Aalu, Arti, le Khawfi

Aalu, Arti, le Khawfi

An fanu te cu a nui hnenah a feh ih a harsatnak thu le a nun lamtluan har zia thupawl a ruah. Tingaihnak a theih lo thu le a beidawn thupawl tla a ruah. Harsatnak le buainakpawlin a nun an ti cau zet.

Cuveten a nu in rawlsuannak coka ah a hruai ih tidai ummi bel sungah Aalu, Arti, le Khawfi-mu cu a thlah. Cule tidai a so hlukhlo tiang a suang. Cui hnuah a sangsang ten a suahsal. Cule a fanu te cu a hi naih ih, “Ka fa, ziang ha na hmuh in sim aw a ti?” A fanu te in, “Aalu, Arti, le Khawfi” tin a sim.

Cutikah a nu in a hi naih sin deuh ih a simfiang. Hi thil pathum hin harsatnak bangrep ten an tuar thluh. A sa zetmi tisa so lakah harsatnak an tuar fingfing. Asinan an tuarsuahdan lawngte cu a bang aw lo. Aalu cu a hak zet nan tisa so lakih rei a um tikah a nem ih a ruai thluh. Arti cu kuai awl zet le derdai zet asinan tisa so lakih rei a um tikah a khal ih kek le kuai thei nawnlo ah a cang. Cumilak ah Khawfi-mu cu danglam zet a siih tidai sawn kha a danglam ter. Cule rim thaw zet a suah fawn.

Ka fa, “Aalu, Arti, maw Khawfi ha na si? Na nun lamtluanih harsatnak phunkim na tawn caanah khuimi bik na si”?

Ruah ding: Ziangmi ha ka si? Aalu bangin hak zet, cak zet nan harsatnak a thlen tikih nem ih kuai thluh menmi maw ka si? Asiole derdai zet, nem zet ko nan harsat buainak lakah a hak zetmi Arti vek? Asilole Khawfi-mu vekin harsat beidawnnak a thlen tikah kiangkap hrangah rimhmui suah sawnin mi tampi ih duhmi le zohṭhimtlak sawn?

Aalu, Arti, maw Khawfi na si?

Hram: Heavensinspirations sungih “Potato, An Egg, And Coffee”