Kawhhran Kumpi (Church Government)

Kawhhran Kumpi

(Church Government)

Ziangtin Local Kawhhran Kan Kaihruai Ding?

1 Piter 5:1-3

Kawhhran upapawl, kei khal Kawhhran upa ka si ve ih, zangfah ka lo dil. Khrih ih tuarnak a hmutu ka siih a lang dingmi sunlawihnak khal a ṭawmtu dingmi ka si ruangah ka lo dil a si. Pathian ih a lo pekmi turual khaltu si uh; nuar phah ih a khaltu si loin Pathian ih duhnak bangtukin thinlung thote ih a khaltu si uh. Hna nan ṭuan tikah hlawhman ngah duh ruangah siloin duhnak taktak thawn ṭuan sawn uh. Nan mah ih kilkhawi dingih retmi turual kha a uk i uk tum hlah uh; an zohṭhim dingin nung sawn uh.

Roman Catholic Thawhnak

Zisu in kawhhran pakhat a dinih a tumtahmi cu Amah kha lubik si ringring ding a si. A thih hnuah tirhthlahpawlin a thu zirhmipawl an run zirh peh. Asinan tirhthlahpawl an thih hnuah mibur umkhawmnak ah an lakih elder pakhat-khat kha midang hnakih sang deuh ah an ret. Cutin kawhhran thar tete a suah tikah an mai hmunram (diocese) cio ah ‘bishop’ an run hlir so vivo. Cuhnu rei lo te ah bishops-pawl cu “kawhhran daan” rel khawm dingin councils an to khawm. A hmaisabik universal council cu Nicea ah A.D 325 ah an rak nei ih kawhhran tinih palaipawl khal an rak tel. Cuhnu reilote ah leitlun pumpi ih kawhhran ah zoha lubik si ding timi relkhawmnak an nei. Netabik ahcun kum zabi 6 lole 7 A.D., ah Rome ih Bishop cu “Pope” si dingin nemhngetnak an nei. Cutin kawhhran cu a rung feh vivo ih kawhhran sungih an hman thawkmi le tikcu hrekkhat tla cu a hnuailam ta vekin a si.
(Hminsin: A hnuaiih tarlangmi “historical information” hi encyclopedia ah siseh, kawhhran thuanthu cabu zohnak ah siseh, Catholic source telin, hmuh theih a si).

Hmanmi	Tikcu
Biaknak ih zuklem hman (use of images in worship)	Kum zabi 4
Naute baptisma pek (Infant baptism)	Kum zabi 4
Puithiampawl nupi nei lo ding (Celibacy of priests)	Kum zabi 4
Purgatory	Kum zabi 6
Awnmawi thil ri hman hmaisabik	Kum zabi 7
Puithiam hnenih sualhlan (Confession to priest)	Kum zabi 9
Duhduh tuahsiannak (Indulgences)	Kum zabi 12
A theh ih theh baptism (Sprinkling for baptism)	1311
Pope a sual thei lo (Infallibility of the Pope)	1870

Protestant Thawhnak

Rome kha Pathian thu thawi an hlatawk vivo tikah Catholics tampi cun an duh nawn lo. Cu laiah kawhhran-in Latin ih lehmi Bibal (mi zaran ih theih thluh thei lomi) lawng hman a rak siang. Asinan, 1400’s le 1500’s ah John Wycliffe le William Tyndale in Baibal kha English in an rak let. Cumi ruangah kawhhran in Wycliffe ih ruh tiang an ur ih Tyndale khal an that (martyr). 1517 ah Catholic phungki (Catholic monk), Martin Luther in “95 Theses” timi (RC a lungkimlonak thu) kha Wittenburg, Germany biakinn phar ah a tar. Cutin Zwingli le Calvin tepawlin Luther ih ausuahpimi vekin an duhlothu an au suahpi ve. Himi hi kawhhran thar din ding tumtahnak ruangah a silo, Catholic kawhhran kha “remṭhat sal (reform)” tummi a si sawn. Cutin kawhhran cu hmai feh lo, dungkir lo in a um rero. Asinan lehhnu ahcun Rome ihsin kawhhran thar a suak ih cutin Protestant kawhhran-pawl lak ihsin khal kawhhran dangdang a rung suak vivo. Cupawl tla cu:

HMIN	KUM	A HMUN	DINTU
Lutheran	1530	Germany	Martin Luther
Church of England	1534	England	Henry VIII
Presbyterian	1536	Switzerland	John Calvin
Baptist	1609	Holland	John Smyth
Methodist	1739	England	John Wesley
Mormon	1830	America	Joseph Smith
7th Day Adventist	1846	America	Miller/White
Jehovah’s Witnesses	1872	America	C. Russell

(Hminsin: Himi khal rinsantlak deuhmi encyclopedia asilole kawhhran thuanthu cabu ah siseh, hmuh theih an siih tikcu hrekkhat khi a cang thei bik tiih ruahmi (approximate) an si).

