Football Thu Theih Ṭha Tete III

World Cup final ih hat-trick tuah theitu player um sun cu Geoff Hurst a si, 1966 ih England vs Germany puai final ah khawl thum a thun.

World Cup final rounds (a thupit cin) ih nehawknak ropi ve cu 1982 ah Hungary in El Salvado cu 10-1 in a neh, 1954 ah South Korea cu 9-0 in a neh, ih 1974 ah Yugoslavia in Zaire cu 9-9 in a neh.

World Cup final ih khawl a luh tambik kum cu 1958, Stockholm ih Brazil in Sweden 5-2 ih a neh kha a siih khawllutmi zaten  khawl 7 a si.

World Cup final ih zohtu mipi tambiknak asilole ropibik cu 1950, Rio de Janeiro, Brazil ah a siih mipi 199854 an si, 1986, Mexico Khawpi khalah mipi 114580 an siih, 1970 Mexico Khawipi thotho ah mipi 107412 an kim.

World Cup ih nehnak cotu team lak ihsin upabik cu Dino Zoff (Italy) a siih 1982 ih a pakhatnak an ngah laiah kum 40 a si.

Diego Maradona cu June, 1984 ah Barcelona ihsin Napoli ah £6,900,000 in a ṭhawn.

Rudd Gullit khal PSV Eindhoven ihsin AC Milan ah June 1987 ah £5,500,000 thawn a ṭhawn.

Mi pakhat a ram hrangih lek tambiktu player cu Hector Chumpitaz a siih a ram Peru hrangah 1963 le 1982 lakah vei 150 a lek.

Helmut Schoen timi pa cu Germany Manager kum 14 a ṭuan sungah Germany in World Cup ih a pakhatnak, pahnihnak, pathumnak an ngah le European Championships tiang a hmu thluh ta.

Clubs hminthang zet ve, Dundee United le Celtic hi Scotland ta a siih Lens hi France ta a si.

Clubs hminthang Cosmos hi USA ta a siih, Dynamo Kiev hi U.S.S.R ta a siih Santos hi Brazil ta a si.

Johan Cruyff (Holland) cu £ 1 million man-pekmi player hmaisabik a siih European Footballer of the Year timi vei thum rak ngah hmaisabiktu khal a si.

Uruguay hi World Cup rak ngah hmaisabiktu an siih 1930 ah an rak ngah. Cui hnu World Cup ṭum hnih an tel thei lo ih an tel sal thei hnu 1950 ah a pakhatnak an ngah lala.

Wembley bualrawnpi ih F.A Cup final an leh hmaisabik cu 1923 ah a si.

Leitlun ih football lehnak bualrawn tumbik (mipi tlem tambik) cu Brazil ih Rio de Janeiro a siih mipi 169,000 an tlem.

Mipi 150,000 tlemnak bualrawn cu Morumbi, Sao Paulo (Brazil) le Pyongyang Stadium (North Korea) an si.

India in mipi 100000 tlem bualrawnpi pathum an nei ve ih cupawl cu, Eden Gardens, Calcutta, le Corporation Stadium, Calicut an si.

Asian Games Football ih final thlengtambik cu Korea an si.

India ram ihsin Olympics ih hat-trick tuah thei umsun cu Neville D. Souza a siih 1956 ah India vs Australia puai ah khawl thum a thun.

India cu ṭum khatte lawng World Cup Football ih tel thei an siih 1950 ah Asian Group ihsin an rak tel.

India pawl 1948 Olympics an tel kumih an captain cu Dr. T. Ao a si.

International puai ah puai khat sungih khawl thun tam bik cu S. Nielson le G. Fuchs an siih khaw 10 an thun.  S. Nielson cu a 1908, Germany vs. France ah a siih G. Funchs cu 1912, Germany vs. Russia ah a si.

Source: Knowledge Publisher