Na Hnenih Pathian Cakuat

Na Hnenih Pathian Cakuat

Ka fa,

Nang cun i thei lo tla a si men ding, asinan kei cun na thuhla ziangkim ka thei (Saam 139:1). Na to le na din caan khal ka thei thluh (Saam 139:2). Na lamzin fehnak ding khal ka thei (Saam 139:3). Na luparih na samphang tiangin ka thei thluh (Matt. 10:29-31), ziangahtile nang cu Ka Hmuihmel kengih sersiammi na si (Sem. 1:27). Kei mah ah na nung, na cangvai ih na um (Tirh. 17:28), ziangahtile nang cu ka fate na si (Tirh. 17:28).

Na nui pum sungih na semsuah hlan ihsin ka lo thei zo (Jeremiah 1:4-5). Lei le van ka semsuah hlan ihsin ka lo hril zo (Efe. 1:11-12). Na cangsual a si lo, na nitin nundan kha ka cabu sungah ngan cia in a rak um (Sam 139:15-16). Na suah ni le thla, le na umnak ding cu ka ra bikhiah thluh zo (Tirh. 17:26). Nang cu danglam le hleice ih sersiammi na si (Saam 139:14). Na nui pum sungih lo sem tertu ka si (Saam 139:13) ih na suahthlak ihsin ka lo hum (Saam 71:6).

Kei cu thinheng in a hlatnak ah ka um lo, duhdawtnak famkim lantertu sawn ka si (1 John 4:16), cule ka duhdawtmi parah tirhsiangmi khal ka si (1 John 3:1). Leitlun na pa ih lo tuahsak theimi hnakin thil tampi ka lo tuahsak thei sawn (Matt. 7:11), ziangahtile Kei cu a famkimmi Pa ka si (Matt. 5:48). Laksawng ṭha na dawnmi hmuahhmuah hi ka kut suak an si (Jeim 1:17) ih a lo bawmtu ka si, cule na ṭulmi hmuahhmuah ka hmu (Matt. 6:31-33).

Na hmailam hrangih ka tumtahnak cu na ṭhatnak ding ruahsannak thawn a khat ringrinn(Jeremiah 29:11). Ziangahtile kumkhua a hmunmi duhdawtnak thawn ka lo duh a si (Jere. 31:3), Na parih ka zawnruahnak cu ruahban lo a si (Saam 139:17-18) ih nangmah thawi hlasah tlang hi nuam ka ti (Zepha. 3:17). Na parih thil ṭha tuah hi ka bang dah lo ding (Jere. 32:40) ih ka ro cotu na si ding (Suah. 19:5). Ka thinlung le ruahnak zate thawi lo tundin hi ka duhmi a si (Jerem. 32:4`).

Mangbangza le thil khawruahharpawl lo hmuh ka duh (Jeremiah 33:33). Na thinlung takih i hawl ahcun I hmu ding (Daanpeksalnak 4:29). Ka parah lungawi awla na lung thlitum ka lo pe ding (Saam 37:4), ziangahtile cumi lo pe theitu cu Keimah ka si (Filipi 2:13).

Na ruahnak hnakin thil tampi ka tuah thei (Efesa 3:20) ih a lo hnemtu ṭha bik khal ka si (2 Thess. 2:16-17). Na riahsiat caan poh ih a lo hnemtu na pa khal ka si (2 Korin. 1:3-4). Na thinlung a kekkuai caanah, na kiang nai ah ka um (Saam 34:18). Tuukhaltu ih tuu a hruai vekin ka thinlung naih bikah ka lo hruai (Isaiah 40:11)

Ni khatkhat ahcun, na mitthli hmuahhmuah ka lo hnulsak thluh leh ding (Thup. 21:3-4), cule hi leiramih na harsatnak hmuahhmuah khal ka lo hlawnhloh sak thluh leh ding (Thup. 21:3-4). Na Pa ka si, ka fapa Zisu ka duh vek ciahin ka lo duh (John 17:26). A nih cu ka sinak kengtu a si (Hebru 1:3). Ka ta na sizia a lang nak dingah dodalnak tampi a tuar, nangmah dodal a si lo (Rom 8:13), cule na sualnakpawl zianghman ka hminsin nawn lo ti lo simtu dingah (2 Kor. 5:18-19).

Zisu cu a thi, cutin remdaihnak na ngah (2 Korin. 5:18-19). A thihnak cu ka lo duhdawt zia langternak ah a si (1 John 4:10). Ka duhmi ziangkim ka lo pe, na duhmi ngah ve sehla (Rom 8:31-32). Ka fapa Zisu ih laksawng na co ngah a si ahcun kei khal I co ngah tinak a si (1 John 2:23), cule nangmah ka lo duhdawtnak cu zianghmanin in ṭhen thei nawn lo ding (Rom. 8:38-39).

Inn ah rat lung aw, cule vanram ih puar ropibik ka lo hmuh ding (Luka 15:7). Na pa ka si ringringih ka si kumkhua ringring ding (Efesa 3:14-15).

Ka thusuhnak pakhat tee cu, ka fahniang na si kem (John 1:1-13)?

Ka lo hngak ringring (Luka 15:11-32).

A Lo Duhdawtu

Na Pa, A Cakmi Pathian

Source:http://varietyreading.carlsguides.com/