IF = ASILE

Hla phuahtu--Radyard Kipling

IF= ASILE

Hih Biazai `poem' hi Pi, Aungsan Suhkyi ih a leh ruangah le Leitlunttawng lar hmuahhmuah ih an leh ruang khalah siseh, 2008 kum ih Roger Federer le Rafal Nadal tla Tenis Final an cuhawk ttum ih Wimbledon Fakmawinak Video , Promotional Video ah siarsuah a rak si ihhleiah, Britis-pawlih an hla ngaisanbik mi,( BBC Opinion Poll 1995 ) a si ruangah kan leilungpi hin a sunhlawh hleicetnak sancu a si. Pi, Sihkyi ih leh mi ka hmuh thei lo ruangah kei mai tlintawkten ka let ta mai a
si hi.

Hla Thupi: Nehnak le vansiatnak ti mi, lem cangtu pahnih tla hi bangrep te ih na hmuh thei asile( if you can meet with triumph and disaster and treat those two impostors just the same)

* Ngaidan dik lo ih an lo kulh cing in, ngaidan dik na neih ruangih an lo mawhthluksawn khalah,
*Zokhalin an lo zum nawn lo hnu khalih mah le mah rinsanaw ngam in, an lo zumngamlonak khal na theihthiamsak thotho asile

*A ttul canah thindai hnangamten na hngak thei ih,

*Thuphan an lo puh khalah cuih thuphanih um ve loin,

*Huat na hlawh ruangih midang na huat ve lo hnu khalah,

*Fimbik le tthabik ttuan ih na ttuan LO thei asile

*Saduhthah nei cing in, na saduhthah cun na ukawkter LO thei ih,

*Ngaidan nei cing in, na ngaidan lawnglawng buaipi LO ih um thei in,

*Lemcangtu pahnih, nahnak le vansiatnak tla hi bangrepte ih na hmuh thei asile,

*Mi-aapawl bumnak hrangih midepdepawlin thudik na sim mi an lo

kaih-leksak lai khalah, ngunngaih zetih na ngaisak thei asile;

*Na thil ngaisanzawng a kekkuai khalih, dinsuahsal tum in a kekkuai mipawl na sarkhawm paihsal asile:

*Na neihcia mi hmuahhmuah khal hloral thei loh-li thilah na thap ih,

*Na hlohralter hnu khalah hram thawksal in,

*Na hlohralter mi kam khat khal rel sal lo ih na um thei asile;

*Na tumruhnak le na thazangpawlin an lo tlansan hnu khalah, na

duhdanih um dingin na ttang ttentto thei ih,

*"TTang ttentto aw" ti lo cu rel ding dang na theih lo hnu khalih na ttang thei asile,

*Mipi lak khalah mai sinak hloter loten na um thei ih, lalpawl kiangih umdan khal thiam in, mimenmenpawl kawmdan khal na thiam thotho asile,

*Ralpawl le duhsaktu rualpipawlih HLIAM ban lo mi midangih rinsan tlak,hmansehla, luarkai tukih an rinsan lo mi na sile;

*Duhsak hleice a nei lo mi tikcu le can tinten man nei zet ih na hmang thei asile,

*Ka fa...hih leilung le a sungih thil hmuahhmuah hi na ta a si ding ih,

*Cuihtlunah maw mipitling zetah na cang ding a si!

( If you can fill the unforgiving minute with sixty second' worth of
distance run, yours is the earth and everything that's in it, And-
which is more- you 'll be a Man, My son )
*
A lettu, B. Lal lian thang, Aizawl