Thuthang Ṭha

Thuthang Ṭha

Thuthang ṭha maw thuthang sia timi cu ziangtin thil na hmu timi parah a ṭhum aw. Bummi si cu na hrang a kha zet men ding. Asinan na nun kha hmasawnnak ah na hruai sawn a thupi…

Argentina ih bawhlung te thawi thiam (golfer) hminthang, Robert De Cincenzo cu zuamawknak ropi ih nehnak a co hnu inn tlun tim a tuah rero ih a mawṭaw umnak lam a feh rero lai ah tleirawl nunau pakhat a hnenah a ra ih a nehnak ruangih a lungawipi thu sim phah in a ra cibai. Cuṭheh veten a fa damlo besia in thikzik ih a nat thu le zato inn ih a um thupawl a si. Ziangtin zato umman ka pe ding ti khal ka theilo tin a mangbang le beidawng thu khal a sim cih.

Cui thu cun De Vincenzo ih thinlung a la zetih a ṭul zat daih dingmi sumpai a pe. Cule “himi thawn na fa va tuamhlawm aw” tin a sim.

Zarh khat a rei hnuah an lehnak hmunah a feh salih cu tawkah an zung hnaṭuan upa pakhat in, “kan dung zarh ih nehnak na ngah pekte ahkhan tleirawl nunau pakhatin a fa damlo ruangah paisa a lo dilih na pek thu nauhakpawlin in sim” tin a ra bia. De Vincenzo in, “Si e, ka pe” tin a sawn. Asinan hnaṭuantu in, “na hrang thuthang pakhat ka nei. Kha nu kha mibum, mi hlothlau a si. Fate khal a nei lo. Pasal hman a nei lo. Ka rual, a rak lo bum ngah riai” tin a sim.

De Vincenzo in, “Cucu naute thi ding khal a nei lo, a um lo tinak a si kei cu?” tin a sut.

Cule hnaṭuantu in, “Si e, a si” tin a sim.

De Vincenzo in, “Aw singai, himi hi tui zarh sungih thuthang ṭha bik ka theihmi a si cu” a ti.

Source: Inspire 21 ih “good news”