Thlacamnak Ih Thiltithei Zia

Thlacamnak ih Thiltithei Zia

Hi thuanthu ngaingai hi Michigan ih an biakinn ih tlung rerotu missionary pakhat ih a simmi a si.

“Africa ram sizung fatete ih hna ka ṭuan laiah, thla khat ah zarh hnih sung cu khawpi thawi a hlatnak hmun khawte berek ah sii zemin saikal thawn ka feh ringring.

Ṭum khat cu ni hnih sung ka feh hnuah paisa ka suah ding ka ti cianak khawpi pakhat ah ka thleng. Cutawkah bank ih paisapawl suah in sii lei hnuah hmundang ih sii zem sal ka tum. Cun ka umnak sizungpi ah kir sal dingin ka pawk.

Khawpi lamzin ka um laiah lamzin ah mi pahnih an sual-aw rero lai cu ka hmu. Pakhat sawn tla cu hliamhma nasa ten a tuar. Ka va tuamhlawm ih Pathian thu tla ka sim phah. Cutin ni hnih ka feh sal hnuah ka umnak hmun cu dam le tluangten ka thleng.

Zarh hnih a rei hnuah ka khualtlawn cu ka thawk sal lala. Cu tawkah ka rak tuamhlawm dahmi tleirawl pakhat kha ka hmu sal ih a hnen ka feh. Paisa le sii ka neih thu tla a rak thei. Cule khawte ih na feh lai ah kei le ka rualpipawlin kan lo thlun ih thah kan lo tum, kan lo thah hnuin na paisa le siipawl lak thluh kan rak tum. Asinan na umnak thlam te sungih run kan tum veten ralkap 26 ih an lo kil kha kan hmu. Cui thu in sim lai ah kei cu ka hni, ziangahtile zohman kiltu ka nei lo. Asinan cui tleirawl pate cun, ‘Ai, a si lo. A lo kiltu ralkappawl hi kei mah lawngin ka hmu lo, ka rualpi panga khalin an hmu ve, paziat an si ti hman kan siar rero. Cui a lo kiltupawl kan ṭih ruangih kan lo thah ngamlonak a si.

Source: Inspire 21 ih “the power of prayer”