Europe ram bawhlung team hminthangbikpawl lakih tel,
Chelsea, Inter Milan, le Bayern Munich pawl cu a ra lai dingmi tui July thla ah
International Champions Cup (Pre-season tiih kan rak theihmi) hrang Singapore ah an lek ding tin theih a si.
ICC in Singapore Kallang ih National Stadium, minung
55,000 tlemmi lehnak innpi ah an lek ding tin official-in a tlangthan fel zo.
Singapore hin ICC hi 2020 tiang, kum li sung a
mikhual ding. Curuangah ICC sungtel, leitlun ih bawhlung team hminthang
taktakpawl khal an tel leh ding. A liamcia kum hnihthum hrawngah khan
Barcelona, Manchester United, le Real Madrid-pawl tla ICC ah an rak tel thluh
zo. Curuangah lehhnu ah hi team hminthang taktakpawl tla an ra lek leh dingih
football ngainatu hrang ahcun lungawi umza a si.
Tui kum 2017 Singapore ih tuah dingmi lehzuamnak pi
cu July 25 – 29 ah tuah a si dingih a luh man cu S$ 25 (nauhak) S$ 40 (upa) a
si.
Ticket-pawl hi March 30 ihsin an zuak thawk dingih a
leinak cu Sports Hub ticketing page, Sports Hub Box Office, le Singapore Post outlets
hmuahhmuah ah lei a theih ding. Ticket na lei ngah lo pang asi khalle “Mediacorp’s
Okto channel” ah live an thlah ding.
An Lehdan Ding (Fixtures)
25 July (Tue): Chelsea vs Bayern
27 July (Thu): Bayern vs Inter
29 July (Sat): Chelsea vs Inter
Source: The PLAYBOOK
0 comments:
Post a Comment