A.    Kawhhran Kaihhruainak Hrang Thupi (Major forms of church government)

1.      Episcopal – Ordained mi puithiam (clergy), sinak sangsang kha kawhhran tlunih thuneitu an si.

2.      Presbyterian – Kawhhran sungih kawhhran upapawl cu thuneitu an si.

3.      Congregational – local mibur le democracy ukawknak thupit termi a si.

4.      Nongovernment – Thlarau thianghlim ih uknak vekin mi pakhat ih thuneihnak ti thupit a si.

	Episcopal	Presbyterian	Congregational	Nongovernment
Thuneitu	Bishop	Elder, church courts	Mibur, mipi (congregation)	Bulpak (individual)
Ṭhimnak	Methodist, Anglican, Lutherans hrekkhat, Roman Catholic,	Presbyterian, Reformed, Bible church hrekkhat	Baptist, Congregationalists, Lutherans tamsawn, Independent Kawhhran hrekkhat	Quakers, Plymouth Brethren,
Danglamnak (distinctive)	Puithiam-pawl asilole ordination sinak a dangdang. High church	Puithiampawl asilole hnaṭuantupawl sinak bangaw thluh Church courts (Session- Presbytery – Synod – General Assembly)	Autonomy le democracy Pastor = elder lawng	Thlarau ih ukmi bulpak, Hmuh theih lo kawhhran lawng, Low church
Ṭhatnak	Umtlandan le thurinpawl ah pumkhatnak a um.	Puithiam le puithiam lo, zaten bangrepnak.	A thlengaw thei (Flexibility).	Thlarau thianghlim lawng rinsan.
Ṭhatlonak	Hnaṭuan tu hnen ah thuneihnak pe tuk luar (not a person).	Kawhhran upa (presbytery) hnenah thuneihnak pe tuk luar.	Zuamawknak nasa tuk, Pumkhatnak mal,	Kaihhruai awk har,
Bawmtu	Tirh 6:3,6; 14:23; Kawhhran hmaisa ah James’ role, kawhhran thuanthu	Tirh. 1:23-26; 20:17; 1 Tim. 3:1-2 Synagogue model	Thuthlung Thar cun local kawhhran a ti thupi Zumtu zaten puithiam sinak Thuthlung thar ca ih simmi cu mibur/mipi a si, puithiam a si lo.	1 Kor. ih Local kawhhran ih cawkphurtu Zumtu zaten puithiam sinak.
Zuamduhmi	Bible asilole thuanthu ah fiangfel lo. Paul ih thuṭhimnak	Fiangfelmi Bible cang mal tuk. Bulpak sungtelpawl awnau thei lo	Tirhthlahpawl ih thuneihnak thawn pehpar lo, Elders tamnak, Thup. 2-3	Thuthlung thar ih milai thuneihnak le kawhhran umdang pawl hnawl.

B.     Piter le Kawhhran pehparnak

Hmundah Pakhatnak	Hmuhdan Pahnihnak	Hmuhdan Pathumnak
“Lungpi” = Piter	“Lungpi” = Khrih	“Lungpi” = Piter ih sualphuannak
Tertullian, Cyprian, Vatican I & II pawlih pawmmi	Augustine, Calvin, Zwingli pawlih pawmmi	Chrysostom, Zahn pawlih pawmmi
Relbuaimi hrangah: Khrih in lungpi thu a sim laiah Piter hnenah a sim. Petros (Peter) ih san cu lung fate. Roman Catholicism vek asile Peter cu pope hmaisabik a si.	Relbuaimi hrangah: 1 Korin 3:11; 1 Piter 2:4-8 ih simmi catluan vek a si, Petra timi cu Thuthlung Thar ih Khrih, theihthiam nak dingih thudang ih simmi (metaphorically) a si. Khrih in petros le petra timi a danglam ter.	Relbuaimi hrangah: Khrih cu Piter ih sualphuanawknak ah a lungawi (Matt. 16:16-18). Piter ih sualphuannak cu thuthangṭha simnak zung dinnak a si.
Dokalhnak Petros ( lung fate) le petra (lungpi) cu danglam ter a si. Piter in Khrih cu a hrampi a si thu a sim (1 Piter 1:4-8). Piter in pope ka si a ti aw dah lo 1 Korin 3:11 in Piter cu kawhhran hrampi a si thei lo thu a sim.	Dokalhnak Khrih in himi cafang rori cu a sim lo thei, ziangahtile Aramaic ṭawng ih simmi a si ruangah.	Dokalhnak Piter in Khrih cu a phat san daih (Matt. 16:22-23) Thusimnak zung (office of preaching) cu Piter ih sualphuannak hlan ihsin din a si zo.

C.    Local Kawhhran ih Kaihhruaiawkdan – Ziangtin Baibalin in zirh?

1.      Hlan Khristian nunphungpawl (Pre-Christian traditions)

a.       Greeks, Romans le Jews pawlin zunglam thuneinak thawn pehparin mi an hril asilole hnaṭuan an pek tikah kawhdan an nei fingfing.

