Ling A Hnin Tikah Ziang Kan Tuah Ding

Tuiṭum cu ling a hnin tikah ziangtin kan um ding, ziang kan tuah ding timi mallai kan ruah aw pei uh. Linghnin hi ziangtikah a cang ding ti theih a si lo ih ziangtik lai khalih um thei, cang thei a si. Ling vei khat a hni le a peh in a hnin duh zet. Linghnin tha(cahnak) kha “Richter Scale” timi thawn tah a si ṭheu ih unit 5 a luan asi ahcun harsatnak mi thlen thei dinhmun a si. A cak tuklomi linghnin asile a zia deuh, asinan a cak zetmi linghnin a si ahcun ralrin ṭul tampi a um. Ling a hnin tikah ziang kan tuah ding, ziangtin kan um ding ticu a hnuai lamah kan tarlang:

1. Inn na um caan ah ling a hnin asile cabuai, ihkhun hnuai tivekah humhimnak hawl aw. Inn phar lenglam siloin inn phar ih sunglam sawn kha naih ding a si. Thilri tum le rit kiangkap ah um lo ding.

2. Zung ah na um asi ahcun sangkatepawl thawn a hlat deuh nakah um aw. Inn Phar lenglam naih ah um lo ding. Cet lilawn (elevator) tivek hman lo ding.

3. Lamzin na feh lai fang a si ahcun electric hri, inn sangpipi, le mitlak thei dingmi thilri kiangkap ah um lo ding, hmun lawng zet nakah um ding.

4. Mawṭaw na mawn lai asi ahcun na Mawṭaw thawn zinkap ah ding aw. Asinan na colhnak hmun kha ziin-lilawn, meisa ṭhuam, innsangpi kiang tivek kha cu na hrial a ṭul. Ling a hnin tikah hivekpawlin harsatnak mi an pe thei ringring ti na theih a ṭul.

5. Tipi kapih um na si ahcun linghnin ruangih Tsunami tilet suar a rak thawh lai kha mang ringring aw. Online ih canganmi, thuthang tivekpawl na ngaihven ringring a ṭulih amin theinak tlangsang pipi tivek khal na hrial thiam a thupi thotho.

6. Ling a hnin asile meisa (electric) lam harsatnak a suak ṭheu. Meisapawl that ṭheh awla Gas hmang na si ahcun ṭhatei na phih a ṭul.

7. Linghnin ruangah hmun khatkhat ah kharhkhum na tuar ngah pang asile thinphang tukin au ciamco lo ding. Suahnak ker-ong pakhatte ihsin thifahnukcat ih suah tum lo ding. Suahnak a um lo asile na kut pahnih kha na lu ah ret awla lei sinbih in kun hrih phot aw, bawmtupawl an ra thlen ding kha thinsau ten rak hngak aw.

Source: www.akhayar.com (Mintuhkhah)