Khristian Nunau In Ziangtin Thuamhnaw A Hruh Ding

Khristian Nunau Ziangtin Thuamhnaw A Hruh Dingih A Ceiaw Ding

Tui sanah Khristian nunau in Biakinn ah siseh, a lengah ziangtin a ceiaw ding timi cu cuhawk tlak zet thubuai vekah a rung cang. Curuangah Bible in ziangvekin kan thuam aw ding timi, Bible ih duhmi le duhlomi malte kan run tarlang ding.

1.     Zohmawitawkin Thuamawk Ding

1 Timote 2:9-10 ah Paul in, ‘Nunau khal a tawkzawn in um haisehla zoh-mawi tawkin thuam aw haiseh. An sam an tom tikah a hleifuan in tom hlah haiseh; sui hlawnthil, lung mankhung le hnipuan mankhung zetzet thawn thuam aw hlah haiseh. ¹⁰Cuhnakin biaknak lamih a zuammi nunau an si ahcun ziaza ṭha in thuam aw sawn haiseh’ a ti.

Bible ah fiangtei a simmi cu nunau cun thianghlim zet le zahumzetih thuamawk ding a si. Leitlun hlawn thil le thuamhnaw mankhung ih mawinak hnakin ziaza mawinak thawi thuamawk hi a duh.

2.     Sunglam Mawinak

1 Piter 3:2-5 ah, ‘ziangah tile, thianghlim le upatnak nei ih nan nun kha an hmu ding. ³A lenglam mawinak: nan sam tuah daan, nan hlawnthil sui le ngun thawn nan thuam awk daan le nan hnipuan hruk daan in mawinak hawl hlah uh. ⁴Pathian ih mithmuh ah a sunglawi bikmi mawinak taktak cu nan thinlung sungih a ummi a tar thei lomi lungnemnak le thindaihnak sawn an si. ⁵Pathian a ṭihzahtu khuahlan nunau, Pathian ah ruahsannak a neitu pawlih mawinak cu an pasal thu an ngainak ah a um a si’.

A tlun ta thawn bangaw deuh thaw a siih Piter khalin sunglam mawinak cu lenglam mawinak hnakih a thupit zia thu a sim. Pathian cun thinlung lam a zoh ringring, thuamhnaw, hnipuan hruhdan, hlawnthil, le lennak a zoh thupi lo. A sim duhmi cu thinlung thatnak hi mawinak diktak a si, cui hnuah zah um zetih thuamawknak le thinlung thiang na neihnakin a lo tleu ter sin ding.

3.     Nunau Cun NunauThuam Lawng Hruh Ding A Si

Danpeksalnak 22:5 ah“Nunau in mipa hnipuan nan hruk lo pei; mipa khal in nunau hnipuan nan hruk lo pei. Bawipa nan Pathian in cubangtuk cu a hua a si’.

Tui san ahcun thuamhnaw tuahnak tampi cun nunau le mipa ta thlei dang loin an tuah ih a hruhtu khalin nunau mipa ta ti umloin an duhduh in an hruh. Kan nih cun cupawl cu kan thlunmi a si lo ih Bible hi kan thlunmi sawn si ding  a si. Nunau hrangih tuahmi cu nunau lawngin a hruh dingih mipa hrangih tuahmi cu mipa lawngin a hruh ding. Cucu leidan zawngin mipitling tidan khal a siih Pathian ih duhmi khal a si.

4.     Khristian Nunau cu a Thuamhnaw Hruh in Thuṭhennak Fel Nei Ding A Si

Thufim 11:22 ah ‘A mawizet nain khuaruah thiamnak a nei lo mi nunau cu, Vok hnar ih sui khaih bangtuk a si’ tin a sim.

Nunau mawi ngaingai cun a hruh dingmi thuamhnaw a hril ding tikah felfai ten thuthluknak a tuah. Ziangahtile a tlun Bible ih tarlang vekin Vok hnarih sui thlaihmi men bangih a um ding a phang. Khawruah thiamnak neilo nunau ih mawinak hi zianghman a si lo. Nunau mawi ngaingai pawl cun Pathian an tihzah, cucun mi a hip zet fawn.

5.     Cahnak le Zahumnak kha Hruh Aw

Thufim 31:25 ah a simmi cu, ‘A thazaang a cak, an upat zet ih hmailam hrangah thinphannak a nei lo’ a ti. 

Bible in a simmi cu nunau ih thuamhnaw hruhdan cu a thinlung ih hrambunmi a si. Curuangah nunau in hahio um dingmi hniphuan, tulai tong cun sexy zetzet a hruh cun a thinlung a tha lo ti thawn a bangaw. Himi Bible bungcang in a simmi cu nunau in mipa hipnak hrangah sexy zetih a ceiawk rero a tul lo, zumawknak nei zetin ‘Pathian in mawi zetih I sersiammi ka si’ ti a theihawk ding kha a thupimi a si. 

Source: Christiantoday