1.      Greek “gerousia” asilole khawnu khawpa

2.      Roman “senate”

3.      Jewish synagogue “presbytery”

b.      A tlunih tarlangmipawl tlunah board tum deuh an hril sal tikah:

1.      “Bishops” – official supervisors (thuneihnak thawn)

2.      “Deacons” – servants/siahhlawh (thupekpawl phurtu)

c.       Thil cang thei a simmi cu kawhhran hmaisapawl khalin a tlunih tarlangmi thawn bangawmipawl an rak hmang a si ding.

2.      Elder

a.       Hruaitu ih zung thawn pehparin term thum a um.

1.      Elder (PRESUBUTEROS) ih simduhmi cu thlarau lam thuneihnak thawi pakhat vekih ummi.

a.       Greek cafang: PRESUBTEROS; ih san ngaingai cu “upa sawn” tinak a si.

b.      Hlan sanah kum in thu tampi a rel.

c.       Thuthlung thar ih hmanmi: ruling office ah a tlangpithuin: Judah miphun ih elders (Tirh. 4:8), Khristian kawhhran ih elders (Tirh. 14:23).

d.      Kawhhran upasinak cu Judah pawlih upasinak ihsin a si lo.

2.      Bishop asilole Overseer (EPISKOPOS) cu Elder ih umnak dinhmun a sim duhnak a si.

3.      Pastor asilole Shepherd (POIMEN) cu mi upatnak thawi Elder ih hnaṭuan a sim duhmi a si.

4.      Steward (OIKONOMOS) cu thuthangṭha upatnak thawi Elder ih hnaṭuan a sim duhmi a si.

b.      Kawhhran hruaitupawl cun taksa pum pakhat sungah ṭuanvo pathum an nei.

1.      UKNAK (RULING) - Thuṭhen le uknak lam (Judicial & administrative) Tirh. 20:28, 1 Tim. 5:17.

a.       Administrative (Pathian ih siahhlawh dinhmun in kawhhran uk ding), Titus 1:7; 1 Piter 5:2-3.

b.      Officiative (kawhhran hruai ding; kawhhran zohkhen ding), Jeim 5:14.

c.       Representative (kawhhran ih ṭulnak kipah um ding), Tirh. 20:17-31.

2.      ZIRHNAK (TEACHING) – Cawm

a.       Thurin (doctrine) – Titus 1:9, 1 Tim. 5:17

b.      Nuntukhawsak (Life-style) – 1 Piter 5:3, Heb. 13:7

3.      PASTOR-NAK (PASTORING) – 1 Pit. 5:2-3, Ezek. 34:1-4, Tirh. 20:28.

c.       Kawhhran hruaitu cu a hnuai ih tarlangmi vekin tling ding a si.

1.      Mi tamsawn lungkimmi thlunpi (Orthodoxy) – umtlan ziaza, le cangvaihdan.

2.      Fimthiamnak (Wisdom) – nun ih tawntehmi le Baibal theihnakpawl ihsin.

3.      Upatnak (Respect) – mipi le hruaitupawl thawngin.

4.      Pastor thinlung (Pastor’s heart) – tuupawl hrangih hlanaw ngamtu.

3.      Deacon

a.       Greek cafang, DIAKONOS (“deacon” tiih lehmi) ih san cu “siahhlawh” tinak a si.

1.      Thuthlung thar ih DIAKONOS in zumtu bur hnih simduhmi a nei.

a.       Khristian zaten (a tlangpi in), Khrih riantu. Kolo. 1:7, 1 Kor. 12:5, 1 Tim. 1:12, Efe. 4:12

b.      Siahhlawh rawngbawltu ih theihpimi board. Fili. 1:1, 1 Tim. 3:8-13. Tirhthlah 6:1-6 in hrinhnam tinih hruaitupawl cu a nauhak zetmi Jerusalem kawhhran hrangah tirhthlahpawl bawm dingin a sim.

b.      Deacons cu a hnuaiih tarlangmipawl a tlintu asilole a tlingtu a si ding. 1 Tim. 3:8-13

1.      Zianza ṭha neimi.

2.      Ṭawng tam lo.

3.      Zu duhmi a si lo pei.

4.      Tangka duhtukmi a si lo pei.

5.      Thutak kha a siaṭha thleidannak thinlung thiangte in hngette ih a pawmtu a si ding.

6.      Hniksak hmaisa a si ding.

7.      Nupi pakhat lawng a neitu a si ding.

8.      A nupi khal ziaza ṭha a si dingih mi relsia ih ṭawng tam a si lo pei.

9.      A fatepawl ṭhate ih a uk theitu a si ding.

Theihternak: Himi cahram tawite hi cangantu ih siannak telloin, website le group dangah siseh, print/nam suah le training peknak ah in hman sak lo pei.