Kawlram Tlawngtum American Pawl Hnen Ralrinpeknak

Yangon ih American Ambassador Thar An Sakmi

American ramdang ṭuanvo neitu in kawlramih tlawng tum  a rammi sinakneipawl hnenih ralrinpeknak cu October 7, tlawngkai nithum ni ahkhan a than. Kawlram hrilawk ding tikcu ah buainak a suah thei ruangah ralrin a peknak a si. Cui a ralrinpeknak cu December 20,2015 tiang a huap tin U.S Passports & International Travel website cun a tarlang.

Kawlramih tlawng ding American rammi sinakneipawl cu hrilawknak boruak kiangkap ah buainak suak thei a si ruangah hi ralrinpeknak hi suah asinak a si. American telin Ram dang 9 pawl khalin ralrinpeknak an nei ve.

Kawlrampi hrilawknakih thazang cak zet a simi NLD ih teltumnak hrilawknakpi cu November 8 ah tuah ding a siih zo in a neh, zo a cak ti cu November 22 ah than an si ding. American rammi sinak neipawl cu bulpak himnak ngaihsak ding, thlennak hmunkim ah boruak zohthiam ding le kawl thuthangpawl ih netabik simthanmipawl tla theihthei ringring tum dingpawl tla cah a si.

American rammi sinak neipawl harsatnak pakhat khat buainak a um pang le American Ambassador ah Phone ih biak theih ringring a si. A umnak hmun cu:

ျမန္မာႏိုင္ငံဆိုင္ရာ အေမရိကန္သံ႐ံုး 

အမွတ္ ၁၁၀ တကၠသိုလ္ရိပ္သာလမ္း

ကမာ႐ြတ္ၿမိဳ႕နယ္၊ ရန္ကုန္ၿမိဳ႕

Thawhṭan ihsin zirtawp tiang zung awn tikcu ah zinglam 8:00am ihsin zanlam 4:00pm tiang himi ph number +95-01-536-509 ah pehtlaih theih ringring a si.

Cumilo tikcu ah American sinakneipawl pehtlaih duh asile +95 09-51-24330, asilole +95 01-500-547. Himi email consularrangoon@state.gov   khalah pehtlaih theih thotho a si.

American ramdang ṭuanvoneitupawl anmah ih nganmi mirang in na siar duh asile…

Link>>>http://travel.state.gov/content/passports/en/alertswarnings/Burma-Travel-Alert.html