lam a si bik thlang hi !!! A tuah ding hrim hrim ih hmuhnak leitlun mipi thinlungah a um zo rori si ko !!!

Messi nun ih thiltleng duh um tete,leh a Record pawl >>Coming soon !!

Source : CHIN FOOTBALL FANS (WAR ZONE)