Ziangruangah Biakinn Kan Feh?

Ziangruangah Biakinn Kan Feh?

Thlarau lamih nung na si ahcun, himi cu na duh hrimhrim ding!

Thlarau lamih thi na si ahcun, himi cu na siar paih lo ding!

Thlarau lamih hiarhalnak nei na si ahcun, ruahsannak a um!

Biakinn feh ih khawm ringringtu pakhatin Zarhpi sunih biakinn feh ringring hi zianghman a si lo thu le a sawiselnak thu cu ca in, thuthang editor pai hnenah a pe. “Biakin ih pelh-lo-tei ka khawmnak hi kum 30 lai a si zo, cule sermons 3,000 lai ka ngai. Asinan tui ni ah cui sermon pakhat hman ka cingkeng lo. Curuangah ka tikcu ka hlawn lak men in ka thei ih pastor-pawl khal sermon buatsaih ah an tikcu an hlawnhlo rero men in ka thei” tin ca a ngan.

Thuthang Editor pai hnenih cakuatmi ruangah thucuhawknak buai hi a um taktak. Asinan zarh khat a rei hnuah hi thuthawn pehparin pakhat in ca a ngan.

“Nupi ka neihnak hi tu cun kum 30 a rei ve zo. Kan neihawk thawk ihsin kan nu in rawlhmeh 32,000 lai i sawn. Asinan tui ni ah cui rawlhmeh i tuahsakmipawl cu ziang an si ti ka cingkeng nawn lo.  Asinan ka theihmi cu … cui rawlpawlin ka taksa thazang an pe, an cak terih taksa damnak tiang i pe, cule ka hna khal ka ṭuan thei. Ka nupi in himipawl in pe lo in ei-mi le ei ding nei lo sehla tui ni ahcun ka taksa  cu mithi a si ding. Cuvekin Biakinn ah khawm lo sehla Zarhpi nitin ih ka ei-mi thlarau rawl a um lo cun thlarau lamih mithi ka si ding".

Na tha a nau caanah Pathian in cahnak a lo pe sal!

Zumnak cun hmuh theihlo a hmu, mangbanza a zumih, khawruahhar thil a ngah!

Setan in na sangka a king asile, “Bawipa, ka hrang na thlah mi a si maw” ti men aw!

Source: Inspire 21 ih "why go to Church?"